“Iara cheke tutuani fara: Iara ginauna nake figri Jerusalem, eghuteuna iara ginauna au ke kligna Thogele Saion. Naiknore ginauna tangomana te cheke eghu na, ‘Namono Jerusalem te ghatho tahuni Lord fabrahuni naiknore igne. Eghuteuna nogna thogele Lord mae ihei te au nolaghi fateote'o igne, ginauna kiloni thogele blahi.’
Profet Daniel 9:16 - Buka Blahi Ka Cheke Holo16 Lord, tifa na iagho neke keli fara ka nou naiknore. Iagho thosei diꞌatamu ka namono Jerusalem. Naugna Saion gne nou Thogele Blahi iagho. Naiknodi keha kantri te namo ka ghehati igre cheke fadiꞌani nei cheke faparini eghu Jerusalem. Eghuteuna jaola eidi nakhibomi ghehati baludi glepo te diꞌa teke edi kuꞌemi ghehati tifa ra. အခန်းကိုကြည့်ပါ။ |
Profet Daniel 9:16
33 ပူးပေါင်းရင်းမြစ်များ
Lord ne cheke eghu, “Ka Narane tuana, ghotilo mae Israel ra ginauna lase ghau iara, eigna iara ngala nomi Lord nei nomi God teu ghotilo na. Iara au ka namono biꞌo Jerusalem ka Thogele blahi Saion. Iara vahini namono biꞌo igne mala nogu namono blahi iara. Eghuteuna keha vike are ginauna nake theome tangomana teke ruma mei nake goigonini na.”
Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.
“Iara ginauna thono diꞌatagu fara ka ghotilo, iara na para fadiꞌa ghami fara ghotilo. Iara ginauna goigoni ghami ghotilo. Eghuteuna kate tei ruma naiknodi ka keha kantri are ka nomi namono ghotilo re eghuteuna filodi unha te edi jare re teuna, mare ginauna pukuni rhana nodi fara, eghuteuna ghotilo ginauna jateula kaisei khaꞌaghi biꞌo eghu nogna papara God ka mare. Kate mei te lithui ghami naiknodi keha kantri igre mare ginauna maꞌe ghami ghotilo, nei thofno cheke fadiꞌa ghami ghotilo.
Iara ginauna na fakokhoanadi fara ka naꞌau papara biꞌo, eghuteuna kate nomhini igne, naiknodi keha kantri ka nauthoglu igne ginauna mhaghu nodi fara balu fififri. Iara ginauna ngolhi tafridi, eghuteuna aheva te tei au mare na, naiknogna vido tuana ginauna rhana nodi fara balu nagho. Aonu naikno gna namono igne ginauna cheke fadiꞌa balu tibri mala thoke mei hoholo ka mare.
Iagho filo glanini gaoghathogna mana na au rheta ka iagho, eghuteuna iagho neke eni kaisei nhaꞌa cheke ka mana. Iagho neke nhaꞌa cheke mala tusu lao ka vikegna mana na nodi vido glose vikegna mae Kenan, nei vikegna mae Het, nei vikegna mae Amo, nei vikegna mae Peris, nei vikegna mae Jebus, nei vikegna mae Gigas. Eghuteuna iagho tajini nou nhaꞌa cheke na, naugna puhimu iagho na doglo fara.
Ghotilo nogna naikno Lord, nu naugna ghotilo ne eni igne ne diꞌatagna fara mana. Mana ginauna falehe ghami ghotilo, naugna mana ne diꞌatagna fara ka ghotilo. Mana ginauna edi thogele igre mala nghali tongana, eghuteuna kmana naikno ginauna lehe, eghuteuna thinidi naikno te lehe igre ginauna na jateula chara eghu thuru tafri ka glalaba, ba leghu nabrou jateula chara eghu. Nu neuba Lord neke paradi, mana diꞌatagna fabrahu ka mare. Eghuteuna mana ginauna tarabana mala ke paradi ngala mare.
Naugna puhi igne, ghotilo theome klinohi ka tathagu iara na, eghuteuna ghotilo nabami te mala papara na. Eghuteuna narane te mala para ghami ghotilo iara na la thofno namo meihi gognarona. Eghuteuna naugna puhi igne, iara snakredi naiknodi keha kantri igre mala maꞌe ghami ghotilo nei cheke fapari ghami ghotilo.
ကြော်ငြာတွေ