Profet Daniel 7:9 - Buka Blahi Ka Cheke Holo

⁹ “Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.

Profet Daniel 7:9 ပူးပေါင်းရင်းမြစ်များ

Thakle 1:14

Pha'ugna nei khaklagna teu mana re vegha fara jateula khakla sipu eghu, eghuteuna phei tathagnare jateula deudeplu khaꞌaghi eghu.

Nonomho Te Keli Teke Risoi Mae Mak 9:3

Eghuteuna nogna pohe mana re ne thono vegha fara. Theo kaisei naikno ka nauthoglu igne te titihi nogna pohere te famane vegha jateula igne teuna.

Matiu 17:2

Kate filo teu thilomare na, thilomare ne filoni thinigna mae Jisas na ne tughu. Tathagna nei foflogna teu manare ne siasigla fara jateula naprai neu. Eghuteuna nogna pohere ne jaola ne thono vegha fara.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Daniel 7:22

Nu God mae ihei te au fabrahu funu tifa igne ne fateni hona ikoi igne ne cheke thakleni, hona igne la eni kaisei najafra biꞌo ranghidi nogna naikno God te au kligna. Eghuteuna God mae ihei te fnakno igne ginauna tusu lao nolaghi ka nogna naiknore mala funei fruni jateula king eghu.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Thakle 19:18

Khapru mei mala ghamu nafnahidi hatimare mae king nei hatimare mae funeidi armi nei mae biꞌo ka nauthoglu nei nafnahidi hose nei nafnahidi mae iheire te saghe teu ke klignadi. Uve, ghotilo mei mala ghamu nafnahidi naikno te gnafare, mae sneka nei mae te snagla, nei mae te au nolaghi nei mae te theo nolaghi.”

Filipae 3:9

nei mala kaisei balugna mana. Eghume iara gognaro na theome tangomana te cheke eghu, “Iara au doglo ke ulugna God naugna iara ne leghuni nodi vetula mae Jiu gre.” Theo. Nu iara doglo ke ulugna God naugna iara ne fatutuani ni mae Jisas Kraes.

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Mae Khuru 2:30

Nu mae Devet gne neke kaisei mae profet, eghuteuna mana laseni u nhaꞌa cheke teke eni God ka mana nate mala kaisei mae ka vikegna thegna mala kegra funei biꞌo jateula mana eghu.

Profet Habaku 1:12

Lord, iagho au funu tifa ghilei mei posa ka narane gognaro gne. Nogu God te thofno Blahi fara, iagho te karha fabrahu tifa te tifa. Iagho jateula nogu thina rheta mala poru eghu iara. Iagho neke vahidi naiknodi Babilonia neke para ghami ghehati eidi nakhibomi ra.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Nodi Khoje Hatimare Mae Jiu 45:8

Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Ululahu Jone 1:5

Gognaro na ghehati nake toutonu ari ka ghotilo cheke teke nomhini ka mae Jisas Kraes. Mana neke cheke eghu, “God na naphae, eghuteuna ka mana jare na theo kaisei gromno.”

Matiu 28:3

Tathagna nei foflogna teu mana re ne siasigla jateula nakafli neu. Eghuteuna nogna phoko manare ne thono vegha fara.

Thakle 4:2

Aonu nogna nolaghi Tharunga te Blahi na ne ghosei ne mei ka iara mala batuni gaoghathogu iara na. Eghuteuna iara ne filoni kaisei nogna sape nafnakno mae King te au kligna te gnokro teu kaisei mae tagna na.

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.

Fapea Kronikols 18:18

Nu mae Maekaea ne cheke eghu, “Eghume fanomho fakeli ka nogna cheke Lord igne. Iara filoni Lord te gnokro teu ka nogna sape nafnakno na kligna, eghuteuna nogna engel re kegra rhegna mana, kehare fei khame nhetagna eghuteuna kehare fei khame maerigna.

Profet Esikiel 1:26

Ke klignadi mare ka suga igne, kaisei glepo jateula nogna sape nafnakno king teke horo ka famane thina te kiloni sapia eghu au tagna. Eghuteuna iara ne filoni kaisei glepo jateula kaisei mae eghu gnokrou tagna.

Nodi Khoje Hatimare Mae Jiu 93:2

Lord God, kani theome vuavuha nga teku iagho thua nafnotu fateote'o ka nauthoglu igne, iagho neke kulu King neku ngala. Iagho King fabrahu tifa tifa.

Profet Isaia 6:1

Ka finogha te lehe King Usia igne, iara neke filoni kaisei mifi. Ka mifi igne, iara filo haghe ne filoni Lord mae ihei te fnakno fara te gnokro teu ka nogna sape nafnakno na, eghuteuna nogna phoko brahu mana na ne thafru Sugablahi igne.

Profet Jeremaea 49:38

Iara ginauna aknu falehe nodi king mare na baludi nogna mae biꞌore, eghuteuna iara ginauna tughudi mare mala jateula king eghu mala funei frunini Elam.