Profet Daniel 5:6 - Buka Blahi Ka Cheke Holo

⁶ King Belsasa filoni igne ne mhaghu nogna fara. Tathagna nei foflogna teu manare ne tughu, eghuteuna mana theome tangomana te kegra haghe na. Naugna thinigna na ne glaꞌe soru.

Profet Daniel 5:6 ပူးပေါင်းရင်းမြစ်များ

Profet Nahum 2:10

Namono igne la thono groꞌe farahi. Mae naoka igre la hata fahui gobigna lepore. Theo kaisei glepo te au na. Naiknore mhaghu fara, ne thofno gla'e soru, eghuteuna tathadi nei foflodi teure thono diꞌa fara filodi re.

Profet Daniel 7:28

“Igne ngala thoutonu eigna mifi teke filoni iara na. Uve, iara neke mhaghu nogu fara neke nhogri tathagu nei foflogu teu gre. Eghuteuna iara neke ghathodi fabrahu glepo igre ka gaoghathogu na.”

Profet Esikiel 7:17

Khamedi ginauna glaꞌe, eghuteuna ghahedire ginauna rifu eghu ka namhaghu.

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.

Profet Esikiel 21:7

Eghuteuna jame te ghusna eghu mare ka iagho na, ‘Naugna unha sagho te diꞌanagnafa nei tanhi teu fabrahu gnea?’ Iagho ginauna cheke eghu ka mare, ‘Iara diꞌanagnafagu fara, naugna iara laseni kaisei nonomho te diꞌa ginauna mei ka ghotilo. Ghotilo ginauna mhaghu nomi fara, eghuteuna khamemi nei ghahemi teu ghotilo te gnafa re ginau glaꞌe fara ka namhaghu, eghuteuna gaoghathomi ghotilo re ginauna glaꞌe soru, eghuteuna ghotilo ginauna jaola nanga nomi fara.’ Nonomho te diꞌa igne ginauna ghosei mei, eghuteuna kate mei na, glepo te diꞌa igne ginauna mei tutuani. Igne nogna cheke Lord God!”

Nodi Khoje Hatimare Mae Jiu 69:23

Fadodofu tathadire mala theome fifilo mare. Eghuteuna thinidire mala papara fara ka thua nafnata hoholo.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Hibru 12:12

Thosei babaꞌo te leghuni u thofno nakarha te keli na! Te theome nheta khamemire nei nigra ghahemire teuna ke farerheta fapulo!

Profet Daniel 3:19

Kate nomhini King Nebukadnesa igne, mana ne diꞌatagna fara ka mae Sadrak, mae Misak nei mae Abenegho. Aonu mana ne cheke faheta ka nogna mae glokure mala eni khaꞌaghi na mala brana fara nabagna fitu fata salaꞌuni teke ului na.

Profet Daniel 2:1

Ka fapea finogha te funei fruni King Nebukadnesa Babilonia igne, mana ne filoni kaisei mifi ne theome tangomana te thuru na, naugna mana ne nanga nogna fara eigna mifi igne.

Profet Isaia 35:3

Jame te theome nheta khamemi ghotilo are, eghuteuna ghahemi ghotilo re glaꞌe teuna, ghotilo ke farerheta fapulo.

Profet Isaia 5:27

Mae soldia gna armi igne thofno rheta fara. Theo kaisei ka mare te babaꞌo na, ba te uka pari kate chari na, eghuteuna theo kaisei ka mare te thuru na. Theo kaisei nodi nhugha mare te blogho na, eghuteuna theo kaisei gnarho gna nodi sadol mare te khusu na.

Nodi Khoje Hatimare Mae Jiu 22:14

Iara gne la theo hi kaisei nogu nolaghi te mala kegra heta na, eigna nogu nolaghi na jateula khoꞌu te thofa soru te blalho ka nusu ra eghu kolho. Nhubragure la klasuhi ka thududire. Eghuteuna gaoghathogure la blalhohi jateula suka eghu.

Profet Daniel 5:5

Aonu kaisei khame naikno megei nga ne jifla mei, rioriso neu ka gringnigna nogna suga king na ka vido te agha teu juta na.

Profet Jeremaea 50:43

Nomi king ghotilo maemi Babilonia ia ginauna nomhini nate mei mae naokare. Eghuteuna mana ginauna mhaghu nogna fara na ghilei klasu nhubragnare. Puhi biꞌo thokenihi mana! Mana gognarona diꞌanagnafagna fara, jateula gaꞌase te diꞌanagnafa gna fara kate namo karha thugna na ia eghu.