Profet Daniel 6:7 - Buka Blahi Ka Cheke Holo

⁷ Ghehati te gnafa te loku ke lamnagna nou kantri iagho igne, thilo nou mae funei iagho igre baludi hatimare nou mae minista, sekretri, advaesa, nei mae primia teu iagho ka provins na igre, ghehati magnahaghei nigho iagho te eni kaisei vetula te mala leghuni naikno te gnafa igre. Ghehati magnahaghei nigho iagho te cheke faheta ka naikno igre funu gognarogne ghilei thokeni tolufulu narane. Te chekeni na, theome tangomana kaisei naikno te tarai ka kaisei god, ba ka kaisei naikno na. Theo fara. Naiknore mala tarai ka iagho kolho. Jame ihei te theome leghuni vetula igne na, iagho koko soruni naikno tuana lamna khora lion.

Profet Daniel 6:7 ပူးပေါင်းရင်းမြစ်များ

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Profet Daniel 3:27

Hatimare mae minista te gnafa, mae sekretri te gnafa, mae primia te gnafa, mae biꞌo te gnafa teu ka provins igre ne mei khapru faligohodi thilo mare. Khakladi nei nodi pohe teu thilo mae igre theome gnhubra ka khaꞌaghi, eghuteuna thinidire jaola theome siri khaꞌaghidi kolho.

Profet Daniel 3:6

Nu ihei te theome maimanihini mumuju gol igne na, ghehati ginauna koko laoni naikno tuana ke lamna bokis khaꞌaghi te brana fara na.”

Profet Daniel 3:2

Gnafa teuna, mana ne kilodi hatimare mae minista, hatimare mae sekretri, hatimare mae primia, hatimare mae advaesa, hatimare mae mala reireghi sileni, hatimare mae mala fate, hatimare mae funei nei keha mae biꞌo ka provins. Mana ne cheke faheta ka mare mala kafe mei mala pogho soru ka mumuju igne.

Nodi Khoje Hatimare Mae Jiu 62:4

Ghotilo jame magnahagheni kolho te tapla soru ghau iara te mala diꞌa iara nanghagu na. Tutuani fara, ghotilo magnahaghei fara te cheke chaichaghi na eigu iara ka keha naiknore, nu kate au balugu iara na nomi cheke ghotilo re e thofno keli fara. Ghotilo chekedi cheke te keli fara ka naiknore. Nu ka gaoghathomi ghotilore cheke eghu meu agne eghu, “Tahati magnahagheni kaisei fogra biꞌo te thokeni mana.”

Jone 12:10

Eghuteuna mae pris ulure ne hiro phoge mala faleheni la mae Lasaros.

Nonomho Te Keli Teke Risoi Mae Mak 15:1

Hamerane boibongi hatimare mae pris ulu, hatimare mae velepuhigna vetula nogna mae Moses nei hatimare goro mae biꞌo nei hatimare mae tothoghei fate eghure ne rogheni unha nate eni ka mae Jisas na. Aonu hatimare haru fodu phia khamegna mae Jisas re ne hata ne tei snakre lao ka mae Paelat.

Matiu 26:4

Ka faidu tuana hatimare ghaoghaho mala loki poruni mae Jisas mala faleheni mana.

Matiu 12:14

Ka narane tuana hatimare mae Farasi jifla kosi ne roghe mala faleheni mae Jisas.

Nodi Khoje Hatimare Mae Jiu 10:9

Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Profet Daniel 3:11

Eghuteuna, te chekeni iagho na, jame ihei te theome pogho soru te tarai na, nou mae gloku iaghore mala koko lao naikno tuana ke lamna khaꞌaghi te brana fara na.

Nodi Khoje Hatimare Mae Jiu 94:20

Iagho tiroudi fara hatimare mae funei te diꞌa fara puhidire. Uve, iagho hongo nigho fara ka hatimare mae funei te mala eni kaisei vetula mala huhurudi naiknore mala leghuni vetula igne. Nu vetula igne theome raꞌe keli kolho eghu.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Nodi Khoje Hatimare Mae Jiu 83:5

Mare ne kaisei gaoghatho ka nodi groghe na ne salo fodu te mala magra ka iagho na.

Profet Daniel 6:16

Aonu King Darius ne chekedi mare mala hata meini mae Daniel mala koko soru lamna khora lion. Kate koko soruni mae Daniel mare lamna khora lion na, mae king ne eha eghu tei ka mae Daniel, “Ghema Daniel, God mae ihei te fatutuani ni nei pogho soruni teu iagho igne na mei fakarhi nigho iagho.”

Nodi Khoje Hatimare Mae Jiu 59:5

Lord God, iagho mae ihei te au nolaghi biꞌo ia faghosei mei mala togho ghau iara. Iagho nodi God mae Israel ra, filodi mae igre. Faghosei mei mala fathasudi mae bongihehe igre, thosei kokhonidi naikno te diꞌa te fakokhoanadi kheragu iara gre.

Profet Daniel 2:4

Mare pogho soru ka mana ne cheke ka Arameik, cheke gna kantri igne. Mare ne cheke eghu ka mana, “King, iagho te fnakno fara! Iagho toutonu mei ka ghehati nou mifi na. Ghehati ginauna rurutha gaoghatho gna nou mifi iagho igne.”

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”