Profet Daniel 9:7 - Buka Blahi Ka Cheke Holo

⁷ “Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Profet Daniel 9:7 ပူးပေါင်းရင်းမြစ်များ

Profet Daniel 9:14

Lord, iagho tarabanahi te mala para ghami ghehati na, naugna iagho eni kolho unha puhi te doglo na, nu ghehati theome tangomana te leghuni nou cheke iagho na.

Profet Daniel 9:8

Lord, hatimare mae king, nei hatimare mae funei nei hatimare mae kuꞌemi ghehatira, ghehati te gnafa na kafe edi unha te naba te mala mamajadi re, eghuteuna ghehati tapla jafra ke ulumu iagho.

Profet Jeremaea 3:25

Ghehati mamaja nomi fara ka unha te edi themi igre. Ghehati baludi kuꞌemi tifara jaola tapla jafra ka nakhibo ke ulumu iagho Lord, nomi God. Funu tifa te ghilei mei posa ka narane igne ghehati theome leghu nigho.”

Nodi Khoje Hatimare Mae Jiu 44:15

Leuleghu fata na iara haimini ka nagnafagu na, iara gne diꞌa fara ka tathadi naiknore gognaro na. Iara mamaja nogu fara

Diutronomi 4:27

Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Letas Teke Riso Tei Mae Pol Ka Khiloau Rom 6:21

Tutuani, ghotilo neke theome hatini kaisei glepo te keli kolho ka nakhibo teke edi ghotilo re, eghuteuna ghotilo gognaro na mamaja nomi fara eidi puhi tuare. Thogheiro na nafnata puhi te diꞌa tuare mala fafnota ghami themi kolho ka God tifa tifa.

Profet Emos 9:9

Lord neke cheke eghu, “Iara ginauna cheke faheta ka nomi naoka ghotilo are mala paradi naiknodi Israel, jateula mae ihei te tofa nusu te mala tei salaꞌu ka strena te mala thofa soru pari ra eghu, ginauna na theo kaisei ka naikno te diꞌa igre nate theome thokeni papara na.

Profet Esikiel 36:31

Ka narane tuana, ghotilo ginauna nake ghatho fapulodi gobigna lepo te diꞌa teke fathona ghami themi ka tathagu iara na, eghuteuna ghotilo ginauna theome magnahaghedi puhimi te diꞌa teke edi ghotilo tura.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Profet Isaia 45:16

Iheire te sari mumuju god igre, mare ginauna fagoigoli ba mamaja nodi fara.

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Nodi Khoje Hatimare Mae Jiu 119:137

Lord God, iagho eni unha te doglo na, nei nou vetula iagho re jaola thono doglo fara.

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Nodi Khoje Hatimare Mae Jiu 51:4

Nakhibo te eidi iara gre thofno tapla fapari nigho iagho kolho. Iara edi puhi te diꞌa igre ka tathamu iagho na. Eghume iagho nabamu fara te fate ghau iara na, iagho nabamu fara te chekeni te la jafrahi iara teuna.

Nehemaea 9:33

Leuleghu fata na ghehati tapla jafra ka nakhibo, eghuteuna iagho leghuni puhi te doglo na ne para ghami ghehati. Leuleghu fata na iagho leghuni nou nhaꞌa cheke na ne togho ghami ghehati. Neuba, ghehati ne theome gnafa te eni puhi te diꞌa na.

Esra 9:13

“God, tutuani fara te cheke eghu iagho ka ghehati na, nu ghehati theome leghudi nou cheke iagho ra ne edi kmana nakhibo biꞌo nei najafra. Eghume iagho nabamu te para ghami ghehati eidi puhi te diꞌa igre. Nu theo eghu, iagho kokhoni ghami ghehati nei snakredi keha ka ghehati mala karhau.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Esra 9:15

Lord God gna Israel! Leuleghu fata na iagho fate ka puhi te doglo. Ghehati nou naikno iagho te karha teu aro ghehati au kolho naugna iagho snakre ghami ghehati te karha teuna. Nu naugna nakhibomi ghehati te biꞌo fara gre, ghehati nabami te papara na, nei theome nabami te kegra haghe ke ulumu iagho na.”

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Jeremaea 33:16

Ka narane te funei fruni mana jateula king teu igne, mana ginauna fakarhidi nogu naikno iara te au Juda, nei Jerusalem. Eghuteuna mare ginauna kiloni nanghagna mae igne na, Lord Sedekenu. Gaoghathogna cheke igne, Mae ihei te eni unha te doglo ka nogna naiknore.’

Profet Esikiel 6:12

Iheire te au delei igre ginauna lehe ka fogra, eghuteuna iheire te au namo igre ginauna lehe ka magra, eghuteuna iheire te karha teu igre, ginauna lehe ka grofo. Ka puhi igne iara ginauna gnafa te diꞌatagu ka mare na.

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Jeremaea 4:17

Mare ginauna mei kegra faligohoni namono biꞌo Jerusalem jateula kaisei mae te reireghi nagare te bara te ligoho ra eghu. Nu mare na eni igne, naugna ghotilo naiknomi Jerusalem nei Juda teu igre ne figri tagru ghau iara.

Profet Jeremaea 7:19

Puhi te eni mare igne mala goigoni ghau iara? Theo! Mare mala goigonidi thedi kolho. Uve, mare famamajadi thedi kolho. Igne chekegna Lord.”

Profet Jeremaea 32:32

Naiknodi Israel nei Juda te gnafa igre mare neke fangingiri ghau iara eidi thua nafnata puhi te diꞌa igre. Uve, hatimare mae king, hatimare mae biꞌo, hatimare mae pris, hatimare mae profet, keha naiknodi Jerusalem nei keha naiknodi ka namono Juda teu igre,

Profet Esikiel 5:10

Ghotilo ginauna thafodi narane te thono ninhigrana fara ka grofo. Eghuteuna ka narane tuare kmadire ginauna ghamu thudire eghuteuna thudire ginauna jaola ghamu kmadire eghu. Uve, iara ginauna para ghami ghotilo, eghuteuna khi fajifladi iheire ka ghotilo te karha nga teu are mala tei au tafri ka keha kantri delei, jateula khakla teke kuchi koko ra te flalo te tei tafri ka nuri ra eghu.