Profet Daniel 5:14 - Buka Blahi Ka Cheke Holo

¹⁴ King ne cheke eghu, “Uve, iara nomhini te tharungadi god te blahi ra au balumu iagho, eghuteuna gaoghatho te keli nei glalase biꞌo teuna jaola au ka iagho.

Profet Daniel 5:14 ပူးပေါင်းရင်းမြစ်များ

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Profet Daniel 2:22

God tangomana te fakakhana glepo te poru, nei glepo te theome lasedi gaoghathodi. Mana lasedi gobigna lepo te poru kate romno na, eghuteuna leuleghu fata na naphae na au faligohoni mana.

Profet Daniel 4:8

Ke leghugna igne, mae Daniel keha nanghagna na mae Beltesasa, (Bel teu igne nanghagna nogu god iara na) mei ne filo ghau iara, eghuteuna tharungadi god te blahi igre au balugna mana. “Iara ne toutonu ka mana gobigna lepo te filodi iara ka mifi igne ne cheke eghu ka mana,

Profet Daniel 5:13

Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Profet Daniel 5:15

Iara neke kilo meidi nogu mae glalase, nogu mae khaekae, nogu mae kastom tekure mala iu'iju cheke igre, eghuteuna mala rurutha ranghi ghau gaoghathodi grioriso igre neku. Nu theo kaisei mae ka mae igre te tangomana ni na.

Profet Daniel 6:3

King ne filoni nogna gloku mae Daniel na thofno keli fara uludi nodi gloku keha phei mae funei te loku balugna mana igre, ba mae minista te gnafa igre. Aonu mae king ne ghaoghatho mala vahini mae Daniel te mala kaisei mae funei biꞌolahu ka kantri igne.

Jenesis 41:15

Mae king ne cheke eghu ka mae Josep, “Iara neke mifi. Nu theo kaisei mae te tangomana te ruruthani ka iara u gaoghathogna u mifi igne na. Te nomhini iara na iagho tangomana te rurutha gaoghathodi nodi mifi mae iheire te mei te toutonu ka iagho re teu signe.”