Profet Daniel 7:2 - Buka Blahi Ka Cheke Holo

² Mae Daniel ne cheke eghu, “Ka mifi igne, iara ne filoni kaisei nuri gna kligna te ghaghafa mei ke maghati, ke mosu, ke raru nei ke mata, ne malu thongna na.

Profet Daniel 7:2 ပူးပေါင်းရင်းမြစ်များ

Thakle 7:1

Ke leghugna igne, iara ne filodi fati engel kegra neu ka fati sulukhugna nauthoglu gne. Mare kegra fanogradi fati nuri ka nauthoglu gne mala thosei ghaghafa mei ka namono ba gaju ba ka nhorora.

Thakle 17:15

Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Matiu 24:31

Ka naoglagna khufli te inge igne, iara ginauna kurudi nogu engel re mala tei ke maghati, nei ke mosu, nei ke raru, nei ke mata. Mare ginauna salo fodu naikno teke kulu vavahi God Mama heva heva ka nauthoglu igne.”

Profet Jeremaea 49:36

Iara ginauna kuru mei naoka funu ke raru, ke mata, ke maghati nei ke mosu mala mei roꞌedi mare. Igne ginauna mei jateula nuri biꞌo eghu ka mare. Eghuteuna nuri biꞌo igne ginauna pala tafridi mare tei ke raru, ke mata, ke maghati, nei ke mosu eghu ka nauthoglu igne.

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Profet Daniel 7:7

“Kate filo teu iara na, fafati glepo na ne jifla mei. Glepo igne thofno nolaghi fara, eghuteuna filogna na jaola thono diꞌa fara. Eghuteuna jame ihei te filoni glepo igne na ginauna mhaghu nogna fara. Kheꞌignare aean biꞌo, aonu naꞌa ghamu fateo gobigna lepore, eghuteuna naꞌa tapla ghiaghiha unha te salaꞌui re. Glepo igne nhogri fara, theome jateula keha thilo glepo are eghu, eghuteuna naꞌa au nabotho hona ka phaꞌugna na.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Profet Daniel 8:2

Ka mifi igne, iara kegra neu ke lamna bara ka namono biꞌo Susa ka provins Elam, eghuteuna iara kegra neu rhegna khoꞌu Ulai.

Profet Daniel 8:8

Aonu nanigot igne ne faheaheta fara. Nu kate biꞌo te biꞌo puhi faheaheta na, hona biꞌo igne ne klopa. Keha fati hona majaghani neke kegra haghe ka vido teke augna na. Fati hona igre ne filo tei ka soasopaigna vido, kaisei ke raru, kaisei ke mata, kaisei ke maghati nei kaisei ke mosu.

Profet Daniel 11:4

Nu kate nheta te salaꞌui na, nogna kantri na ginauna fnota ka fati vido. Keha fati mae king delei ngau nate funei frunidi fati vido igre, nu mae igre theome mei ka vikegna mana, eghuteuna mae igre theo nodi nolaghi jateula mana eghu.

Profet Sekaraea 6:5

Mana ne cheke eghu, “Gaoghathogna na, igre fati nuridi kligna te jifla mei funu ka Lord mae ihei te mae Funei gna nauthoglu igne.

Profet Isaia 17:12

Tore! Naiknodi keha kantri igre jateula galo biꞌo te mei poha ke kligna khalaꞌe ka narane saeklon ra eghu.

Profet Jeremaea 51:42

Naoka igre ginauna mei jateula phobro biꞌo te mei te thafru namono ra eghu, ba galo te mei poha ke kligna thina ra eghu.