Profet Daniel 9:17 - Buka Blahi Ka Cheke Holo

¹⁷ “God, fanomho mei ka nogu tharai iara nou mae gloku gne. Iara tore nigho mala ke babana fapulo iagho nou Sugablahi gne mala laseni naiknore te iagho ngala Lord na.

Profet Daniel 9:17 ပူးပေါင်းရင်းမြစ်များ

Nodi Khoje Hatimare Mae Jiu 80:19

Lord God, iagho ngala te au nolaghi na, atha fapulo ghami ka iagho. Uve, kokhoni ghami nei fakarhi ghami eghu ka khamedi mae naoka gre.

Lamentations 5:18

Ghehati au diꞌanagnafa nei tanhi eghu fabrahu, naugna Thogele Saion na la vuhai namono nagou aheva khuma mata kolho te au jare na.

Fapea Korin 1:20

Nogna nhaꞌa cheke te gnafa God re tutuani ka mae Jisas. Naugna igne tahati chekei “Amen” ka nanghagna mana mala cheke fakelini God.

Nodi Khoje Hatimare Mae Jiu 80:7

God, ke hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Nodi Khoje Hatimare Mae Jiu 80:3

God, hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Profet Daniel 9:19

Lord, fanomho sagho ka nomi tharai ghehati gre. Lord, hata fadelei sagho nakhibomi ghehati gre. Lord, fanomho mei ka ghehati sagho mala togho ghami. Faghose sagho, thosei ofo mala laseni naiknore te iagho God na. Kate au fakeli nou namono iagho Jerusalem igne nei ghehati nou naikno iagho gre au fakeli langau teuna, ghehati te gnafa na ginauna ghatho tahuni nanghamu iagho na.”

Nodi Khoje Hatimare Mae Jiu 119:135

Iara nou mae gloku iagho, filo mei nei keli ranghi ghau eghu iara, nei farirhiu ghau nou vetulare eghu.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 67:1

God, kokhoni ghami, nei fablahi ghami, filo mei ghami nei togho ghami.

Nodi Khoje Hatimare Mae Jiu 4:6

Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Profet Isaia 48:11

Iara neke ghathoni nogu nafnakno na neke eni puhi igne ka ghotilo. Iara magnahaghedi naikno te gnafa gre te ghatho tahu ghau iara. Iara theome magnahaghei kaisei naikno te goigoni nanghagu iara na. Uve, iara theome snakreni kaisei god te fnakno jateula iara teuna.”

Ululahu Kings 8:28

Lord, iagho nogu God iara, iara tore nigho mala fanomho mei ka nogu thara iara nou mae gloku gne. Lolokeli ranghi ghau, nei tusu ranghi ghau glepo te toreni iara ka iagho gognarogne.

Nodi Khoje Hatimare Mae Jiu 67:2

Te eghu na naikno te gnafa ka nauthoglu igne ginauna laseni puhimu iagho na, eghuteuna naiknodi keha kantri gre ginauna laseni te fakarhidi iagho naiknore.

Nodi Khoje Hatimare Mae Jiu 74:3

Filo sagho, hatimare mae naoka gre mare goigonidi fara gobigna lepo te au ka nou Sugablahi iagho na. Te keli na iagho mei filodi glepo teke goigoni mare igre.

Nodi Khoje Hatimare Mae Jiu 80:4

Lord God, ka iagho ngala te au nolaghi fateote'o na. Niha fata diꞌatamu nei tirou cheke tughudi eghu sagho nomi tharai ghehati grea?

Lamentations 3:56

“Lord! Fanomho mei ka iara, thosei fofotho khulimu na kate tanhi ari iara ka iagho na!”