Profet Daniel 9:11 - Buka Blahi Ka Cheke Holo

¹¹ Ghehati naiknomi Israel te gnafa na theome leghudi kolho nou vetula iaghore, nei jaola theome leghu nigho iagho. “Ghehati tapla jafra ranghi nigho iagho, naugna igne, puhi biꞌo te rioriso soru nou mae gloku iagho Moses ka vetula na igre, iagho teke edi re mala thoke ghami ghehati.

Profet Daniel 9:11 ပူးပေါင်းရင်းမြစ်များ

Profet Jeremaea 9:26

Tutuani, naiknodi Ijep, nei naiknodi Juda, nei naiknodi Idom, nei naiknodi Amon, nei naiknodi Moab, nei iheire te au ka namono nagou te leghuni puhi kastom na te kuchi fakmoꞌei khakla ka greredi re igre, neubane vahehi thinidire, nu mare jateula naikno te theome vahe ra eghu leghuni puhi te diꞌa na. Eghuteuna neubane mae Israel tela vahehi igre, nu puhidire jateula naikno bongihehe te theome vahe ra eghu fara, eghuteuna mare theome tajini nodi nhaꞌa cheke teke eni mare balugu iara na.” Igne chekegna Lord.

Fapea Kings 22:16

‘Igne unha te chekeni Lord na. Iara ginauna goigoni ni Jerusalem, eghuteuna paradi naikno te au ka namono tuana, jateula gobigna lepo te rioriso soru ka buka te nomhidi king gna Juda igre eghu.

Profet Isaia 1:3

Buluka na laseni mae khotogna na, eghuteuna dongki na laseni mae teke reireghini te faghamuni na. Nu nogu naikno iara Israel igre theome lase ghau iara. Uve, nogu naikno iara igre theome laseni kaisei glepo te keli.”

Profet Isaia 43:28

Naugna igne iara ginauna chekedi mae pris te loku ka nogu Sugablahi iara na igre mala theome klino ke ulugu iara. Eghuteuna neuba ghotilo ne naiknomi Israel igre ne nogu iara, iara ginauna snakredi mae naokare mala mei goigoni ghami ghotilo. Eghuteuna iara ginauna snakredi keha naiknore mala famamaja ghami ghotilo.”

Profet Jeremaea 2:29

Lord ne cheke eghu, “Naugna unha si ghotilo te nguru ngau ka iara gnea? Iara theome diꞌatagu ka ghotilo. Nu ghotilo tiromi ghau iara!

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.

Profet Jeremaea 40:3

Eghuteuna gognarona, mana la enihi glepo igne jateula teke chekeni mana na eghu. Glepo igre thoke ghami ghotilo, naugna ghotilo ne huhughuni nogna cheke Lord na, nei tapla jafra ka nakhibo.

Profet Jeremaea 44:23

Puhi biꞌo igre ginauna thoke mei ka ghotilo eidi nakhibo te gahu insens nei tarai fabrahu teu ghotilo ka mumuju god igre. Eghuteuna ghotilo tiromi leghudi nogna cheke nei nogna vetula teu manare.”

Profet Daniel 9:5

Ghehati naikno diꞌa fara. Ghehati edi puhi te diꞌare ka tathamu iagho na. Ghehati theome leghudi nou vetula nei cheke teu iaghore.

Profet Daniel 9:13

Hoholo te biꞌo igre thoke ghami ghehati jateula te chekeni ka nogna vetula mae Moses ia eghu. Nu funu tifa te ghilei mei posa ka narane gognarogne, ghehati tapla jafra fabrahu kolho. Ghehati theome tughu nagnafa nei jaola theome leghuni chekemu iagho te tutuani na.

Profet Sekaraea 7:12

eghuteuna gaoghathodi re maku jateula thina eghu. Igne te diꞌatagu fara iara ka mare, naugna mare ne theome magnahaghei te leghudi vetula nei cheke eghu te chekedi Tharungagu iara na ka mae profet tifa ra.

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.

Diutronomi 8:20

Uve, jame te theome leghuni Lord ghotilo na, mana ginauna goigoni ghami ghotilo jateula teke thofno goigonidi fara mana naikno te au glose nate tei posa ghotilo tagna na.”

Fapea Kings 18:12

Samaria ne snagu ka armi gna Asiria, naugna naiknodi Israel gre ne theome leghuni Lord, nodi God na. Nu mare huhughuni u nhaꞌa cheke teke eni mana baludi na, eghuteuna mare theome leghudi vetula teke chekedi mae Moses, nogna mae gloku Lord ra. Mare theome fanomho ka Lord, eghuteuna mare jaola theome leghuni mana.

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Jeremaea 30:14

Kherami ghotilore ghatho iho ghamihi ghotilo. Mare theome ghatho tahu ghami ghotilo gognarona. Iara para ghami ghotilo, jateula mae naoka te magri ghami ghotilo ra eghu. Papara te snakre mei iara igne ninhigrana fara, naugna nakhibomi ghotilore kmana fara, eghuteuna nabamiu ghotilo te papara na.

Profet Jeremaea 44:22

Diꞌatagna God na biꞌo fara eidi glepo te diꞌa fara te edi ghotilo ra. Naugna igne, mana neke thofno goigonidi fara nomi kantri ghotilore. Eghuteuna kantri igre gognarona theo kaisei naikno te au tadire. Eghuteuna, naiknore ginauna tibri ghami ghotilo mala thoke mei puhi biꞌo ka ghotilo.

Profet Sekaraea 1:6

Nu gobigna lepo teke cheke lao iara ka nogu mae profet tifa, mala cheke ka kuꞌemi ghotilo tekura, mare neke tirodi fanomho ka nodi cheke mare igre. Eghuteuna ka puhi igne, iara neke paradi mae kuꞌemi ghotilo ra. “Aonu mare lilisei puhidi mare te diꞌa igre, eghuteuna neke cheke eghu, Lord mae ihei te au nolaghi fateote'o igne, mana doglo kolho te para ghita tahati eidi puhida tahati te diꞌa re. Glepo igre, mana neke ghathodihi mala thoke mei tekuna, eghuteuna glepo igre la thoke meihi ne horoghoto ka unha teke chekeni mana na.”