Profet Daniel 7:1 - Buka Blahi Ka Cheke Holo

¹ Ka finogha ululahu te funei fruni King Belsasa Babilonia igne, mae Daniel thuru ne filoni kaisei mifi. Aonu mana ne rioriso soru unha teke filodi mana ka mifi igne.

Profet Daniel 7:1 ပူးပေါင်းရင်းမြစ်များ

Profet Emos 3:7

Tutuani fara, ame eni nga Lord unha te magnahagheni na teuna, mana ginauna kulu cheke ka nogna mae profet.

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Profet Daniel 5:1

Kaisei narane, kate funei fruni King Belsasa ka kantri Babilonia igre, mana ne eni kaisei gaghamu biꞌo. Aonu mana ne kilo meidi kaisei thogha mae funei mala mei ghamu ka gaghamu biꞌo igne. Ka bongi igne, king ne koꞌu waen baludi mare.

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!

Thakle 1:19

“Eghume, iagho mala rioriso soru glepo te thakle mei ka iagho gognaro gre neu glepo nate thakle mei teu thogheiro.

Profet Habaku 2:2

Aonu Lord ne cheke eghu ka iara, “Iagho rioriso unha te fakakhana iara ka iagho igne mala bligi iu'iju gna na.

Profet Daniel 7:15

“Kate filodi iara glepo igre ka mifi igne iara diꞌa nagnafagu fara ne theome thuru.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Profet Daniel 2:1

Ka fapea finogha te funei fruni King Nebukadnesa Babilonia igne, mana ne filoni kaisei mifi ne theome tangomana te thuru na, naugna mana ne nanga nogna fara eigna mifi igne.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 46:2

Ka bongi tuana God ne thakle ka mana ne cheke eghu, “Jekop, Jekop!” Mae Jekop ne cheke eghu ka mana, “Iara au teu ao Lord.”

Thakle 10:4

Kate cheke te gnafa fitu filare, iara ne funu rioriso unha teke chekedi mare re. Nu ka vido tuana iara ne nomhini kaisei cheke ne soru mei funu kligna, ne cheke eghu, “Iagho thosei rioriso unha teke chekedi fitu filara. Nu iagho phophoru fakeli glepo igre.”

Fapea Korin 12:1

Iara mala cheke fahaehaghe fabrahu, neubane theome tangomana te togho ghita na. Iara na chekedi mifi nei glepo teke poru eghu te fatakle Lord ranghi ghau iara re.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Profet Daniel 8:1

Ka fatilo finogha te funei fruni King Belsasa igne, iara ne filoni fapea mifi na.

Profet Daniel 7:7

“Kate filo teu iara na, fafati glepo na ne jifla mei. Glepo igne thofno nolaghi fara, eghuteuna filogna na jaola thono diꞌa fara. Eghuteuna jame ihei te filoni glepo igne na ginauna mhaghu nogna fara. Kheꞌignare aean biꞌo, aonu naꞌa ghamu fateo gobigna lepore, eghuteuna naꞌa tapla ghiaghiha unha te salaꞌui re. Glepo igne nhogri fara, theome jateula keha thilo glepo are eghu, eghuteuna naꞌa au nabotho hona ka phaꞌugna na.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.

Profet Daniel 5:22

“Iagho gragna mae Nebukadnesa, eghuteuna iagho lasedihi glepo igre. Nu neuba, iagho theome nhaꞌa fapari nigho themu.

Profet Esikiel 1:1

Iara mae Esikiel, thugna mae Busi, eghuteuna iara kaisei mae pris. Ka falima narane ka fafati nhigra ka fatolufulu finogha, God neke tothora maloa na neke fakakhana ka iara keha glepo ka mifi. Ka narane tuana, iara au neu ka geri Khoꞌu Keba ka kantri Babilonia baludi keha naikno teke hata mare teke jifla kokodi nodi namonore teke mei au Babilonia.

Profet Jeremaea 36:4

Aonu mae Jeremaea ne kilo meini mae Baruk, thugna mae Neraea. Kate toutonu mae Jeremaea ka mae Baruk cheke teke cheke Lord ka mana igre, mae Baruk ne rioriso soru ka kaisei buka.

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Profet Isaia 30:8

Lord ne cheke eghu ka iara, “Iagho rioriso soru thoutonu eigna nakarhadi naikno igre ka kaisei buka mala iu'ijuni fabrahu kate mei naiknore.

Profet Isaia 8:1

Lord ne cheke eghu ka iara, “Iagho hata kaisei glepo te biꞌo mala rioriso nangha igne: Mahea-Salal-Has-Bas. Gaoghathogna na faghose hata glepo teke uludi ka magra ra.”

Thoutonu Eigna Mae Job 4:13

Igne kaisei mifi mei bongiro kate thofno thuru iho teu iara na, eghuteuna iara ne mhaghu nogu fara.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Profet Jeremaea 36:32

Aonu mae Jeremaea atha keha pepa brahu na ne tusu lao ka mae Baruk. Eghuteuna mae Baruk neke rioriso soru cheke te gnafa teke au ka pepa brahu ulu lahu teke gnubra King Jehoiakim igre ka pepa brahu igne, baludi kmana cheke teke chekedi mae profet ka mana re.

Profet Esikiel 40:2

Ka kaisei mifi iara ne filoni Lord te hata ghau iara te tei Israel, eghuteuna mana haghe ne lilisei ghau iara kligna ka kaisei thogele. Kate filo tei iara ke mata na, iara ne filodi kmana suga te au fodu jateula kaisei namono biꞌo eghu.

Profet Daniel 2:26

King ne ghusna eghu ka mae Daniel, “Beltesasa, iagho tangomana te cheke meini nogu mifi iara igne balu gaoghathogna?”

Profet Daniel 4:13

“Kate ghathoni teu unha te filoni iara ka mifi igne, kaisei engel ne soru mei funu kligna.