Profet Daniel 9:18 - Buka Blahi Ka Cheke Holo

¹⁸ God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Daniel 9:18 ပူးပေါင်းရင်းမြစ်များ

Profet Isaia 37:17

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Profet Jeremaea 36:7

Jame te keli na mare fanomho nei tughu nagnafa eghu ka cheke te eidi iagho igre. Eghuteuna iagho toreni Lord mala atha koko mana nakhibo te edi mare te diꞌatagnadi mana ka mare igre.”

Profet Jeremaea 25:29

Filo si ghotilo! Iara ginauna goigonidi naikno te au ka nauthoglu igne. Eghuteuna iara ginauna fufunu glepo igne Jerusalem, ka nogu namono thegu igne. Ba, na theome para ghami iara neu si ghotilo ia? Theo. Iara Lord mae ihei te au nolaghi fateote'o igne ginauna kuru meidi mae naokare mala magra ka vike te gnafa ka nauthoglu igne.

Fapea Kings 19:16

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Profet Esikiel 36:32

Ghotilo mala lasedi unha te edi iara glepo igre, theome eidi glepo te keli teke edi ghotilo ra. Ghotilo naiknomi Israel! Ghotilo mala diꞌanagnafa nei mala mamajadi eghu unha teke edi ghotilo ra! Igne nogu cheke iara Lord God.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Profet Jeremaea 37:20

Nogu King! Famane fanomho mei ka nogu cheke iara igre. Iagho kokhoni ghau iara, thosei ke kuru fapulo ghau iara ka sosolo ka suga gna mae minista Jonatan ia glahu lehe iara jare.”

Profet Jeremaea 14:9

Naugna unha sagho te jateula kaisei mae te rhana ka nogna naoka na teugnea, ba jateula kaisei mae soldia te theo nogna nolaghi te mala fakarhini ihei teu gnea? Lord, ghehati thofno nou naikno iagho, eghuteuna ghehati lase nigho iagho te au balumi. Eghume iagho thosei tei koko ghami eghu.”

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Ululahu Kings 8:29

Iara magnahaghei nigho iagho te doadofrani fabrahu Sugablahi igne bongi narane. Igne vido teke cheke eghu iagho ia, ‘Naiknore ginauna mei namo ka iara mala pogho soru ghau iara jare.’ Jame te eghu na, iara laseni iagho ginauna fanomho kate mei tarai iara na iagho filo mei ka iara.

Eksodas 3:7

Lord ne cheke eghu ka mana, “Iara la filo tathaguhi naiknodi Ijep te paradi fara nogu naikno iara igre. Iara jaola nomhidihi nodi natanhi re mala fakarhidi iara ka khamedi mae iheire te paradi ka gloku biꞌo jateula naikno sneka teu igre. Uve, iara filoni nodi na au papara re ne thono kokhoni nogudi fara.

Profet Isaia 64:12

Lord, neuba iagho ginauna kokhoni ghami ghehati? Iagho ginauna na theome eni kaisei glepo ka ghehati? Papara te tusu mei iagho ka ghehati igne thono biꞌo fara salaꞌu ghami ghehati.

Nodi Khoje Hatimare Mae Jiu 116:1

Iara namhani fara Lord, naugna mana ne fanomho ka nogu tharai iara re.

Profet Daniel 9:7

“Lord, iagho edi fabrahu unha te doglore. Nu ghehati famamaja ghami themi kolho kate edi fabrahu puhi te diꞌa gre. Naiknodi Juda nei Jerusalem, baludi naikno te gnafa Israel te khi teidi iagho te tei au tafri ke lamnagna nauthoglu igne, ghehati te gnafa na kaisei nanaba ngala. Ghehati te gnafa na theome tajini nomi nhaꞌa cheke teke eni balumu iagho ia.

Naba 6:27

“Eghume te chekeni mare nanghagu iara mala fablahidi naiknodi Israel gre teuna, iara ginauna fablahidi naikno tuare.”

Nodi Khoje Hatimare Mae Jiu 25:6

Thosei ghatho ihodi nou namha biꞌo nei lolokeli teku fabrahudi iagho nou naiknore funu tifa ra tela ghilei mei posa gognaro gne.

Profet Isaia 43:7

God neke kafe vuavuhadi mare gnafa mala nogu naikno iara, eigna iara magnahaghedi mare mala ke pulo mei mala kilo fnaknoni nanghagu iara na.”

Profet Esikiel 36:22

“Eghume naugna igne, iagho cheke ka naiknodi Israel iara Lord God te cheke eghu igne: ‘Iara ginauna nake hata fapulo ghami ghotilo, theome naugna te keli ghotilo na. Theo! Naugna ghotilo ne lausasaba nanghagu iara te blahi na ka namono aheva te au ghotilo tagna na.