Profet Daniel 5:2 - Buka Blahi Ka Cheke Holo

² Kate koꞌu mare na, king ne chekedi nogna mae glokure mala hata mei kapu teke horo ka gol nei silva teku teke hata mae kuꞌegna mana King Nebukadnesa ka nogna Sugablahi God ka namono Jerusalem. King Belsasa magnahaghei te hata te mei kapu igre mala koꞌu waen baludi nogna funeire. Mana ne koꞌu waen baludi khetogna nei keha khetogna teure, nei hatimare mae biꞌo balu khetodi.

Profet Daniel 5:2 ပူးပေါင်းရင်းမြစ်များ

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Fapea Kings 24:13

King Nebukadnesa ne jateula teke kulu chekeni Lord tifa ra neu ne hata ne tei gobigna lepo te keli teke au ka nogna Sugablahi Lord, nei sugagna king teure. Mana ne hata koko gol teke lilisei King Solomon ka Sugablahi na.

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Fapea Kings 25:15

Eghuteuna komanda Nebusaradan ne hata besin nei glepo mala gahu insens, nei keha glepo teke horo ka famane gol nei silva.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 5:13

Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Profet Daniel 5:4

Kate koꞌu teuna, mare ne kilo fnaknoni nodi mumuju god teke horo ka gol, silva, bras, aean, gaju nei thina.

Profet Jeremaea 52:19

Mae Nebusaradan jaola ne atha glepo teke horo mare ka gol nei silva. Glepo igre: dis ikodi, nei tapera mala atha sisibe ngaja, dis mala lilisei dadara mala fafara nei suspen tapera mala gahu insens nei gaju kadol nei dis mala totoho waen.

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Fapea Kronikols 36:18

Eghuteuna King Nebukadnesa ne hata fajifla gobigna lepo teke au teku ka nogna Sugablahi God na baludi gobigna lepo teke au ka chogho te mala lilisei glepo ka Sugablahi na. Eghuteuna mana jaola hata nogna famane glepo King Sedekaea, nei nodi nogna mae biꞌo mana re. Mana hata ne tei gobigna lepo igre Babilonia.

Fapea Kronikols 36:10

Kate gnafadi narane te reka nei nakhete teu igre, King Nebukadnesa chekedi nogna soldia re mala hata soruni Jehoakin Babilonia. Eghuteuna mare jaola hata tei glepo blahi gna nogna Sugablahi Lord. Aonu mana hata Sedekaea nebugna King Jehoakin mala king gna Juda Jerusalem.

Fapea Kronikols 15:16

Asa ne fagnafani kavegna mana Maka igne ka nogna sape nafnakno kuin, naugna naꞌa ne eni kaisei mumuju gaꞌase god Asera. Mumuju god igne diꞌa fara ka tathagna God. Eghuteuna mana kato soru mumuju igne ne koko lao ka khaꞌaghi ka glogu Kidron.

Fapea Kronikols 11:20

Ke leghu, king neke tolaghi ka Maka gragna mae Absalom, eghuteuna repa au fati thudi nalhaꞌu: Mae Abaeja, mae Atae, mae Sisa nei mae Selomit.

Fapea Samuel 9:7

Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”

Esra 5:14

Eghuteuna King Saeras neke tusu fapulo ka ghehati glepo blahi te mala loku ka Sugablahi teke horo mare ka gol nei silva. King Nebukadnesa neke hata fajifla glepo igre neke tei lilisei ka sugagna nogna god na Babilonia. Nu King Saeras neke hata fajifla glepo igre neke tusu lao ka mae Sesbasa, mae ihei te gavana ka nohi Juda.

Profet Jeremaea 50:35

Lord ne cheke eghu, “Iara ginauna atha naflahi, mala magra ka kantri Babilonia. Mae biꞌo te gnafa nei mae glalase te gnafa teu ka kantri Babilonia ginauna kafe lehe.

Profet Daniel 5:3

Aonu nogna mae gloku mana igre ne leghuni nogna cheke mae king igne ne hata ne mei kapu igre.

Profet Daniel 5:30

Nu ka bongi igne la, maedi Media mei ne faleheni mae Belsasa, king gna Babilonia.