Profet Daniel 9:21 - Buka Blahi Ka Cheke Holo

²¹ Kate tarai teu iara na, Engel Gabriel mae ihei teke filoni iara ka nogu mifi na flalo ne soru ka vido te au teu iara na. Ka vido igne thono namo fara ka vido narane mala fafara fei grafi na.

Profet Daniel 9:21 ပူးပေါင်းရင်းမြစ်များ

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Profet Daniel 8:16

Aonu iara ne nomhini kaisei mae ne eha ka keha phile Khoꞌu Ulae, mana ne eha eghu mei, “Gabriel, chekeni sagho gaoghathogna mifi igne.”

Profet Daniel 10:16

Mae igne fadoglo mei khamegna na ne haboni foflogu iara na. Aonu iara ne cheke eghu ka mana, “Mae biꞌo, iara filoni mifi igne ne mhaghu nogu fara ne glaꞌe soru thinigu na.

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Profet Daniel 10:18

Eghume, mae igne habo ka iara neke rheta fapulo.

Profet Daniel 8:18

Kate cheke teu mana ka iara na, iara ne iho phaꞌugu na ne thuru pari ka vido tuana ne thuru iho fara. Nu mana loku ka iara ne korho haghe ghau iara.

Profet Isaia 6:2

Hatimare mae engel ne kegra falithuini mana. Eghuteuna mare te gnafa na sopa au namno baghi, keha phei re mala toku tafru tathagna nei foflogna teure, eghuteuna keha phei re mala toku tafru thinigna na, eghuteuna keha phei re mala flalo.

Nodi Khoje Hatimare Mae Jiu 103:20

Ghotilo engel, mae te nheta nei nolaghi teu te leghudi nei fanomho teu ka nogna cheke mana ra, ghotilo cheke fakelini mana!

Eksodas 29:39

Ghotilo fafara kaisei sipu eghuteuna keha na fei grafi.

Hibru 1:7

Igne unha teke chekeni God eidi hatimare mae engel, “God neke hohoro nogna engel re mala jateula nuri, nei nogna mae glokure jateula deudeplu khaꞌaghi.”

Mae Khuru 12:7

Kaisei engel nogna God megei nga ne kegra neu ke lamnagna suga sosolo na, eghuteuna kaisei juta biꞌo phae lao ka vido tuana. U engel na ne taponi mae Pita ne fadofrani mana. Aonu engel na ne cheke eghu ka mana, “Ghema Pita, faghose kegra haghe sagho!” Eghuteuna phei chen teke rerini mana re ghosei ne khusu ne khoko soru ka khamegna mae Pita re.

Mae Khuru 10:9

Kate mei namo thilomare Jopa farihotei aublatha ka keha narane na, mae Pita na la kulu haghehi ka chogho ke kligna suga na mala tarai.

Mae Khuru 3:1

Kaisei narane, tanhi thiloi fei grafi, mae Pita ghe mae Jone ne tei ka Sugablahi na mala tarai. Igne nodi vido narane mala tarai hatimare mae Jiu.

Matiu 27:46

Naba tanhi thiloi, mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Profet Daniel 10:10

Mae igne megeinga ne loku ka iara ne farhana ghau iara, aonu iara ne loku ka phia khamegure ka glose na ne tuturupuku haghe.

Profet Esikiel 1:14

Glepo karha igre ghosei tugha faꞌulu nei tugha faleghu eghu jateula naphaegna nakafli eghu.

Profet Esikiel 1:11

Phei baghi teu igre kafe fadoglo haghe kligna, eghuteuna khukrudi phei baghi igre kafe loku fodu. Eghuteuna keha phei baghi igre mala toku tafru thinidire.

Nodi Khoje Hatimare Mae Jiu 104:4

Iagho eꞌei nuri na mala jateula nou engel eghu te mala athadi nou chekere, nei eꞌei fila na mala jateula nou mae gloku eghu.

Luku 1:26

Ka fafamno nhigra te bukla Elisabet, God kuruni Engel Gabriel mala tei Nasaret kaisei namono ka Provins Galili.

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.

Nodi Khoje Hatimare Mae Jiu 141:2

Iara magnahaghei nigho iagho te glealeꞌa ka nogu tharai iara gre, jateula iagho te glealeꞌa kate gagahu haghe ka iagho u insens te gahu mare pris ra eghu. Uve, Lord, iara magnahaghei nigho iagho te glealeꞌa ka iara kate ngafa haghe iara khamegu na te tarai ka iagho na, jateula iagho te glealeꞌa kate fafara grafiro ra eghu.

Profet Esikiel 14:14

Neuba thilo mae igre, mae Noa, nei mae Danel, nei mae Job au balumi ghotilo ka narane igre, nu puhidi thilo mae te doglo igre ginauna fakarhidi kolho nakarhadi thedi re. Igne nogu cheke iara Lord.

Ululahu Kings 18:29

Naublatha thongana na te ghilei thokeni vido mala fafara fei grafi na, mare eha fabiꞌo jateula naikno te noli ra neu. Nu theo kaisei cheke tughu te mei ka mare na, theo kaisei naikno te fanomho ka mare na, eghuteuna theo kaisei god te fanomho ka nodi cheke mare igre.