Profet Daniel 9:22 - Buka Blahi Ka Cheke Holo

²² Mana ne cheke eghu ka iara, “Daniel, iara soru mei mala togho nigho iagho mala laseni gaoghathogna cheke igne.

Profet Daniel 9:22 ပူးပေါင်းရင်းမြစ်များ

Profet Daniel 8:16

Aonu iara ne nomhini kaisei mae ne eha ka keha phile Khoꞌu Ulae, mana ne eha eghu mei, “Gabriel, chekeni sagho gaoghathogna mifi igne.”

Profet Sekaraea 1:9

Eghuteuna iara ne ghusna eghu ka engel igne, “Mae biꞌo, unha eghu gaoghatho gna glepo igne?” Nu keha engel na ne cheke eghu ka iara, “Iara ginauna fakakhana gaoghathodi re ka iagho.”

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Profet Sekaraea 1:14

Aonu engel igne neke cheke eghu ka iara, “Iagho mala eha fabiꞌo ka Lord mae ihei te au nolaghi fateote'o igne, cheke eghu, ‘Namono Jerusalem te au ke kligna Thogele blahi Saion, nogu namono iara, eghuteuna iara au nogu gaoghatho rheta tagna!

Profet Daniel 7:16

Aonu iara kegra haghe ne tei filoni kaisei engel kegra neu ka vido tuana. Iara ne cheke ka mana mala rurutha ranghi ghau gaoghathodi glepo igre. “Aonu mana ne cheke eghu ka iara,

Profet Daniel 10:14

Iara mei mala cheke ka iagho unha nate thoke mei ka nou naikno iagho igre mala lasedi iagho glepo igre. Unha te filodi iagho ka mifi igre, u thotoghaledi glepo te theome thoke mei nga teu.”

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Daniel 10:11

Aonu mae igne ne cheke eghu ka iara, “Daniel, God na namha nigho iagho fara. Iagho kegra haghe mala fanomho fakeli ka cheke nate chekeni iara ka iagho igne. God neke kuru mei ghau iara mala filo nigho iagho.” Kate cheke eghu mana igne, iara ne kegra haghe, nu thinigu iara na ne ngegra ne fififri tongana.

Profet Daniel 10:12

Mana neke cheke eghui ka iara, “Daniel, thosei mhaghu. God na nomhini nou tharai iagho na, funu ka narane teke nhaꞌa fapari nigho themu ke ulugna God na, iagho neke fariuriu mala lasedi gaoghathodi glepo igre teku, iara gognarona mei balu cheke tughu gna nou tharai iagho na.