Profet Daniel 9:13 - Buka Blahi Ka Cheke Holo

¹³ Hoholo te biꞌo igre thoke ghami ghehati jateula te chekeni ka nogna vetula mae Moses ia eghu. Nu funu tifa te ghilei mei posa ka narane gognarogne, ghehati tapla jafra fabrahu kolho. Ghehati theome tughu nagnafa nei jaola theome leghuni chekemu iagho te tutuani na.

Profet Daniel 9:13 ပူးပေါင်းရင်းမြစ်များ

Profet Daniel 9:11

Ghehati naiknomi Israel te gnafa na theome leghudi kolho nou vetula iaghore, nei jaola theome leghu nigho iagho. “Ghehati tapla jafra ranghi nigho iagho, naugna igne, puhi biꞌo te rioriso soru nou mae gloku iagho Moses ka vetula na igre, iagho teke edi re mala thoke ghami ghehati.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Isaia 9:13

Nu neuba, naiknodi Israel igre tirodi teke pulo mei ka Lord na. Uve, mare theome leghuni kolho puhigna Lord mae ihei te au nolaghi fateote'o na.

Profet Hosia 7:10

Puhi fahaehaghe te magnahaghei kegra sopa mare igne khogla mala roꞌedi kolho thedi. Nu mare theome tughu nagnafa mala ke figri mei ka iara nodi Lord nei nodi God.

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Nodi Khoje Hatimare Mae Jiu 119:27

Togho ghau iara sagho mala lase fakelidi iara nou famane cheke iagho ra, aonu iara ginauna na gaoghatho heta ka nou farirhiu iagho ra eghu.

Thoutonu Eigna Mae Job 36:13

“Iheire te theome rouronu ka God igre diꞌa tadi fara ka nagnafadi re. Eghuteuna neuba God ne fadoglidi mare, mare tirodi tarai kolho ka God mala toghodi mana.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Efesus 4:21

Ghotilo neke thofno nomhinihi eigna mae Jisas Kraes, eghuteuna ghehati neke farirhiu ghami ghotilo unha te tutuani na.

Jone 10:35

Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.

Jone 8:32

Ghotilo ginauna laseni u glepo te tutuani eigna God na, eghuteuna u glepo te tutuani tuana ginauna hata fasnagla ghami ghotilo.”

Jone 6:45

U cheke teke risodi hatimare mae profet tifa ra cheke eghu, ‘God ginauna kafe farirhiudi naiknore.’ Ihei te nomhini chekegna mae Mama na eghuteuna leghuni teuna, mana na mei ka iara.

Luku 24:45

Mae Jisas ne tothora gaoghathodi mare re. Aonu mare ne tangomana te laseni grioriso te blahi na.

Profet Hosia 7:14

Mare tarai chaichaghi ka iara. Eghuteuna kate tarai na, mare thuru pari balu tanhi. Kate mei tore gano nei waen teuna mare vavahe thinidire jateula mae bongihehe eghu. Nu mare figri tagru ghau iara.

Profet Hosia 7:7

Kate diꞌatadi te salaꞌui na, mare ne falehedi ne gnafa nogna tothoghei funei king igre, nu theo ihei nga te mei te tore ghau iara te mala tei toghodi na.”

Lamentations 5:21

Lord, ghehati tore nigho mala hata fafigri ghami ka iagho, nei mala au glealeꞌa jateula teke tifa ra eghu!

Profet Jeremaea 44:27

Iara ginauna filoni unha puhi biꞌo nate thoke mei ka mare na, naiknodi Juda te au teu Ijep igre ginauna lehe ka magra, ba lehe ka vido te theo gano na.

Profet Isaia 64:7

Theo kaisei ka ghehati te tarai te kiloni nanghamu iagho na, ba te ari ka iagho te mala togho ghami na. Ghehati tapla jafra fabrahu ka nakhibo. Naugna igne, iagho lisa koko ghami ghehati, eghuteuna iagho pophoru tathamu nei foflomu teure ka ghehati.

Profet Isaia 42:9

Filo si ghotilo! Glepo te chekedi iara mala thoke mei tekura, la thoke meihi tutuani. Eghuteuna gognarona, iara ginauna toutonu ka ghotilo eidi glepo majaghani nate thakle mei thogheiro.”

Nodi Khoje Hatimare Mae Jiu 119:73

Lord God, iagho neke vuavuha ghau iara neke reireghi fakelini nakarhagu iara na. Togho ghau iara sagho mala laseni iara nou cheke iagho na.

Nodi Khoje Hatimare Mae Jiu 119:18

Fasnaglini nagnafagu gne mala filo glanidi iara thofno chekemu iagho te au ka vetula na igre.

Nodi Khoje Hatimare Mae Jiu 85:4

God, fakarha ghami nei ke hata fapulo ghami eghu ka iagho. Thosei lisa koko ghami.

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Fapea Kings 22:16

‘Igne unha te chekeni Lord na. Iara ginauna goigoni ni Jerusalem, eghuteuna paradi naikno te au ka namono tuana, jateula gobigna lepo te rioriso soru ka buka te nomhidi king gna Juda igre eghu.

Profet Isaia 43:22

Lord neke cheke eghui, “Ghotilo naiknomi Israel ra! Iara filo glani ghami ghotilo tela hongo ghamihi ka iara na, naugna igne te theome eha mei ghotilo ka iara na!

Profet Isaia 64:6

Ghehati te gnafa na kafe tapla jafra ka nakhibo, eghuteuna ghehati kafe thona fara ka tathamu iagho na. Eghuteuna puhi ne doglo teu te edi ghehati igre nu theome raꞌe keli jateula pohe te thona ra eghu thofno diꞌa parilahu ka tathamu iagho na. Tutuani, ghehati jateula khakla gaju te flalo te tei ka nuri ra eghu kolho.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Jeremaea 44:23

Puhi biꞌo igre ginauna thoke mei ka ghotilo eidi nakhibo te gahu insens nei tarai fabrahu teu ghotilo ka mumuju god igre. Eghuteuna ghotilo tiromi leghudi nogna cheke nei nogna vetula teu manare.”

Profet Esikiel 16:43

“Iara diꞌatagu fara eidi glepo te diꞌa te edi fabrahu iagho gre, naugna iagho la ghatho ihonihi te reireghi fakeli nigho iara funu suamu na. Naugna glepo igne, iara ginauna para nigho iagho. Iagho neke edi koba glepo te thono diꞌa fara igre. Eghuteuna unha te thono diꞌa fara parilahu na, nafnata puhi te tapla jafra fabrahu iagho baludi keha mae nalhaꞌu are. Igne nogu cheke iara Lord God.”