Profet Daniel 8:14 - Buka Blahi Ka Cheke Holo

¹⁴ Eghuteuna iara nomhini keha engel na ne cheke eghu, “Glepo te diꞌa igre na au nabagna kaisei thogha kaisei gobi glimafulu narane. Ka narane igre nogna naikno God re ginauna na theome fafara hamerane nei grafi jateula teke tifa ra teuna. Eghuteuna ke leghudi narane igre, mare ginauna nake eni nogna Sugablahi God igne mala blahi fara.”

Profet Daniel 8:14 ပူးပေါင်းရင်းမြစ်များ

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.

Profet Daniel 12:11

“Funu ka narane te lhotidi mae naoka gre nogna naikno God gre te fafara leghu narane na, eghuteuna mare nhaꞌa haghe kaisei glepo te thono diꞌa fara ka sugagna God na, eghuteuna ginauna thokeni kaisei thogha phia gobi nheva salei narane ame thoke mei nga narane leghu lahu na.

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Thakle 12:14

Nu God ne tusu ranghini naꞌa phei baghi gaghata mala tangomana naꞌa te flalo te tei ka namono nagou te khaba ka pholi biꞌo na. Jare ka vido tuana mare ginauna reireghi fakelini naꞌa thilo finogha namno nhigra.

Profet Daniel 8:26

“Unha te filodi iagho ka mifi igne king te theome snakredi naiknore te fafara bongi narane teu igne thofno tutuani fara. Nu iagho thosei toutonu ka keha naiknore eigna mifi igne, naugna glepo igre ginauna theome faghose thakle mei.”

Profet Isaia 1:27

Jame te fatedi ghotilo naiknore ka puhi te doglo na, ghotilo ginauna snagla nomi. Eghuteuna jame te edi koba ghotilo glepo te doglore, Lord ginauna fakarhi ghami ghotilo iheire te tughu nagnafa ka nakhibo.

Thakle 13:5

God ne snakreni bosu tuana mala cheke fahaehaghe nei mala cheke faparini eghu thegna naba thilo finogha namno nhigra. God jaola snakreni mana mala eni unha mana te magnahagheni kate funei frunidi naiknore.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Galesia 3:8

Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.”

Jenesis 1:5

God ne kiloni naphae igne “Narane” eghuteuna gromno na mana ne kiloni “Bongi.” Rafi soru nei hamerane haghe. Igne narane ulu lahu na.

Profet Daniel 12:12

Iheire te au rheta ka God te ghilei thokedi kaisei thogha thilo gobi tolufulu glimai narane igre, God ginauna fablahidi.