Profet Daniel 5:9 - Buka Blahi Ka Cheke Holo

⁹ Aonu mae King Belsasa mhaghu nogna fara, eghuteuna thinigna na ne glaꞌe soru. Eghuteuna nogna mae funei manare ne iho nodi unha nate eni na.

Profet Daniel 5:9 ပူးပေါင်းရင်းမြစ်များ

Profet Daniel 5:6

King Belsasa filoni igne ne mhaghu nogna fara. Tathagna nei foflogna teu manare ne tughu, eghuteuna mana theome tangomana te kegra haghe na. Naugna thinigna na ne glaꞌe soru.

Profet Daniel 2:1

Ka fapea finogha te funei fruni King Nebukadnesa Babilonia igne, mana ne filoni kaisei mifi ne theome tangomana te thuru na, naugna mana ne nanga nogna fara eigna mifi igne.

Profet Jeremaea 6:24

Ghotilo naiknomi Jerusalem ginauna cheke eghu, “Tahati nomho thoutonu eidi mare, eghuteuna tahati la mhaghu noda fara la ghilei glaꞌe soru thinidare. Diꞌa nagnafa igne kabru ka nagnafada gre jateula gaꞌase te karha sua ra eghu.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Matiu 2:3

Kate nomhini mae King Herod eigna nodi King majaghani mae Jiu gne, mae King Herod ne diꞌanagnafa fara, nei jaola ngau iheire te gnafa te au ka namono Jerusalem.

Profet Daniel 10:8

Iara thegu kolho te au ka vido tuana, iara filoni mifi igne ne jaglo nogu fara. Aonu iara mhaghu nogu fara ne ghilei glaꞌe soru thinigu na.

Profet Jeremaea 30:6

Ba? Nalhaꞌu na tangomana te fakarha sua na? Ne faꞌunha site filodi iara mae nalhaꞌu te loku ka khoto thiꞌa na jateula gaꞌase te namo karha sua teu igrea? Ne faꞌunha si mare te jateula te mhaghu teu te nhogri tathadi nei foflodi teu igrea?

Nodi Khoje Hatimare Mae Jiu 48:6

Mare ne bobolo nodi fara balu khabru biꞌo jateula gaꞌase te namo karha sua ra neu.

Nodi Khoje Hatimare Mae Jiu 18:14

Mana hohoro nakafli ka khoveo ne jateula jata neu ne fadi di nogna naokare, aonu mare ne rikha ne theo tokadi.