Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.
Profet Daniel 8:23 - Buka Blahi Ka Cheke Holo23 “Kate namo gnafa nodi narane te mala funei fruni na, fati king igre ginauna thofno diꞌa fara. Kaisei king majaghani nate funei fruni ka narane tuana ginauna thono patugama fara. Mana theome kokhoni ni ihei, eghuteuna mana lase chaghidi naiknore ka puhi te diꞌa. အခန်းကိုကြည့်ပါ။ |
Profet Daniel 8:23
23 ပူးပေါင်းရင်းမြစ်များ
Eghuteuna iara jaola magnahaghei te lasedi nabotho hona te au ka phaꞌugna glepo igne. Eghuteuna hona ikoi te kotu haghe leghui igne mei ne hata koko thilo hona teke kulu au igre. Hona igne au phei tathagna nei au foflogna eghu, eghuteuna foflogna na thofno cheke fahaehaghe fara. Eghuteuna naꞌa cheke fahaehagheni thegna jateula naikno eghu. Iara thono mhaghu nogu fara kate filoni hona ikoi igne.
“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”
Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.
Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.
Naugna raugha ginauna, iara ginauna kilo nigho balugna nou armi biꞌo na mala mei magra. Ka narane tuana, iagho ginauna mei ka thogele Israel mala magra ka mare. Tifa na, iara neke snakredi hatimare mae naoka neke mei goigoni namono igne neke ngolho teidi naiknore mala tei au tafri ka keha kantri delei. Ke leghu, iara neke hata fafigri meidi ka namono igne mala ke mei au fakeli mare tagna. Thogele gna namono igne neke krogha funu tifa, nu gognarona naiknore au fakeli nodi nei glealeꞌa eghu nodi tagna.
Eghuteuna ka vido te faꞌioiho teu naiknore, mana ginauna hata nohi te au kmana dedei ke lamnagna. Mana ginauna edi kmana glepo te diꞌa teke theo kaisei naikno ka vikegna manare teke edi tifa re: Mana ginauna tufa ka kheragna thegnare gobigna lepo teke tei hata mana ka magra re. Eghuteuna mana ginauna au nogna gaoghatho te mala tei magra hatidi vido te mala poru re, nu mana ginauna na theome au raugha kolho.
Mae igne neke cheke eghui ka iara, “Aonu, kaisei mae ginauna kegra king ka kantri Siria. Mae igne kaisei mae thono diꞌa fara puhigna na. Eghuteuna mana jaola theo nogna nolaghi te mala funei frunidi naiknore. Nu mana ginauna edi kmana nafnata cheke chaichaghi nei fahaehaghe eghu mala kegra king ka vido narane te theome tangomana kaisei naikno te laseni.
Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”
ကြော်ငြာတွေ