Profet Daniel 5:13 - Buka Blahi Ka Cheke Holo

¹³ Aonu mare tei ne hatani mae Daniel ne mei ka king. Eghuteuna king ne cheke eghu ka mana, “Iagho si mae Daniel teke hata mae kuꞌegu iara King Nebukadnesa teke mei funu Juda na ia?” Aonu mae Daniel ne cheke eghu ka mana, “Uve, iara ngala.”

Profet Daniel 5:13 ပူးပေါင်းရင်းမြစ်များ

Profet Daniel 6:13

Aonu mare ne cheke eghu ka mana, “King, filo sagho. Mae Daniel, maegna Juda igne mana theome leghuni nou cheke iagho na. Eghuteuna mana jaola theome leghudi vetula teke lilisei iagho ra. Leuleghu fata na mana tarai koba ka nogna God thegna na thilo fata ke lamnagna kaisei narane.”

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Profet Daniel 2:25

Aonu mae Ariok ghosei ne hatani mae Daniel ne tei ka King Nebukadnesa, ne cheke eghu ka mana, “King, iara hata mei ka iagho maegna Juda igne. Mae igne tangomana te rurutha gaoghathogna nou mifi iagho na!”

Jone 7:3

Aonu, mae thabusigna mae Jisas re ne cheke eghu ka mana, “Ghema, jifla sagho tei Judia mala filodi naikno te leghu nigho re kofubobhoi te edi iagho are eghu.

Esra 10:16

Aonu mare ne eni unha te chekeni hatimare mae lida igre, eghuteuna Pris Esra ne vahidi mae iheire te phaꞌudi tharaknadi mare te gnafa re ne rioriso soru nanghadire. Aonu ka narane ululahu ka fabotho nhigra, mare ne faidu mala lasedi mae iheire te tolaghi ka gaꞌase bongihehedi keha kantri re. Eghuteuna ka narane ululahu ka nhigra ululahu gna finogha majaghani na, mare ne eni fahui gloku igne.

Esra 6:16

Mae pris baludi mae Livaet nei keha naiknodi Israel eghu iheire teke pulo mei funudi Babilonia, mare ne fablahi nogna Sugablahi God igne. Naiknore ne thofno glealeꞌa fara, eghuteuna mare ne ei gaghamu ka narane biꞌo igne.

Esra 4:1

Nodi naoka naiknodi Juda nei Benjamin teu igre mare nomho thoutonu eidi naiknore teke pulo mei funudi Babilonia, eghuteuna mare kela fufunu babana fapulo nogna Sugablahi Lord nodi God maedi Israel.

Jone 7:1

Ke leghugna igne, mae Jisas neke teitei ke lamnagna Provins Galili. Mana ne tirogna teitei ka Provins Judia, naugna mae biꞌodi mae Jiu te au jare re ne ofo mala faleheni mana.

Profet Daniel 8:27

Iara ne diꞌanagnafagu fara ne fogra keha narane kate nomhini igne, eghuteuna ke leghudi phei ba thilo narane ke leghugna igne, iara neke keli fapulo. Kate ke ghaota fapulo na, iara kegra haghe neke figri ka gloku teke tusu ranghi ghau king. Neuba, kate loku na iara ghathoni fabrahu mifi igne, nu iara theome raꞌe lase fakelini kolho gaoghathogna na.

Profet Daniel 8:1

Ka fatilo finogha te funei fruni King Belsasa igne, iara ne filoni fapea mifi na.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 5:2

Kate koꞌu mare na, king ne chekedi nogna mae glokure mala hata mei kapu teke horo ka gol nei silva teku teke hata mae kuꞌegna mana King Nebukadnesa ka nogna Sugablahi God ka namono Jerusalem. King Belsasa magnahaghei te hata te mei kapu igre mala koꞌu waen baludi nogna funeire. Mana ne koꞌu waen baludi khetogna nei keha khetogna teure, nei hatimare mae biꞌo balu khetodi.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.

Profet Daniel 1:21

Mae Daniel ne loku ka sugagna king na ne ghilei posani finogha ululahu te King mae Saeras gna Pesia igne te funei frunini Babilonia.

Esra 10:7

Hatimare mae lida igre ne fatei cheke ka vido te gnafa Jerusalem nei ka keha vido aheva te au ka nohi Juda, mala chekedi mei iheire teke pulo mei funudi Babilonia, mare mala mei ka kaisei faidu Jerusalem.

Profet Daniel 1:1

Ka fatilo finogha te funei King Jehoakim ka kantri Juda igre, mae Nebukadnesa king gna Babilonia igne ne haghe balu nogna armi na ne bara ligohoni namono biꞌo Jerusalem.

Profet Daniel 1:2

God neke snakreni king Nebukadnesa neke uluni King Jehoakim. Aonu King Nebukadnesa ne hata famane glepo teke mala loku mare ka sugagna God na. Mana hata glepo ka sugagna God na igre ne tei nhaꞌa fodu baludi nogna gobigna lepo te keli thegnare ka sugagna nogna god thegna na.

Profet Daniel 5:14

King ne cheke eghu, “Uve, iara nomhini te tharungadi god te blahi ra au balumu iagho, eghuteuna gaoghatho te keli nei glalase biꞌo teuna jaola au ka iagho.

Profet Daniel 1:6

Aonu mae Aspenas ne vavahi keha mae baludi fati mae majaghani di Juda igre: mae Daniel, mae Hananaea, mae Misael nei mae Asaraea.