Profet Daniel 6:4 - Buka Blahi Ka Cheke Holo

⁴ Keha phei mae funei igre, baludi mae minista te gnafa igre ne fariu riu hirodi keha najafra ka nogna gloku mae Daniel re. Nu mare theome tangomana te filoni kaisei najafra ka nogna gloku mana igre. Naugna nogna gloku manare thofno keli fara. Mana theome tangomana te chaghi na, ba te eni kaisei najafra na.

Profet Daniel 6:4 ပူးပေါင်းရင်းမြစ်များ

Ululahu Pita 3:16

Nu ghotilo blaknoi famane cheke tughu balu ghaoghatho fakeli. Eghuteuna ghotilo mala doglo nei keli eghu nagnafami fabrahu. Naugna igne, naikno teke cheke fadiꞌa ghami ghotilo eigna unha te leghuni ghotilo mae Kraes na, mare ginauna na mamaja nodi fara.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Luku 20:20

Naugna igne, mare ne ofoni thofno narane te mala lokini mana na. Aonu mare ne folidi keha mae mala chaghi nei ghusna keha gusna, nei saosagroni mana eghu mala tangomana mare te snakre laoni mae Jisas ka nogna nolaghi mae gavana.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Jajis 14:4

Ka narane tuare, Filistia funei fruni ni Israel. Tutuani, unha te eni Samson igne naugna Lord magnahaghei te goigoni ni Filistia. Nu idogna nei kmagna teu mana igre theome laseni igne.

Jenesis 43:18

Kate hatadi te tei ka sugagna mae Josep na, mare ne mhaghu nodi fara ne cheke eghu fari thedi, “Tore, mae igne hata mei ghita tahati agne, naugna eidi sileni teke lilisei ka noda duku tahati ra ka thei ulu lahu ia. Jame igne u ngala gaoghathogna te hata mei ghita mana ka suga igne. Mae igre ginauna na hata mei ghita tahati agne mala nodi mae gloku kolho mare. Eghuteuna mare ginauna na jaola hata noda dongki tahati gre eghu.”

Fapea Korin 11:12

Keha naiknore magnahaghei fara te mala fahaehaghedi thedi nei chekeni koba nodi glokure te kaisei nanaba ka ghehati mae khuru gre teuna. Nu iara magnahaghei te mala fanogradi mare ka igne. Naugna igne, iara leghuni fabrahu kolho puhigu thegu na.

Jone 19:4

Mae Paelat neke jiflai ne cheke eghu ka mae Jiu gre, “Tore, filo si ghotilo! Iara atha fajiflani mae Jisas ka ghotilo. Naugna iara magnahaghei ghami ghotilo te laseni iara theome filoni kaisei najafra ka mana te nabagna te mala fate faleheni mana na.”

Luku 22:2

Kau narane tuana hatimare mae pris ulu, nei hatimare mae velepuhigna vetula nogna mae Moses eghu ne hiro phoge mala faleheni mae Jisas. Nu mare ne mhaghudi naiknore, glahula eni naiknore kaisei magra biꞌo.

Matiu 26:4

Ka faidu tuana hatimare ghaoghaho mala loki poruni mae Jisas mala faleheni mana.

Profet Daniel 3:8

Ka narane igne, keha maedi Babilonia ne goghotudi mae Sadrak, mae Misak, nei mae Abenegho. Aonu mare tei ka king ne fathoethoke ka mana.

Profet Jeremaea 18:23

Lord, iagho lasedihi gaoghatho te diꞌa te mala falehe ghau iara teu mae igre. Iagho thosei atha fadelei nakhibodire! Diꞌa tamu sagho ka mare, eghuteuna lisa lao ka mae naokare mala goigonidi mare ka tathamu iagho na.

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Ululahu Samuel 22:14

Nu mae Ahimelek ne cheke eghu, “King, theo kaisei mae soldia te ghatho tahu nigho iagho jateula mae Devet teuna. Mana nanghomu iagho nei mana kaisei nou mae ofisa biꞌo iagho eghu. Naikno te gnafa ka sugamu iagho na kafe ghatho tahuni mana.

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Luku 20:26

Hatimare ne jaglo nodi fara ka nogna cheke tughu mana igne ne theome ghagri kaisei cheke. Aonu mare ne theome tangomana te chaghini mae Jisas ka unha te chekedi mana ke uludi naiknore.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Ululahu Samuel 12:4

Aonu naiknore ne cheke eghu, “Theo, iagho neke theome chaghi ghami, neke theome goigoni ghami, nei neke theome hata kaisei glepo ka ghehati neku.”

Profet Daniel 5:12

Naugna mae igne thofno lalase fara salaꞌudi keha mae glalase igre. Mae igne au nogna glalase biꞌo te mala rurutha gaoghathodi mifi igre. Eghuteuna mana jaola filo glanidi gaoghathodi faghusna te edi naiknore. Mae igne nanghagna na, Daniel. Eghuteuna tifa na King Nebukadnesa neke kiloni mana, Beltesasa. Chekedi sagho keha mae mala tei hata meini agne mala rurutha mana gaoghathogna grioriso igne.”