Profet Daniel 9:6 - Buka Blahi Ka Cheke Holo

⁶ Ghehati theome fanomho ka nodi cheke hatimare mae profet, nou mae gloku iagho igre. Iagho neke kuru mei mae igre mala cheke ranghidi nomi mae king, nomi mae funei, kuꞌemi ba kavemi, nei iheire fateo te au ka kantri Israel.

Profet Daniel 9:6 ပူးပေါင်းရင်းမြစ်များ

Profet Daniel 9:10

Lord God, iagho ngala nomi God ghehati na. Iagho chekehi ka ghehati te mala leghudi nou vetula iagho teke chekedi hatimare mae profet, nou mae gloku iagho ra. Nu ghehati theome leghudi kolho eghu.

Nehemaea 9:34

Kuꞌemi, nomi king, lida, nei pris teku ghehati tifa ra, mare neke theome tajini nou Vetula iagho na. Iagho neke cheke faheta ka mare mala leghudi nou chekere neku, nu mare theome magnahaghei te fanomho ka nou cheke iagho re.

Esra 9:7

Funu ka naranedi kuꞌemi tifa ra tela ghilei mei posa ka narane gognarogne, thofno nabami fara te papara fara eidi nakhibomi igre. Naugna nakhibomi ghehati igre, iagho lisei lao ghami baludi nomi king nei nomi pris teu igre ke paridi nodi nolaghi nomi naoka gre. Mae naoka igre aknu falehe keha ka ghehati, eghuteuna hata kehare mala loku jateula naikno sneka eghu, eghuteuna mare blau nomi gobigna lepo ghehati re. Mare famamaja ghami fara ghehati, glepo igre edi fabrahu la ghilei mei posa ka narane gognaro gne.

Mae Khuru 13:27

Iheire te au Jerusalem nei iheire te mala baubatu teuna theome filo glanini ngala mae Jisas te mae fakarhai na. Eghuteuna mare theome lase dila chekedi mae profet te iu'ijudi koba leuleghu narane Sabat. Nu cheke igre ne horoghoto fara kate fate faleheni mare mae Jisas.

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Profet Jeremaea 44:16

“Jeremaea, ghehati tiromi fanomho ka nonomho te mei toutonu iagho ka nanghagna Lord igne!

Profet Jeremaea 29:19

Iara ginauna kuru mei thua nafnata naꞌau papara, naugna mare ne tirodi fanomho ka nogu cheke iara te toutonu mae profet ka mare igre. Eghuteuna ghotilo iheire te khi fajifla ghami iara ka nomi namono ra, ghotilo jaola tiromi fanomho.” Igne cheke gna Lord.

Profet Jeremaea 26:5

Eghuteuna ghotilo mala fanomho ka unha te chekedi nogu mae gloku iara hatimare mae profet. Kmana fata iara kuru aridi mare mala toutonu ka ghotilo, nu ghotilo tiromi fanomho ka nodi cheke mare re.

Profet Jeremaea 7:13

Kate edi ghotilo glepo te thono diꞌa fara igre, iara neke fariu riu cheke ka ghotilo. Nu ghotilo neke tiromi fara te fanomho ka iara na. Iara kilo ghami ghotilo leuleghu fata, nu ghotilo tiromi cheke tughu kolho.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Fapea Kronikols 33:10

Neuba Lord ne cheke faheta ka King Manase nei ka nogna naiknore neu, nu mare tirodi fanomho kolho ka mana.

Fapea Kings 18:12

Samaria ne snagu ka armi gna Asiria, naugna naiknodi Israel gre ne theome leghuni Lord, nodi God na. Nu mare huhughuni u nhaꞌa cheke teke eni mana baludi na, eghuteuna mare theome leghudi vetula teke chekedi mae Moses, nogna mae gloku Lord ra. Mare theome fanomho ka Lord, eghuteuna mare jaola theome leghuni mana.

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Nehemaea 9:30

Kmana finogha iagho snakre meini nou Tharunga te Blahi na ke klignadi hatimare mae profet, eghuteuna kurudi mae igre mala cheke faheta ka naiknore. Iagho neke ofodi naiknore mala fanomho ka cheke igre, nu mare ne tirodi. Eghume iagho snakredi naiknodi keha kantri are mala mei uludi mare.

Profet Jeremaea 7:24

Nu mare maku fara phaꞌudire ne leghudi kolho nodi gaoghatho thedi te diꞌare. Mare tirodi fanomho mei ka iara mala leghu ghau iara.