Profet Daniel 8:24 - Buka Blahi Ka Cheke Holo

²⁴ King igne ginauna kaisei mae rheta fara, nu theome rheta ka nogna nolaghi thegna. Mana ginauna gleale'a fara ka unha te magnahaghedi thegnare. Mana ginauna goigonidi kmana glepo nei kmana mae nheta. Mana ginauna jaola goigonidi nogna naikno God re.

Profet Daniel 8:24 ပူးပေါင်းရင်းမြစ်များ

Profet Daniel 8:12

Puhi te diꞌa te eni hona igne mana neke hata kasa nodi fafara naiknore, eghuteuna mana neke koko cheke te tutuani na, mala theo nafugna kolho. Eghuteuna mana neke gleale'a ka gobigna lepo te edi leghuni gaoghathogna thegna na.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Profet Daniel 8:10

Hona ikoi tuana thono nheta fara, eghuteuna mana ne magra ka armigna kligna na. Nathunu ba ka maloa klignare mana ne koko sorudi kolho pari ka nauthoglu igne ne tapla kolho ke klignadi.

Thakle 16:6

Mae teke falehedi nou mae profet ra nei nou naikno blahi ra, iagho gognaro ke figri khoꞌu ana nei glokha ana eghu ka dadara mala koꞌu mare. Tuana ngala puhi te doglo te mala ke foli fapulo iagho nabadi unha teke edi mare re.”

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Profet Daniel 8:23

“Kate namo gnafa nodi narane te mala funei fruni na, fati king igre ginauna thofno diꞌa fara. Kaisei king majaghani nate funei fruni ka narane tuana ginauna thono patugama fara. Mana theome kokhoni ni ihei, eghuteuna mana lase chaghidi naiknore ka puhi te diꞌa.

Nodi Khoje Hatimare Mae Jiu 37:35

Tifa na iara neke filoni kaisei mae te diꞌa te thono heta fara te goigonidi keha naiknore. Mana haghe uludi fara keha naiknore jateula gaju gurighau biꞌo te tei uludi keha gajura eghu.

Profet Daniel 11:23

Neuba mana ne funei frunini kaisei kantri ikoi, mana fofodu fakeli baludi keha mae ka keha kantri are. Nu mana ginauna chaghidi fara mare, naugna mana magnahaghei te au nogna nolaghi biꞌo.