Profet Daniel 9:2 - Buka Blahi Ka Cheke Holo

² Ka finogha ululahu te king mae Darius igne, iara ne hironi chekegna God na ka Buka Blahi na. Ka igne iara ne ghathoni kaisei nogna cheke Lord teke cheke mana ka profet Jeremaea. Mana neke cheke eigna namono biꞌo Jerusalem teke groꞌe ka mae naoka ra. Eghuteuna namono biꞌo igne ginauna theome tangomana na teke babana fapulo na ghilei thokeni fitu salei finogha.

Profet Daniel 9:2 ပူးပေါင်းရင်းမြစ်များ

Profet Jeremaea 29:10

Igne unha te chekeni Lord na, “Babilonia ginauna au nogna nolaghi ke klignami ghotilo nabagna fitusalei finogha. Ke leghudi fitusalei finogha igre, iara ginauna mei ka ghotilo. Eghuteuna iara ginauna leghuni nogu nhaꞌa cheke na mala ke atha fapulo ghami ghotilo Jerusalem.

Fapea Kronikols 36:21

Ka puhi igne nodi glose mare na ne krogha fabrahu ne ghilei posani fitusalei finogha leghuni unha teke chekeni mae Jeremaea nogna profet Lord tifa ia.

Thakle 1:3

Mae ihei nate iu'ijudi chekegna God igre ginauna gleale'a fara. Eghuteuna iheire te nomhini nei leghuni teu chekegna God igre mare na jaola gleale'a fara. Naugna narane te mala thakle meidi glepo igre ranghidi naiknore la namohi.

Profet Sekaraea 7:5

“Sekaraea, iagho ghusnadi mae pris nei naiknogna kantri igne: Ka fitu salei finogha te liu ra, ka falima nhigra leuleghu finogha, eghuteuna jaola ka fafitu nhigra na, ghotilo neke theome ghamu nei mala diꞌanagnafa nei tanhi. Ba? Ghotilo eni fabrahu igne mala fafnakno ghau iara? Theo.

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Profet Jeremaea 25:18

Iara ginauna tufa waen igne ka naiknodi Jerusalem ghe Juda, baludi mae king nei mae funei biꞌo, fagaglanagna nate groꞌe mare na. Eghuteuna kate filoni naiknore kantri Juda te krogha te vuhai namono nagou igne, naiknore ginauna mhaghu nodi fara, na cheke fadiꞌadi mae naoka igre eigna unha te eni mare te ghilei mei posa ka narane gognarogne.

Profet Jeremaea 7:34

Ginauna na theo kaisei naikno nate au ka namono biꞌo Juda nei ka nabrou Jerusalem. Iara ginauna eni glepo igne, eghuteuna puhi aublagna nei gleale'a, nei naogladi gaghamu biꞌo nei tholaghi majaghani teu igre ginauna theome nomhidi. Uve, vido kantri igne ginauna thofno krogha na theo kaisei naikno nate au tagna na.”

Profet Isaia 64:10

Nou namono blahi iagho igre jateula kaisei namono nagou te theo kaisei naikno te au tadira eghu. Uve, Jerusalem gognarona thofno diꞌa fara, eghuteuna theo kaisei naikno te au tagna na.

Ululahu Timoti 4:13

Kate ofoni teu ke pulo meigu iara na, leuleghu fata na iagho mala iu'iju fabrahu buka blahi gne ka naiknore, fahetadi nei farirhiudi eghu.

Mae Khuru 8:34

Mae biꞌo na ne cheke eghu ka mae Filip, “Tutuani fara, cheke eigna mae ihei si mae profet gnea ghema? Mana cheke eigna thegna ba mana cheke eigna kaisei mae ngau?”

Nonomho Te Keli Teke Risoi Mae Mak 13:14

Mae Jisas ne cheke eghu, “Ghotilo ginauna filoniu kaisei glepo te diꞌa fara ginauna kegra ka vido aheva te theome nabagna te mala au na.” (Iagho mae ihei te iu'ijuni igne lase fakelini gaoghathogna na.) “Kau narane tuana naikno te au ka Provins Judia are na rikha tei mala poru ka thogele gro.

Matiu 24:15

Mae Jisas ne cheke eghu, “Ghotilo ginauna filoni kaisei mumuju biꞌo te diꞌa fara kegrau jare ka Sugablahi na. Glepo tuana fathonani nogna Sugablahi God na. Mumuju igne neke kulu chekeni mae profet Daniel tifa.”(Iagho mae ihei te iu'ijuni igne jame laseni u gaoghathogna igne.)

Lamentations 1:1

Namono Jerusalem, tifa na neke fodu ka naikno. Gognarona krogha. Tifa, naiknogna nauthoglu igne neke ghatho tahuni namono Jerusalem. Gognarona jateula gaꞌase teke lehehi khetogna ra eghu, te au thegna kolho. Namono igne tifa na jateula Kuin te funei frunidi keha namono ra neku. Gognarona jateula kaisei naikno sneka eghu kolho.

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Profet Jeremaea 26:18

“Tifa, ka narane teke king mae Hesekaea ka kantri Juda, profet Maeka maegna Moreset ia neke eni nafnata cheke igne ka naiknodi Juda ra, ‘Lord mae ihei te au nolaghi fateote'o igne ne cheke eghu: “ ‘Jerusalem ginauna groꞌe jateula bukrei chara eghu. Eghuteuna Thogele Blahi igne Saion ginauna vuhai glose kolho, eghuteuna mare ginauna tobi nagare tagna. Eghuteuna thogele te au nogna Suga Lord igne ginauna thafru ka soro.’

Profet Jeremaea 1:1

Igre nogna cheke mae Jeremaea thugna mae Hilkaea. Mana kaisei mae pris ka namono Anatot ka nodi nohi vikegna Benjamin.

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.

Profet Sekaraea 1:12

Engel nogna Lord igne ne cheke eghu, “Lord, iagho au nolaghi fateote'o. Nabagna fitusalei finogha te diꞌatamu iagho ka naiknodi Jerusalem nei ka keha namono lithui ni Juda. Niha fata diꞌatamu eghu fabrahu ka mare sagho ia? Niha nau nate falalase iagho te kokhonidi mare na?”

Profet Esikiel 29:11

Ginauna na theo kaisei naikno ba khuma mata nate au ka namono igne ghilei posani nabagna phiatutu finogha.