Profet Daniel 9:24 - Buka Blahi Ka Cheke Holo

²⁴ “God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Profet Daniel 9:24 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Naba 14:34

Ghotilo ginauna au papara eidi nakhibomi themire nabagna phiatutu finogha, te kaisei finogha teuna kaisei narane kolho ka phiatutu narane teke tei filo nabotho phei mae ka vido tuana ia. Eghuteuna ghotilo ginauna laseni te tirogu ghami iara na!’

Levitikas 25:8

“Ghotilo kaha fitu finogha igre naba fitu fata, mala thokeni phiatutu nheva finogha.

Mae Khuru 3:22

Eghuteuna mae Moses neke cheke eghu ka mae kuꞌeda tahati ra, ‘Nomi Lord God ginauna na snakre meini kaisei mae profet ka ghotilo jateula iara eghu. Mana ginauna na kaisei mae ka ghotilo themi ngala. Ghotilo fanomho fakeli ka gobigna lepo te chekedi mana ka ghotilo re.

Profet Isaia 56:1

Lord ne cheke eghu, “Ghotilo nogu naikno iara ra! Ghotilo leghuni puhi te doglo nei keli teuna, naugna iara namo fakarhi ghami ghotilo. Eghuteuna iara ginauna jaola namo fakakhana puhigu te doglo na ka ghotilo.

Profet Isaia 51:6

Ghotilo filo haghe kligna, eghuteuna ghotilo jaola filo ka nauthoglu igne. Maloa igne ginauna dofini jateula khoveo eghu, eghuteuna nauthoglu igne ginauna thono diꞌa fara jateula kaisei pohe te thona eghu. Eghuteuna naiknore ginauna kafe lehe jateula sisimi eghu. Nu puhigu iara te mala toghodi nei atha fapulodi teu naiknore ginauna theome gnafa.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Profet Isaia 51:8

Naiknore ginauna dofidi jateula pohe thona te ghamu khokorosi ra eghu. Nu puhigu iara te doglo te mala toghodi nei atha fapulodi teu naiknore ginauna au fabrahu tifa tifa.”

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Thakle 14:6

Iara ne filoni keha engel na ne flalo kligna ka maloa na. Mana hata balugna u Nonomho te Keli te au fabrahu te tifa te tifa na mala toutonu ranghidi naikno te au ka kokholo te gnafa, ka vike te gnafa, ka cheke te gnafa, nei ka namono te gnafa ka nauthoglu gne.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Profet Esikiel 4:6

“Kate ari iagho te thokeni khukrugna narane tuana, iagho ginauna nake thuru soru fei nhetamu, mala hata iagho naꞌau papara eidi nakhibodi naiknodi Juda. Iagho ginauna eni jateula tuana eghu nabagna phiatutu narane, gaoghathogna na phiatutu finogha mare ginauna au papara.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Fapea Kronikols 29:24

Mae pris igre ne aknu falehe nanigot igre. Eghuteuna mare ne nhaꞌa lao dadaradi re ke kligna olta. Igne fafara ranghidi naikno te gnafa ka vikegna Israel te mala doglo ka tathagna Lord. Mare eni igne naugna king neke cheke ka mare mala eni fafara te thofno krono fara, eghuteuna mare fafara mala kafe doglo mare ka tathagna Lord.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Hibru 10:14

Kate fafarani thegna kaisei fata ngala, mae Kraes ne fablahidi naikno teke fagagae thegna igre mala klino fabrahu tifa tifa.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Kolose 2:14

Mana ghiha kokohi nogna fathoro vetula teke eni ranghi ghita te naba te mala fate falehe ghita na. Mana neke ghiha koko fahui vetula igre kate lehe mana ke kligna gaju fafatha na.

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Jone 1:41

Glepo ulu lahu teke eni mae Aduru na, mana tei ne hironi mae Simon ne cheke eghu ka mana, “Ghepa la filonihi mae Mesia teke ofoni tahati ia!” Mae Mesia teu igne gaoghathogna na “Mae Kraes.”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Matiu 11:13

Ame fufunu nga mae Jone Apublahi nogna gloku na tekuna, hatimare mae profet nei nogna vetula mae Moses teu igre, mare neke cheke eigna narane God te funei frunidi nogna naiknore.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Esikiel 28:12

“Maegna ka nauthoglu. Tanhi fabiꞌo eigna king biꞌogna Taea, eghuteuna cheke ka mana iara Lord God te cheke igne: “ ‘King gna Taea. Tifa na, iagho kaisei mae doglo nakarhamu na, kaisei mae glalase nei kaisei famane mae fara.

Lamentations 4:22

Ghotilo naiknomi Jerusalem ra, noda naꞌau papara tahati ra ginauna hui. Lord ginauna theome snakre ghita te au fabrahu tahati ka kantri te khaba. Nu ghotilo naiknomi Idom ra, Lord ginauna para ghami ghotilo eidi nakhibomi ghotilo are, eghuteuna fakakhana najafra teke edi ghotilo ra eghu.

Levitikas 8:15

Mae Moses aknu falehe buluka nalhaꞌugna igne. Aonu mana ne tihi lao geghesugna na ka dadara na ne ghiha ka fati honagna olta na. Eghuteuna mana atha vido dadara teke au tekuna ne tofa soru ka pesigna olta na. Ka puhi igne mana ne faklinoni olta igne ka tathagna Lord.

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Matiu 4:5

Satan batuni Jisas ne haghe ka namono blahi Jerusalem, ne fakegrani mana ka khekelegna Sugablahi na.

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Mae Khuru 4:26

Mae king gna nauthoglu gne mare tarabana mala magra. Hatimare mae te funei frunidi naiknore mare salo fodu mala magrini Lord God nei nogna Kraes.’

Profet Sekaraea 4:14

Aonu mana ne cheke eghu, “Lord funei frunidi gobigna lepo ka nauthoglu igne, eghuteuna phei glepo igre, eidi phia mae nate vavahi mana te mala edi nogna gloku re.”

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”