Profet Daniel 9:12 - Buka Blahi Ka Cheke Holo

¹² Iagho para ghamihi ghehati baludi nomi mae mala baubatu gre, jateula teke chekeni iagho tifa ia eghu. Iagho ngala teke snakreni glepo te diꞌa igne mala goigonini fara namono biꞌo Jerusalem, salaꞌudi keha namono teke goigoni ka nauthoglu igne.

Profet Daniel 9:12 ပူးပေါင်းရင်းမြစ်များ

Profet Esikiel 5:9

Naugna te edi koba ghotilo glepo te diꞌa te theome magnahaghedi iara igre, iara ginauna eni ka ghotilo unha teke theome eni iara tifa na, na para ghami fara ghotilo, eghuteuna iara ginauna nake theome eni igne ke leghu na.

Lamentations 1:12

“Ghotilo te salaꞌu ka iara ra, papara biꞌo te thoke ghau iara igne glepo theo nafugna kolho ka ghotilo? Ka narane te diꞌatagna Lord na, iara para ghau fara. Theo kaisei papara te jateula te para ghau iara igne teuna!

Profet Isaia 44:26

Nu kate chekeni nogu mae gloku iara igne kaisei glepo na, glepo igne ginauna thoke mei tutuani. “Te chekeni iara gognarona, naiknore ginauna nake pulo mei Jerusalem, eghuteuna mare ginauna nake babana fapulo namono biꞌo te gnafa Juda teke groꞌe ka mae naoka igre.

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Lamentations 2:13

Jerusalem, iara kokhoni nogu nigho! Unha gne naba te mala chekeni iara ka iagho te mala togho ghau na? Juda, iara kokhoni nogu nigho! Unha gne naba te mala pala hagheni iara gaoghathomu iagho na? Puhi te thoke nigho iagho igne thono biꞌo fara, eghuteuna theo kaisei naikno naba teke fakeli nigho iagho na.

Thoutonu Eigna Mae Job 12:17

Mana hata fadeleidi nei famamajadi eghu goro mae biꞌo, eghuteuna mae mala baubatu re mala ke fameomekro.

Letas Teke Riso Tei Mae Pol Ka Khiloau Rom 15:8

Te chekeni iara ka ghotilo na, Kraes neke eni nogna gloku na mala toghodi mae Jiu, mala farerheta nogna nhaꞌa cheke God teke eni mana ka mae ku'edi mae Jiure ne tutuani.

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Nonomho Te Keli Teke Risoi Mae Mak 13:19

Naugna puhi igne ginauna na biꞌo fara, ke uludi puhi teke edi tifa funu ka teke vuvuhagna God nauthoglu igne te posa gognaro gne. Eghuteuna ginauna na theo kaisei puhi jateula la igne teuna.

Matiu 24:21

Naugna ka narane tuana ginauna kmana naikno au papara fara. Ginauna kmana naikno naꞌau papara fara ke tulaodi teke edi tifa ka fufunu gna nauthoglu igne. Eghuteuna ginauna theo kaisei naꞌau papara te biꞌo fara jateula tuana teuna.

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”

Profet Emos 3:2

Lord ne cheke eghu, “Kmana vike fara ka nauthoglu igne, nu iara neke vahi ghami ghotilo kolho mala nogu naikno iara. Eghuteuna iara tangomana te reireghi fakeli ghami ghotilo na. Nu kate filoni iara te theome keli ghotilo ranghi ghau iara na, iara ginauna para ghami ghotilo eidi nakhibo te edi ghotilo ra.”

Profet Joel 2:2

Narane igne ginauna kafe romno soru, eghuteuna maloa igne ginauna thafru ka gromno. Aonu kaisei tothoghei cheche ginauna mei toku tafru vido te gnafa jateula kaisei armi eghu ke kligna thogele, ba jateula gromno te haghe te toku naprai na ra eghu. Theo kaisei glepo jateula igne teku tifa na, eghuteuna theo kaisei glepo nate jateula igne teu ginauna.

Profet Esikiel 13:6

Nomi profet ghotilo are chekedi kolho chaichaghi eidi mifi mare te theome filodi, eghuteuna mare jaola cheke chaichaghi ka puhi te theo nafudi teke hohoro kolho ka naitu. Mare cheke eghu, ‘Igne cheke neke mei funugna ka Lord,’ nu iara Lord neke theome kurudi mare. Neuba ngau, mare gaoghathodi na nodi chekere ginauna thoke mei tutuani eghu!

Lamentations 4:6

God neke roꞌeni kaisei fata kolho namono Sodom, eghuteuna theo kaisei naikno te toghodi naiknogna namono tuana. Nu naꞌau papara te thokedi nogu naikno iara igre thofno diꞌa fara salaꞌuni nodi naꞌau papara naiknodi Sodom tifa ra.

Proveb 8:16

Iara toghodi hatimare mae funei, nei goro mae biꞌo mala jaola batu fakelidi naiknore.

Nodi Khoje Hatimare Mae Jiu 148:11

Ghotilo mae king nei naikno teu te au ka namonora, ghotilo mae biꞌo nei mae lida teura, ghotilo kilo fnaknoni mana.

Nodi Khoje Hatimare Mae Jiu 2:10

Eghume ghotilo mae king te gnafa ra, fanomho fakeli ka cheke te edi iara igre. Ghotilo mae lida ka nauthoglu ra, ghotilo hiro fakelidi gaoghathodi cheke igre.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Profet Jeremaea 30:7

Tore. Narane igne ginauna na thono ninhigrana fara. Theo kaisei narane te jateula igne teuna. Ginauna puhi biꞌo fara na thoke mei ka vikegna Israel, nu theo kaisei naikno nate lehe na.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.

Profet Jeremaea 39:16

“Jeremaea, iagho tei cheke ka mae Ebed-Melek, maegna Kus ia nonomho igne: ‘Igne unha te chekeni Lord, mae ihei te au nolaghi fateote'o nodi God mae Israel: Theome raugha nogu cheke iara eigna puhi biꞌo nate thoke mei ka namono igne ginauna thoke mei tutuani. Iagho ginauna filo tathamu thoke meidi gobigna lepo igre.

Profet Jeremaea 44:23

Puhi biꞌo igre ginauna thoke mei ka ghotilo eidi nakhibo te gahu insens nei tarai fabrahu teu ghotilo ka mumuju god igre. Eghuteuna ghotilo tiromi leghudi nogna cheke nei nogna vetula teu manare.”

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Profet Sekaraea 7:12

eghuteuna gaoghathodi re maku jateula thina eghu. Igne te diꞌatagu fara iara ka mare, naugna mare ne theome magnahaghei te leghudi vetula nei cheke eghu te chekedi Tharungagu iara na ka mae profet tifa ra.

Fapea Kings 22:16

‘Igne unha te chekeni Lord na. Iara ginauna goigoni ni Jerusalem, eghuteuna paradi naikno te au ka namono tuana, jateula gobigna lepo te rioriso soru ka buka te nomhidi king gna Juda igre eghu.

Profet Isaia 43:28

Naugna igne iara ginauna chekedi mae pris te loku ka nogu Sugablahi iara na igre mala theome klino ke ulugu iara. Eghuteuna neuba ghotilo ne naiknomi Israel igre ne nogu iara, iara ginauna snakredi mae naokare mala mei goigoni ghami ghotilo. Eghuteuna iara ginauna snakredi keha naiknore mala famamaja ghami ghotilo.”