Profet Daniel 5:23 - Buka Blahi Ka Cheke Holo

²³ Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Profet Daniel 5:23 ပူးပေါင်းရင်းမြစ်များ

Thoutonu Eigna Mae Job 12:10

Gobigna lepo te karha igre, au kolho ka thatabla khamegna mana. Eghuteuna nakarhagna naikno na, jaola au ka khamegna mana.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Jeremaea 10:23

Lord, te laseni iara na, theo kaisei naikno ka ghehati te naba te mala batu ghami te mala leghuni nabrou te magnahagheni ghehati na.

Profet Isaia 37:23

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te blahi fara, nu iagho cheke fapari ghau iara!

Profet Isaia 2:12

Ka narane tuare, Lord mae ihei te au nolaghi fateote'o igne ginauna nhaꞌa faparidi iheire te fahaehaghe.

Profet Jeremaea 50:29

Lord ne cheke eghu, “Ghotilo mae te lase fada ka phaloho ra, ghotilo tei magra Babilonia. Ghotilo bara ligohoni Babilonia mala theome tangomana kaisei naikno te rikha na. Ghotilo ke tughu fapulo unha teke edi mare ra. Uve, paradi si ghotilo jateula teke edi mare ka keha naikno ra eghu. Naugna mare ne phaꞌu maku fara ne theome leghu ghau iara Lord nodi God mae Israel te thofno blahi fara.

Proveb 20:24

Lord na lasedihi puhidi naikno te gnafa re. Nu theo kaisei naikno te thofno laseni nakarhagna thegna na.

Thoutonu Eigna Mae Job 31:4

God na la lasedihi gobigna lepo te edi iara re, eghuteuna mana lasedihi vido te gnafa aheva te tei iara tagna na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Profet Isaia 37:19

Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Nodi Khoje Hatimare Mae Jiu 139:3

Iagho filodiu ngala vido te loku ne vido te gnafa teu iara re, nei lasedi gobigna lepo te edi iara re.

Fapea Kings 14:10

Eghuteuna mana neke cheke eghui, “Tutuani, iagho neke ulunihi armi gna Idom ia ka magra, eghuteuna gognarona iagho fahaehaghe fara. Te keli na iagho tei au kolho ka sugamu na mala fahaehaghe nigho themu. Thosei eni kaisei puhi, naugna mana ginauna na goigoni nigho mana nei naiknodi Juda.”

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Mae Khuru 17:25

God igne theome kmo'e ka kaisei glepo mala toghoni tahati. Theo. Naugna mana thegna ngala teke tusu lao nakarha nei phaphanga nei gobigna lepo teu ka naikno te gnafare.

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Profet Esikiel 31:10

“ ‘Eghume iara Lord God, iara cheke eghu: Naugna gaju igne kotu haghe ne tei posa ka maloa ro eghuteuna cheke fahaehaghe fara teu igne, iara tiroguni gaju sida igne.

Profet Esikiel 28:17

Iagho fahaehaghe fara naugna iagho famane fara fifilomu na, eghuteuna puhimu iagho te fahaehaghe igne goigonini nou glalase iagho na. Naugna puhi igne, iara na koko soru nigho iagho pari, eghuteuna keha mae funei nei mae king teu igre mare tangomana nate filo fapari nigho iagho na.

Profet Esikiel 28:5

Iagho laseni fara te horo bisnis baludi keha naiknore, eghuteuna ka glalase igne te dedei fara iagho na. Nu glepo te keli igre te batu nigho iagho te fahaehaghe fara iagho na.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Profet Isaia 33:10

Lord ne cheke eghu ka nogna naiknodi keha kantri re, “Gognarona iara falase ari ka ghotilo iara te au nolaghi fateoteꞌo na, eghuteuna naikno te gnafa ka nauthoglu igne ginauna cheke fakeli ghau iara.

Nodi Khoje Hatimare Mae Jiu 146:4

Kate lehe na, mare ginauna vuhai glose kolho, eghuteuna unha teke ghathoni mare na ginauna ari theo nafugna kolho.

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Nodi Khoje Hatimare Mae Jiu 104:29

Nu kate theome fei ghedi iagho na, rehati na rofo fara. Eghuteuna kate atha fadelei iagho tadi u nuinuri na, rehati na lehe, nake pulo ka glose teke vuavuhadi iagho gne.

Jajis 16:23

Goro mae funeidi Filistia igre salo fodu mei ne eni kaisei gaghamu biꞌo, mare fafara ne cheke fakelini nodi god Degon. Mare koje ne cheke eghu, “Gognarona, noda god tahati igne la uluni noda naoka tahati Samson!”

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Profet Isaia 13:11

Lord ne cheke eghu, “Iara ginauna parani nauthoglu igne naugna la thono diꞌa fara gognarona. Eghuteuna iara ginauna paradi naikno te diꞌa igre naugna mare ne tapla jafra fabrahu ka nakhibo. Iara ginauna nhaꞌa faparidi naikno te fahaehaghe are, eghuteuna iara ginauna goigoni fahui nodi puhi fahaehaghe mare te fakokhoanadi keha naiknore.

Profet Isaia 14:13

Iagho cheke eghu ka gaoghathomu themu na, ‘Iara ginauna haghe kligna! Iara ginauna fakegra haghe nogu sape nafnakno na ke klignadi nogna nathunu God ka maloa na are. Eghuteuna iara ginauna gnokro ka sape nafnakno igne ke kligna thogele blahi aheva keha god are nate salo fodu mei tagna.

Profet Jeremaea 48:26

Lord ne cheke eghu, “Naiknodi Moab igre fahaehaghedi fara thedi ke klignagu iara Lord. Eghume, iara Lord ginauna paradi fara mare, mala jateula mae te koꞌu te salaꞌui te ghilei fameomekro te thuru pari ka gluꞌagna thegna ra eghu mare.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Profet Jeremaea 50:28

Profet ne cheke eghu, “Fanomho mei ka kherada teke tei au Babilonia teke la pulo mei Jerusalem igre. Te chekeni mare na noda Lord God tahati igne kela tughu fapulo glepo te diꞌa teke edi naiknodi Babilonia ka nogna Sugablahi mana ra.”

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Profet Daniel 11:12

Mana ginauna na fahaehagheni fara. Kate uluni magra igne, mana ne aknu falehe kmana thogha soldia. Nu mana ginauna na theome tangomana nate ulu fabrahu na.