Profet Daniel 8:19 - Buka Blahi Ka Cheke Holo

¹⁹ Eghuteuna mana ne cheke eghu ka iara, “Iara ginauna falalase ka iagho unha nate thoke mei ginauna, naugna God na diꞌatagna fara. Mifi te filoni iagho igne thotoghale eidi gobigna lepo fateote'o igre ginauna hui ka narane leghu lahu na. Gobigna lepo igre ginauna thoke mei jateula teke filodi iagho ka mifi na igne eghu.

Profet Daniel 8:19 ပူးပေါင်းရင်းမြစ်များ

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Profet Daniel 11:27

Neuba phei king igre ne gnokro fodu ne ghamu ka kaisei tevo kolho, nu gaoghathodi phei mae igre ginauna theome keli kolho. Phei mae igre ginauna chaichaghi fari thedi kolho. Eghuteuna phei mae igre ginauna na theome thokeni unha teke magnahagheni phia mare na, naugna theome thokeniu narane teke vahini God na.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Profet Daniel 8:23

“Kate namo gnafa nodi narane te mala funei fruni na, fati king igre ginauna thofno diꞌa fara. Kaisei king majaghani nate funei fruni ka narane tuana ginauna thono patugama fara. Mana theome kokhoni ni ihei, eghuteuna mana lase chaghidi naiknore ka puhi te diꞌa.

Luku 21:23

Kau narane tuana kokhonidi fara goro gaꞌase te buklare, ba te au thudi te chuꞌu teu! Puhi biꞌo balu diꞌanagnafa ginauna thoke mei ka naiknogna nohi igne. Eghuteuna diꞌatagna God na ginauna thokedi la mare.

Nodi Khoje Hatimare Mae Jiu 102:13

Gognaro gne narane te mala kokhoni ni iagho Jerusalem na. Thofno narane te mala phile iagho balugna mana na.

Profet Daniel 12:4

Aonu mana ne cheke eghu ka iara, “Ghema Daniel, fofotho sagho buka na, eghuteuna iagho lilisei kaisei fagaglana tagna mala theome laseni kaisei naikno ghilei thokeni narane leghu lahu na. Ame thoke mei nga narane leghu lahu teuna, kmana naikno ginauna magnahaghei te lasedi gaoghathodi cheke te au ke lamnagna buka na igre.”