Profet Daniel 7:20 - Buka Blahi Ka Cheke Holo

²⁰ Eghuteuna iara jaola magnahaghei te lasedi nabotho hona te au ka phaꞌugna glepo igne. Eghuteuna hona ikoi te kotu haghe leghui igne mei ne hata koko thilo hona teke kulu au igre. Hona igne au phei tathagna nei au foflogna eghu, eghuteuna foflogna na thofno cheke fahaehaghe fara. Eghuteuna naꞌa cheke fahaehagheni thegna jateula naikno eghu. Iara thono mhaghu nogu fara kate filoni hona ikoi igne.

Profet Daniel 7:20 ပူးပေါင်းရင်းမြစ်များ

Profet Daniel 7:23

“Aonu mae ihei te ghusnani iara igne ne cheke eghu ka iara, ‘Gaoghathogna mifi igne na eghu agne. Fafati glepo tuana eigna fafati kantri nate kegra haghe ginauna, nu kantri igne ginauna nhogri ka keha kantri te funei fruni igre. Kantri igne ginauna goigonidi fara keha kantri ka nauthoglu igne.

Profet Daniel 7:8

“Kate filo teu iara ka nabotho hona igre, iara ne filoni kaisei hona ikoi ne kotu haghe fari hotei keha hona re. Hona majaghani igne ne kegra haghe ne hata koko thilo hona teke kulu au ra. Eghuteuna hona majaghani igne au tatha naikno, eghuteuna foflogna na cheke fahaehaghe nei pala hagheni nanghagna thegna na.”

Profet Daniel 7:11

“Kate filo teu iara na, iara ne nomhini hona ikoi te au ka phaꞌugna fafati glepo igne ne cheke fahaehaghe ne fafnaknoni thegna. Aonu iara ne filodi mare te faleheni fafati glepo igne ne koko lao thinigna na ka khaꞌaghi ne nhako fahui.

Thakle 12:3

Eghuteuna keha fagaglana biꞌo na ne thakle ka maloa na. Jare kaisei pholi biꞌo te ukru. Mana au fitu pha'ugna nei nabotho honagna. Ka soasopa pha'u igre mana au kaisei khepi nafnakno.

Profet Daniel 7:7

“Kate filo teu iara na, fafati glepo na ne jifla mei. Glepo igne thofno nolaghi fara, eghuteuna filogna na jaola thono diꞌa fara. Eghuteuna jame ihei te filoni glepo igne na ginauna mhaghu nogna fara. Kheꞌignare aean biꞌo, aonu naꞌa ghamu fateo gobigna lepore, eghuteuna naꞌa tapla ghiaghiha unha te salaꞌui re. Glepo igne nhogri fara, theome jateula keha thilo glepo are eghu, eghuteuna naꞌa au nabotho hona ka phaꞌugna na.

Profet Daniel 7:19

“Iara la nomhinihi cheke igne, nu iara magnahaghei te laseni gaoghathogna fafati glepo biꞌo igne. Naꞌa kaisei nafnata gna ngau ka keha are. Kheꞌigna na aean biꞌo, eghuteuna geghesu ghahegnare bras. Iara mhaghuni fara filogna na. Eghuteuna naꞌa ghamu kina sasaka nei tapla ghiaghiha gobigna lepo teke khoko soru ka glose na.

Profet Daniel 7:21

Kate filo teu iara na, iara ne filoni hona igne magra ne paradi nogna naikno God re.