Profet Daniel 5:18 - Buka Blahi Ka Cheke Holo

¹⁸ “Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 5:18 ပူးပေါင်းရင်းမြစ်များ

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Mae Khuru 26:19

“Naugna igne, ghema King Agripa, iara theome huhughuni unha teke thakle mei funugna kligna na.

Mae Khuru 26:13

Ghema King Agripa, farihotei aublatha, iara megei nga ne filoni kaisei naphae ka maloa na. Naphae tuana siasigla fara uluni naprai na ne siasigla faligoho ghau iara nei mae iheire teke tei balugu iara re.

Mae Khuru 7:48

“Nu God te au kligna na theome au ka suga te hohoro naiknore. Igne unha teke chekeni kaisei mae profet na,

Profet Daniel 6:22

Uve king, nogu God iara na neke kuru meini nogna engel na neke fofotho foflodi lion igre mala theome ghamu ghau iara, naugna iara neke theome eni kaisei najafra ka tathagna mana na. Eghuteuna iara jaola neke theome eni kaisei puhi te diꞌa ranghi nigho iagho.”

Profet Daniel 4:32

Eghuteuna mare ginauna brue fajifla nigho iagho ka namono igne mala tei au baludi gobigna lepo te tautagu ka namhata na are. Iagho ginauna ghamu buburu jateula buluka eghu nabagna fitu finogha. Iagho ginauna au fabrahu ka nakarha igne ghilei lase ghau iara iagho. Iara God mae ihei te fnakno kligna lahu te funei frunidi naikno te gnafa ka nauthoglu igne. Iara tangomana te tusu lao nolaghi ka mae ihei te mala mae king.”

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Lamentations 3:38

God mae ihei te haghe fara igne ngala te tangomana te cheke, eghuteuna glepo te keli ba puhi biꞌo teu igre ginau thoke mei.

Lamentations 3:35

God mae ihei te Haghe Fara igne laseni jame te hata fadelei mare nodi nolaghi keha naiknore,

Profet Jeremaea 27:7

Kantri te gnafa ka nauthoglu na igre ginauna au ke parigna nogna nolaghi mana. Eghuteuna ke leghu na, mare ginauna au ke parigna nogna nolaghi thugna mana na, eghuteuna ke leghu gna igne mare au ke parigna nogna nolaghi gragna mana na, na eghu fabrahu ghilei gnafa ka narane te vahini iara na. Ka narane igre, keha kantri te nheta fara ginauna tapla faparini Babilonia mala ke nodi naikno sneka mare.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Nodi Khoje Hatimare Mae Jiu 9:2

Iagho fagleꞌani fara nagnafagu iara na, iara ginauna koje kilo fnakno nigho. God, iagho te au nolaghi biꞌo ke klignadi gobigna lepo fateote'o.

Nodi Khoje Hatimare Mae Jiu 7:17

God na eni koba unha te doglo na, eghuteuna iara na cheke fakelini mana. Iara ginauna na koje ranghini Lord ka maloa kligna mala pala hagheni nanghagna mana na.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Fapea Kings 25:28

King Evil-Merodak ne keli ranghini mana ne pala hagheni mana uludi keha king teke au balugna mana Babilonia.

Profet Jeremaea 25:9

iara ginauna kilo meidi kantri ke raru are. Eghuteuna iara ginauna na jaola kiloni mae Nebukadnesa mae king gna Babilonia, mala mei roꞌeni Juda baludi namono te gnafa te au faligohoni namono tuana. Iara ginauna na roꞌeni kantri igne mala krogha fabrahu. Eghuteuna naikno te gnafa te mei salaꞌu ka vido igne ginauna jaglo nodi balu mhaghu, nei cheke fadiꞌadi eigna unha te eni mare na.

Profet Jeremaea 27:5

‘Ka nogu nolaghi biꞌo, iara neke vuavuha nauthoglu igne baludi naikno nei gobigna lepo fateote'o te au ke lamna gna. Eghuteuna iara tufa glepo igre ka ihei te vahini iara na.

Profet Esikiel 31:11

Uve, iara Lord God, tirogunihi mana, eghuteuna iara na snakre lao ka nodi king biꞌo keha kantri are mala parani fara mare eidi puhigna mana te diꞌa re.

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Profet Daniel 5:21

Naiknore neke khi fajiflani mana ka nogna suga na. Aonu gaoghathogna mana na jateula gaoghathodi glepo te tautagu ka namhata are eghu. Mana neke au balu dongki neke ghamu buburu jateula buluka neku. Eghuteuna mana neke thuru fabrahu farihotei glalaba, neke soru mei nakhete bongiro na ke kligna na. Mana neke au fabrahu jateula igne neku neke ghilei thoke mei narane te filo glani mana God mae ihei te fnakno kligna na, nei mae ihei te funei frunidi naikno te gnafa ka nauthoglu igne. Eghuteuna God na tangomana te vahini mae ihei te nabagna te mala king frunidi namono igre.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.