Profet Daniel 7:4 - Buka Blahi Ka Cheke Holo

⁴ “Kaisei na jateula lion eghu, nu au phei baghigna jateula gaghata eghu. Eghuteuna kate filo teu iara na, kaisei mae mei ne hata koko phei baghi igre. Aonu mana pala haghe glepo igne ne fakegra haghe ka phei ghahegna te jateula ghahe naikno teu igre. Eghuteuna tusu lao gaoghatho tagna mala ghaoghatho jateula naikno eghu.

Profet Daniel 7:4 ပူးပေါင်းရင်းမြစ်များ

Profet Jeremaea 4:7

Mare ginauna na jateula lion te jifla mei ka nogna vido mala poru ra eghu. Mare na mei goigonidi fara nomi namono ghotilo igre. Eghuteuna theo kaisei naikno nate au teu ka namono igre na.

Profet Esikiel 17:3

Iagho cheke ka mare iara Lord God te chekeni igne: Kaisei gaghata te thono biꞌo biꞌo fara na, flalo ne mei ke kligna Thogele Lebanon. Phei baghi gnare thono rheta fara, eghuteuna khakla gnare thono brahu fara eghuteuna au kmana famane nafnata kala tagna, eghuteuna naꞌa tei ne kato phaꞌugna kaisei gaju te kiloni sida.

Matiu 24:28

Tutuani fara, naikno kmana ginauna kafe filo laseni meigu iara na, jateula kate filoni bukrei glango na, mare na filo laseni aheva thuru teu thinigna bosu te lehe na.

Profet Daniel 4:36

“Kate eni iara cheke igne, gaoghatho te keli na neke pulo mei ka iara. Eghuteuna God neke hata fapulo ghau iara ka sapegna king. Aonu naiknore ne ghatho tahu ghau iara. Nogu mae biꞌo nei nogu mae funei teu iara re ne keli tadi kate filo ghau iara teke gnokro ka sapegna king na. Gognarona naiknore ghatho tahu ghau iara uludi teke king iara ka finogha te salaꞌu ra, eghuteuna iara gognarona au nolaghi biꞌo uludi tifa ra.

Profet Esikiel 28:9

Jame te kegra iagho ke uludi mae iheire nate falehe nighore, iagho ginauna tangomana nate chekeni te iagho kaisei god na? Ghema, iagho naikno kolho, iagho theome kaisei god.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Lamentations 4:19

Noda naoka tahati gre flalo jateula gaghata te flalo te soru te hata ghegna gano ra eghu. Mare ngolhi ghita ke kligna thogele, eghuteuna poru ka namono nagou mala loki ghita.

Profet Jeremaea 48:40

“Filo mei! Naoka re ginauna theome raugha mei goigonini kantri Moab jateula gaghata biꞌo te tivi te sukha te atha ghegna gano ra eghu.

Profet Jeremaea 25:38

Lord kegra haghe na mei jateula lion te mei funu ka nogna vido mala poru ra eghu. Lord na kuru meidi mae naokare mala goigoni nodi namono mare na, naugna mana ne thono diꞌatagna fara ka mare.

Profet Jeremaea 4:13

Aonu, mae Jeremaea ne cheke eghu ka naiknore, “Filo si ghotilo! Hatimare mae naoka! Mare ginauna mei jateula nuri blahi te mei balu gromno ra eghu. Nodi chariot mae igre ginauna mei jateula saeklon eghu. Eghuteuna nodi hosere umhu fara salaꞌuni gaghata te flalo ka maloa na ia.” Aonu ghotilo ginauna cheke eghu, “Tore, tahati gne lehehi!”

Nodi Khoje Hatimare Mae Jiu 9:20

Lord, falalase sagho nou nolaghi na mala mhaghu nodi mare. Eigna mare theome tangomana te ulu nigho na, naugna mare khogla naikno kolho. Mare theo kaisei nodi nolaghi.

Thoutonu Eigna Mae Job 25:6

Aonu kate filo mei ka tahati naikno na, tahati thofno glepo theo nafuda kolho ka tathagna mana na. Ka tathagna mana na, tahati thugna naikno igre jateula madukhe eghu kolho.”

Fapea Samuel 1:23

Naiknore neke keli tadi fara ka mae Sol ghe mae Jonatan. Phiamare neke kaisei loku fodu fabrahu neke ghilei thokeni narane glehedina. Phei mae igre theidire flalo jateula gaghata, ba rheta jateula lion.

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Thakle 13:2

Bosu te filoni iara tuana jateula lepad eghu fifilogna na. Eghuteuna ghahegnare jateula ghahe bea eghu. Eghuteuna foflogna na jateula foflo lion eghu. Aonu pholi biꞌo na ne tusu lao ka bosu na nogna nanheta na. Eghume naikno te gnafare ne leghudi phiamare.

Profet Daniel 7:5

“Fapea glepo te jateula bea teu igne ne jifla mei ne ghae haghe ke kligna gna keha phile na. Eghuteuna thilo nhubra gagaro au ka foflogna na. Eghuteuna iara ne nomhini kaisei mae ne cheke eghu ka glepo igne, ‘Iagho tei ghamu kmana nafnahi nihai te magnahaghei iagho na.’

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Profet Daniel 2:38

God neke vahi nigho iagho mala funei frunidi naikno te gnafa, buluka te gnafa, nei nanghaji te gnafa, teu te karha ka nauthoglu igne. Iagho jateula phaꞌugna eghu mumuju teke hohoro ka gol igne.

Profet Daniel 7:12

Eghuteuna mare ne hata koko nolaghi te mala funei fruni na ka keha thilo glepo igre, nu mare ne theome falehedi thilo glepo igre.