Profet Daniel 9:9 - Buka Blahi Ka Cheke Holo

⁹ Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Profet Daniel 9:9 ပူးပေါင်းရင်းမြစ်များ

Profet Daniel 9:7

“Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Profet Daniel 9:5

Ghehati naikno diꞌa fara. Ghehati edi puhi te diꞌare ka tathamu iagho na. Ghehati theome leghudi nou vetula nei cheke teu iaghore.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Nodi Khoje Hatimare Mae Jiu 130:7

Tahati naiknoda Israel ra, tahati mala au noda grouronu ka Lord, naugna nogna namha mana thono biꞌo fara, nei magnahaghei fara fakarha ghita na.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Profet Jona 4:2

Aonu mana ne tarai eghu, “Lord, kani au teku iara ka nogu kantri ia, iara lase nighohi te atha fadelei iagho nakhibodi naiknore. Ka puhi igne te fariu riu rikha te tei iara Spen ia. Iara kulu lase nigho iagho te keli fara nei kokhonidi teu naiknore. Iagho theome ghosei diꞌatamu, eghuteuna iagho ghatho tahudi fara naiknore. Uve, iagho tarabana fabrahu te mala atha fadelei nakhibodi naiknore, eghuteuna iagho theome mala paradi mare.

Profet Isaia 63:7

Iara ginauna toutonuni puhigna Lord te ghatho tahu ghita fabrahu nogna naiknore. Iara ginauna cheke fakelini mana eidi glepo te keli teke edi mana ra. Mana fakakhana te kokhoni ghita tahati naiknoda Israel, mana jaola fakakhana nogna namha te theo ka huigna.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Esikiel 20:13

“ ‘Neuba ngau, naiknodi Israel gre neke cheke fapari ghau iara ke lamna namono nagou. Eghuteuna neuba mare ne laseni eigna ihei te leghudi nogu vetula iara re mana ginauna au ka nakarha te keli teu igne, mare tirodi leghudi kolho nogu vetula, nei nogu farirhiu teu iara re, eghuteuna mare ghathoni narane Sabat gne jateula te fiti narane ra eghu kolho. Eghume te chekeni iara na, iara tarabanau kolho te mala goigonidi mare ke lamna namono nagou na, mala haimini mare te diꞌatagu iara ka mare na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Ululahu Kings 8:30

Lord, fanomho mei ka nogu tharai iara nou mae gloku gne, eghuteuna filo mei ka vido igne kate tharai nou naikno gre. Neuba iagho ne au kligna fanomho mei ka nomi tharai gre. Kate fanomho na, iagho hata fadeleidi nakhibomi gre.

Profet Daniel 9:6

Ghehati theome fanomho ka nodi cheke hatimare mae profet, nou mae gloku iagho igre. Iagho neke kuru mei mae igre mala cheke ranghidi nomi mae king, nomi mae funei, kuꞌemi ba kavemi, nei iheire fateo te au ka kantri Israel.

Profet Daniel 9:8

Lord, hatimare mae king, nei hatimare mae funei nei hatimare mae kuꞌemi ghehatira, ghehati te gnafa na kafe edi unha te naba te mala mamajadi re, eghuteuna ghehati tapla jafra ke ulumu iagho.

Fapea Samuel 24:14

Aonu mae Devet ne cheke eghu ka mae Gad, “Iara thofno diꞌanagnafagu fara ka cheke te eni iagho igne. Eghume te keli na, lisa lao ka thegna Lord mala eni unha te magnahaghei eni mana ka ghehati na, naugna Lord na mae namha. Nu iara theome magnahaghedi mae naoka igre te mei goigoni ghau iara na.”