Profet Daniel 9:26 - Buka Blahi Ka Cheke Holo

²⁶ Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Profet Daniel 9:26 ပူးပေါင်းရင်းမြစ်များ

Profet Nahum 1:8

Nu mana ginauna mei jateula goighovi eghu mala goigonini namono biꞌo Ninive baludi naoka te au ke lamnagna. Uve, mana ginauna falehedi iheire te theome leghuni manare.

Profet Isaia 53:8

Mare lokini mana mala hatini ka fate, aonu mare athani ne tei mala faleheni mana, nu theo kaisei naikno te nangani kolho glehegna mana na. Mare faleheni mana eidi nakhiboda tahatire.

Nonomho Te Keli Teke Risoi Mae Mak 13:2

Mae Jisas ne cheke eghu ka mana, “Filo sagho ka suga biꞌo are! Nu te chekeni iara ka iagho na, thina biꞌo are ginauna na phaꞌe soru thofa tafri. Eghuteuna ginauna na theo kaisei thina nate au teu ka teke au gna gognaro gne.”

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Nonomho Te Keli Teke Risoi Mae Mak 9:12

Mae Jisas ne cheke eghu ka thilomare, “Tutuani fara, mae Elija gne mala kulu mei mala kulu tarabanau gobigna lepore. Naugna unha si grioriso te blahi gne te chekeni na mae teke mei funu ka God gne ginauna mare na parani nei filo fadiꞌani eghu teu gnea?

Matiu 24:2

Mana ne cheke eghu ka mare, “Uve, ghotilo filodi suga igre. Nu tutuani fara te chekeni iara ka ghotilo na, gringni thina igre ginauna kafe koko pari. Nu ginauna theo kaisei thina nate au ka vido te au teu gognaro gne.”

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Profet Daniel 11:10

Thugna mae king gna Siria igre, mare ginauna kilo fodu kmana mae soldia tarabana mala magra. Kaisei mae ka thugna king igre balugna nogna armi na ginauna mei jateula nabritha biꞌo eghu na roꞌeni nodi vido mala poru mae naokare.

Profet Daniel 9:27

King igne ginauna eni kaisei nhaꞌa cheke baludi kmana naikno nabagna fitu finogha. Farihoteidi narane tuare, mana ginauna na theome snakredi naiknore mala fafara, ba tusu lao kaisei glepo ka God. King ginauna lilisei haghe kaisei glepo te thono diꞌa fara ke lamnagna nogna Sugablahi God na. Glepo tuana ginauna au ka vido tuana ghilei thokeni narane leghu lahu teke lilisei God malagna mae ihei teke eni glepo te diꞌa igne.”

Profet Isaia 8:7

Naugna igne, iara ginauna snakreni mae king gna Asiria balu nogna soldia mala mei magra ka mare. Nogna armi mae king gna Asiria igne ginauna mei jateula Khoꞌu biꞌo Iufretis te britha te namo thafru vido te gnafa ra eghu. Armi igne ginauna toku tafru noda kantri tahati igne Juda. Nu God ginauna reireghi fakelidi nogna naiknore jateula kaisei gaghata te toku tafru ghegna ganore ka phei baghigna ra eghu. Imanuel iagho au balumi ghehati!”

Ululahu Pita 2:21

God neke kilo ghamihi mala eni igne, naugna mae Kraes neke papara fara mala fakarha ghami ghotilo. Mana neke falalase ka ghotilo nogna puhi na mala leghuni ghotilo ginau.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Nonomho Te Keli Teke Risoi Mae Mak 13:7

Kate nomhidi ghotilo naogladi magra rhemi re, thosei nanga nomi fara. Glepo igre mala kulu thoke mei, nu narane leghu lahu na theome thoke mei au.

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Matiu 22:2

“Nafnata puhi God te funei frunidi nogna naiknore igne jateula te eni ka thoutonu igne eghu. Uve, kaisei mae funei neke tarabana kaisei gaghamu biꞌo mala tholaghi mae thugna na.

Profet Emos 9:5

Lord God, mae ihei te au nolaghi fateote'o, mana tangomana te habo kolho ka nauthoglu nei glose teu igre mala nghali, eghuteuna naikno te gnafa re ginauna diꞌanagnafa nei tanhi eghu. Ginauna na jateula kaisei nakheu eghu na nghali tongana namono te gnafa ka kantri igne, eghuteuna glose igne ginauna haghe nei soru eghu jateula Khoꞌu biꞌo Nael te britha biꞌo ra eghu.

Profet Emos 8:8

“Naugna igne, iara ginauna kurudi mae naoka gre mala thofno goigonidi nomi namono ghotilo are, eghuteuna ghotilo te gnafa na ginauna diꞌanagnafa nei tanhi eghu. Ginauna na jateula kaisei nakheu te fakheuni te nghali kantri igne ra eghu, eghuteuna glose igne ginauna haghe nei soru eghu, jateula Khoꞌu biꞌo Nael te britha ra eghu.”

Profet Hosia 1:9

Aonu Lord ne cheke eghu ka mae Hosia, “Iagho na kiloni thumu igne, Lo-Ami. Gaoghathogna na, theome nogu naikno iara. Naugna ghotilo theome nogu naikno iara, eghuteuna iara theome nomi God ghotilo.”

Profet Jeremaea 46:7

“Mae iheire site nheta fara jateula Khoꞌu biꞌo Nael te britha te thafru vido te gnafa ra teu igrea?

Nodi Khoje Hatimare Mae Jiu 22:15

Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.

Luku 21:6

“Gobigna lepo te khuakhuda te filodi ghotilo igre ginauna groꞌe. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.”

Matiu 23:38

Eghume gognarona God ginauna tei kokoni nomi namono ghotilo gne mala nagou.

Profet Daniel 11:17

King gna Siria igne ginauna mei balu nogna armi biꞌo mala eni kaisei nhaꞌa cheke te mala loku fodu balugna king gna Ijep. Te mala loku fodu phei kantri igre, king gna Siria igne jaola ne snakreni thugna gaꞌase na mala tolaghi ka king gna Ijep. Mana eni igne mala tangomana mana te au nogna nolaghi biꞌo balugna thugna gaꞌase nate kuin frunini Ijep. Nu nogna gaoghatho mana igne ne theome loku kolho.

Profet Jeremaea 51:42

Naoka igre ginauna mei jateula phobro biꞌo te mei te thafru namono ra eghu, ba galo te mei poha ke kligna thina ra eghu.

Profet Daniel 11:22

Mana ginauna falehedi naikno te theome leghudi nogna chekere. Neubane nogna pris biꞌo God, mana na jaola aknu falehe.

Fapea Samuel 21:5

Mare ne cheke eghu ka mana, “Tifa na, king Sol neke magnahaghei te falehe ghami ghehati hui. Mana theome magnahagheni kaisei naikno ka ghehati te karha na agne Israel.

Profet Isaia 28:2

Filo ghami ghotilo ia! Lord ginauna kuru mei kaisei mae nheta mala goigonini namono igne. Mana ginauna mei jateula kaisei nakhete thina eghu, ba jateula kaisei saeklon biꞌo, ba jateula kaisei khoꞌu biꞌo te britha te mei te goigonidi gobigna lepo ra eghu.

Profet Isaia 28:22

Gognarona ghotilo thosei cheke faparini nogu cheke iara igne, te theo ghotilo na naꞌau papara malami ghotilo teku igne. Eghuteuna ginauna na thono diꞌa fara ka unha Lord mae ihei te au nolaghi fateote'o igne tela chekehi te mala goigonidi vido te gnafa ka noda namono tahati igne.

Profet Daniel 11:36

“King gna Siria ginauna leghuni unha te ghathoni thegna na. Mana ginauna cheke fahaehaghe nei fafnaknoni eghu thegna salaꞌuni God mae ihei te fnakno ke klignadi god fateote'o. Mana ginauna eni fabrahu puhi igne ghilei thoke mei narane teke vahini God te mala parani mana na. Eghuteuna God ginauna eni unha teke ghathoni mana na.