Profet Daniel 8:3 - Buka Blahi Ka Cheke Holo

³ Ka geri khoꞌu igne, iara ne filoni kaisei sipu nalhaꞌugna te au phei hona brahu. Nu hona te kegra haghe ke leghu na brahu fara tei salaꞌuni keha na.

Profet Daniel 8:3 ပူးပေါင်းရင်းမြစ်များ

Profet Daniel 8:20

Uve, sipu nalhaꞌugna te filoni iagho te au phei honagna igne, tuana eidi phei king di Media ghe Pesia.

Profet Daniel 10:5

Iara filo tei ne filoni kaisei mae te pipichi ka famane pohe te vegha fara, eghuteuna nogna nhugha na mare hohoro ka famane gol.

Profet Sekaraea 6:1

Iara neke filoni keha mifi na, eghuteuna ka mifi igne iara ne filodi fati chariot mala magra ne jifla mei fari hoteidi phei thogele te siasigla jateula bras eghu.

Profet Sekaraea 5:9

Aonu iara filo haghe ne filodi keha phei gaꞌase flalo ne mei. Baghidi repa re rheta fara jateula baghi gaghata eghu. Repa flalo ne soru mei ne atha kharaꞌo igne flalo ne tei baludi.

Profet Sekaraea 5:5

Iara neke filoni keha mifi na, eghuteuna ka mifi igne iara ne filoni engel teke cheke balugu iara na mana neke mei ka iara, ne cheke eghu, “Ei! Filo haghe! Kaisei glepo na mei hila!”

Profet Sekaraea 5:1

Iara neke filoni keha mifi na, eghuteuna ka mifi igne iara ne filoni kaisei pepa brahu flalo ne mei.

Profet Sekaraea 2:1

Kate filo teu iara na, iara ne filoni keha mifi na, ka mifi igne iara ne filoni kaisei mae te louloku teu kaisei glepo mala fafaja.

Profet Sekaraea 1:18

Iara neke filoni keha mifi na, ka mifi igne iara ne filodi fati hona buluka.

Profet Daniel 7:5

“Fapea glepo te jateula bea teu igne ne jifla mei ne ghae haghe ke kligna gna keha phile na. Eghuteuna thilo nhubra gagaro au ka foflogna na. Eghuteuna iara ne nomhini kaisei mae ne cheke eghu ka glepo igne, ‘Iagho tei ghamu kmana nafnahi nihai te magnahaghei iagho na.’

Profet Daniel 6:28

Eghuteuna ka naranedi King Darius ghe King Saeras Pesia igre, mae Daniel neke kaisei mae biꞌo fara.

Profet Daniel 5:31

Aonu mae Darius, maegna Media te king majaghani ka kantri tuana. Mana namno salei phei finogha ka narane te king mana igne.

Profet Daniel 2:39

“Eghuteuna babangogna mumuju te filoni iagho igne, tuana keha king nate mei ke leghumu iagho na. Nu mae igne na theome keli jateula iagho eghu puhigna na. Eghuteuna vido bras ka mumuju na igne, tuana fatilo king nate funei fruni ke leghumu iagho na. Mae igne ginauna na jaola funei frunidi naikno te gnafa ka nauthoglu igne. Nu king igne ginauna theome jateula iagho eghu.

Profet Jeremaea 51:11

“Lord ne cheke ka nagnafadi hatimare mae king di Media mala tei magra mare Babilonia, naugna mana magnahaghei te roꞌeni Babilonia. Lord ginauna tughu fapulo glepo te diꞌa teke edi mae Babilonia ka Suga gna Mana ra. Hatimare mae komanda ne cheke eghu, ‘Tarabana nomi jata ra! Tarabana nomi greoreo ra!’

Profet Isaia 44:28

Saeras ne kaisei mae king biꞌo. Iara ngala teke vahini mana te mala reireghidi naiknore ka nanghagu iara, eghuteuna mana ginauna edi unha te magnahaghedi iara re. Mana ginauna na cheke faheta ka naiknore mala ke babana fapulo namono biꞌo Jerusalem balugna Sugablahi ia.”

Profet Isaia 21:2

Lord neke fakakhana mei ka iara kaisei mifi. Ka mifi igne iara neke filodi naikno te majora, naikno te chaichaghi, nei edi puhi te thono diꞌa fara ranghidi keha naiknore. Aonu iara ne nomhini Lord na ne cheke eghu, “Ghotilo armi gna kantri Elam, ghotilo tei magra Babilonia! Ghotilo armi gna Media, ghotilo tei kegra ligohodi nodi namono phei kantri tuare mala theome tangomana mare te jifla na! Iara ginauna fahuini nafnata puhi te eni koba naiknodi Babilonia te fadiꞌa nagnafadi, nei fatanhidi teu keha naiknore.”

Profet Isaia 13:17

Lord ne cheke eghu, “Iara ginauna huhuruni armi gna Media mala mei magra ka maedi Babilonia. Mae soldiadi Media igre mare theome ghathodi nodi silva nei gol teu maedi Babilonia igre, ba keli tadi ka glepo igre. Theo.

Nogna Buka Esta 1:3

Ka fatilo finogha te king mana igne, mana ne eni kaisei gaghamu biꞌo maladi mae biꞌo te gnafa, mae funei te gnafa, mae biꞌodi armi te gnafa, mae lida te gnafa ka provins te gnafa ka phei kantri biꞌo Pesia ghe Media.

Esra 4:5

Eghuteuna naikno igre jaola ne falao sileni ka gavman gna Pesia, mala famaemahedi mare mala goigoni ni nodi gloku maedi Juda. Mae naoka gre eni fabrahu puhi igne funu ka narane te funei fruni King Saeras, ghilei mei posa ka narane Darius te tughuni mana te khegra king gna Pesia.

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Josua 5:13

Kaisei narane, kate tei te namo mae Josua Jeriko igne, mana ne filoni kaisei mae te kegra teu ke ulugna mana na. Mae igne loku kaisei naflahi mala magra. Mae Josua ne tei namo ka mae igne, ne cheke eghu ka mana, “Iagho kaisei mae balumi ghehati, ba iagho kaisei mae naoka?”

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Thakle 5:6

Aonu iara ne filoni kaisei Lam kegra teu ke ulugna nogna sape nafnakno mae King na farihoteidi fati glepo te karha igre nei hatimare mae biꞌo ka khiloau te kegra falithuini teu nogna sape nafnakno mae King na. Eghuteuna Lam igne jateula teke falelehehi mare eghu filogna na. Mana au fitu honagna nei fitu tathagna. Igre fitu tharunga keli nogna God teke kurudi mana te tei heva heva ka nauthoglu igne.

Thakle 13:11

Aonu iara ne filoni fapea bosu na ne thakle haghe ka glose na. Mana au phei honagna, jateula honagna Lam eghu. Nu chekegna mana na heta fara jateula chekegna pholi biꞌo eghu.

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.