Profet Daniel 6:20 - Buka Blahi Ka Cheke Holo

²⁰ Kate tei namo ka khora igne, mana ne nanga nogna fara ka mae Daniel, aonu mana ne eha eghu fabiꞌo, “Daniel! Iagho nogna mae gloku God mae ihei te karha te tifa. Ba, God mae ihei te leghuni nei turupuku ranghini teu iagho igne mana la fofotho foflodi lion are la theome ghamu nigho?”

Profet Daniel 6:20 ပူးပေါင်းရင်းမြစ်များ

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Profet Daniel 6:27

Mana tangomana te toghodi nei fakarhidi teu iheire te au ka hoholo. Mana tangomana te edi thua nafnata kofubobhoi biꞌo ka maloa kligna, ba ka nauthoglu pari igne. God igne neke fakarhini mae Daniel ka foflodi lion!”

Ululahu Kronikols 16:11

Tahati filo ka Lord mala togho ghita, eghuteuna tahati tarai fabrahu ka mana.

Profet Daniel 6:16

Aonu King Darius ne chekedi mare mala hata meini mae Daniel mala koko soru lamna khora lion. Kate koko soruni mae Daniel mare lamna khora lion na, mae king ne eha eghu tei ka mae Daniel, “Ghema Daniel, God mae ihei te fatutuani ni nei pogho soruni teu iagho igne na mei fakarhi nigho iagho.”

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Fapea Korin 1:10

God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Luku 1:37

Naugna theo kaisei glepo te ninhigrana ranghini God na.”

Profet Hosia 12:6

Eghuteuna, ghotilo vikegna mae Jekop ra mala jateula mana eghu tughu nagnafa mala ke figri mei ka noda God. Ghotilo mala ghatho tahuni nei leghuni eghu mana ka puhi te doglo te mala fatedi naiknore. Eghuteuna ghotilo ofou mala filoni unha nate eni mana te mala fakarhi ghami na.

Profet Daniel 3:15

Kate nomhidi ghotilo naogladi khufli, nifu, gita, belo, sesele nei keha nafnata khoje teu igre na, ghotilo ginauna tarabana mala maimanihini mumuju gol teke eni iara igne. Jame te theo ghotilo na, iara ginauna chekedi nogu mae soldia gre mala koko lao ghami ke lamna khaꞌaghi te brana fara na. Eghuteuna theo kaisei god nate mei fakarhi ghami ghotilo na.”

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Nodi Khoje Hatimare Mae Jiu 73:23

Neubane eghu ngau, iagho theome tei koko ghau iara, iagho batu ghau iara jateula mae te loku ka khamegna thugna na ia eghu.

Naba 11:23

Nu Lord ne cheke eghu, “Ba, ne theome tangomana iara te edi re eghu sagho ia? Filo sagho!”

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Mae Khuru 6:4

Eghuteuna mala tangomana tahati te tarai nei farirhiuni teu koba chekegna God na.”

Nodi Khoje Hatimare Mae Jiu 146:2

Kate au teu iara ka nauthoglu igne, iara magnahaghei te koje fafnaknoni nanghagna nogu God na ghilei lehe.

Nodi Khoje Hatimare Mae Jiu 119:112

Iara la kulu chekehi ka iagho te mala leghudi fabrahu nou farirhiu iagho re ghilei lehe.

Profet Daniel 6:19

Hamerane boibongi ka keha narane na, king ne ghosei ne kegra haghe ne tei filo ka khora lion igne.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.