Profet Daniel 9:25 - Buka Blahi Ka Cheke Holo

²⁵ “Iagho mala lase fakelini igne. Funu ka narane te jifla mei cheke igne ka hatimare mae profet eigna te mala ke babana fapulo namono biꞌo Jerusalem teku igne ginauna theome faghose ghilei thokeni narane nate vavahi God kaisei mae, eghuteuna ginauna na thokeni phia tutu nheva finogha. Eghuteuna ka narane tuana, mare ginauna nake babana fapulo namono biꞌo Jerusalem, balu nabrou nei vido mala poru teu igre ginauna thokeni fati gobi tolufulu fati finogha. Nu ginauna na kmana puhi biꞌo na thoke mei.

Profet Daniel 9:25 ပူးပေါင်းရင်းမြစ်များ

Esra 4:24

Naugna igne, gloku mala ke babana fapulo gna nogna Sugablahi God Jerusalem igne ne thofno snoto ne fiti au neu kolho ne ghilei posa ka fapea finogha te funei fruni King Darius gna Pesia.

Jone 4:25

Gaꞌase na ne cheke eghu ka mae Jisas, “Iara laseni mae fakarhai te kiloni mae Kraes na na mei. Kate mei mae Kraes na mana ginauna famane rurutha ranghi ghita tahati gobigna lepore.”

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Profet Isaia 55:4

Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Daniel 9:23

Kate funu tarai iagho na, God na la nomhi nighohi. Tuana te meini iara na mala chekeni cheke tughu gna na ka iagho, naugna mana namha nigho iagho fara. Gognarona iagho fanomho fakeli kate rurutha iara gaoghathogna mifi igne.

Profet Daniel 8:25

Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.

Nehemaea 6:15

Gloku ka gringni thina igne gnafa ka varadaki glima narane gna nhigra Elul, eghuteuna ghehati neke khogla loku glimafulu phei narane kolho.

Nehemaea 4:8

Aonu mare ghaoghaho fodu ne mei Jerusalem mala magra nei ei puhi biꞌo eghu ka ghehati.

Nehemaea 3:1

Igre mae iheire teke babana fapulo gringni thina igne: Mae pris biꞌo Eliasib baludi keha mae pris igre teke babana fapulo Grengatha Sipu na. Mare ne fablahi grengatha igne ka Lord, eghuteuna mare ne fagefe haghe phei grengatha biꞌo gnare. Kligna ka gringni thina igne au suga mala toetoe, eghuteuna hatimare mae pris gre ne fablahi ka gringni thina igne ne tei posa ka nogna suga mala toetoe mae Handred nei nogna suga mala toetoe mae Hananel.

Thakle 19:16

Ka nogna pohe nei boebokegna teure mare rioriso nangha igne, “Mae King te funei frunidi King te gnafa nei Lord te funei frunidi Lord te gnafa.”

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Nonomho Te Keli Teke Risoi Mae Mak 13:14

Mae Jisas ne cheke eghu, “Ghotilo ginauna filoniu kaisei glepo te diꞌa fara ginauna kegra ka vido aheva te theome nabagna te mala au na.” (Iagho mae ihei te iu'ijuni igne lase fakelini gaoghathogna na.) “Kau narane tuana naikno te au ka Provins Judia are na rikha tei mala poru ka thogele gro.

Matiu 24:15

Mae Jisas ne cheke eghu, “Ghotilo ginauna filoni kaisei mumuju biꞌo te diꞌa fara kegrau jare ka Sugablahi na. Glepo tuana fathonani nogna Sugablahi God na. Mumuju igne neke kulu chekeni mae profet Daniel tifa.”(Iagho mae ihei te iu'ijuni igne jame laseni u gaoghathogna igne.)

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Nodi Khoje Hatimare Mae Jiu 71:10

Nogu naoka iara gre ei puhi ranghi ghau iara. Mare magnahaghei te falehe ghau iara.

Esra 7:8

Mare jifla Babilonia ka narane ululahu ka nhigra ululahu gna fafitu finogha te funei fruni King Atasekses Pesia. God fablahini Esra mala toghodi kate tei mare ka nabrou na. Aonu mare ne tei posa Jerusalem ka narane ululahu ka falima nhigra gna finogha tuana.

Esra 7:1

Kmana finogha salaꞌu ke leghudi igre, King Atasekses neke funei fruni Pesia. Ka narane tuare, kaisei pris nanghagna na Esra. Mana karha mei ka vikegna mae pris biꞌo ululahu gna Israel. Vike igne eghu agne: Esra, Seraea, Asaraea, Hilkaea, Salum, Sadok, Ahitub, Amaraea, Asaraea, Meraeot, Serahaea, Usi, Buki, Abisua, Finehas, Eleasa, Eron mae ihei teke kulu mae pris biꞌo na.

Fapea Samuel 15:25

Aonu king ne cheke eghu ka mae Sadok, “Ghotilo ke hata fapulo Bokis Blahi igne Jerusalem. Jame te kelitagna Lord ka iara na, mana ginauna nake hata fapulo ghau iara mala ke filoni iara Bokis Blahi igne balugna suga tapuale te au tagna na.

Efesus 5:16

Tutuani, naugna puhi te diꞌa na heta fara gognaro na, leuleghu fata na ghotilo tangomana te mala edi unha glepo te kelire.

Mae Khuru 8:30

Aonu mae Filip chari ne tei rhegna chariot na, eghuteuna mana ne nomhini mae biꞌo na te iu'iju teu ka nogna buka mae profet Isaia na. Mae Filip ne ghusna eghu ka mana, “Ba, laseni ngau sagho unha te iu'ijuni iagho tuana ia?”

Matiu 13:23

Sisi te sukha ka glose te keli na igre eidi iheire te thofno nomhini nei lase fakelini chekegna God. Eghuteuna ure thokeni kaisei gobi sisi, namno salei sisi, nei tolufulu sisi.”

Nehemaea 4:2

Eghuteuna mana kegra haghe ke uludi mae kheragna re baludi mae armidi Samaria gre ne cheke eghu, “Tore, unha site eni na mae Jiu te glaꞌe fara igrea? Ba, mare ginauna tangomanadi teke babana fapulo thedi gringni thina tuana? Ba, mare ginauna jaola tangomanadi nate ke fafara na. Ba, mare ginauna tangomanadi nate loku fagnafa gloku igne ka kaisei narane kolho na? Theome tangomana! Thina teke hata teke loku mare tifa gringni thina igne la goigonihi khaꞌaghi. Mare theome tangomana teke hata thina ka chara re.”

Eklesiasti 3:3

Narane mala falehe naikno nei narane mala fakarha naikno fogra. Narane mala paꞌe nei narane mala babana.

Profet Maeka 5:1

Ghotilo naiknomi Jerusalem! Tahati mala kilo fodu meidi noda soldia tahati ra! Gognarona naoka igre falithui ghitahi! Mare thofno parani nei famamajani eghu fara noda king tahati gne!