Profet Daniel 4:9 - Buka Blahi Ka Cheke Holo

⁹ Beltesasa, iagho phaꞌudi mae glalase te gnafa ra. Iara laseni tharungadi god te blahi igre au balumu iagho, eghuteuna theo kaisei glepo te poru ka iagho na. Eghume, igne nogu mifi iara na, iara magnahaghei nigho iagho te rurutha gaoghathogna mifi igne.

Profet Daniel 4:9 ပူးပေါင်းရင်းမြစ်များ

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.

Profet Daniel 4:8

Ke leghugna igne, mae Daniel keha nanghagna na mae Beltesasa, (Bel teu igne nanghagna nogu god iara na) mei ne filo ghau iara, eghuteuna tharungadi god te blahi igre au balugna mana. “Iara ne toutonu ka mana gobigna lepo te filodi iara ka mifi igne ne cheke eghu ka mana,

Profet Daniel 4:5

Nu kaisei fata kate thuru teu iara na, iara ne filoni kaisei mifi. Kate filoni mifi igne iara ne thono mhaghu nogu fara.

Profet Esikiel 28:3

Uve, iagho lalase fara salaꞌuni mae Danel, eghuteuna theome tangomana kaisei glepo te poru ka iagho na.

Jenesis 41:38

Eghuteuna mae king ne cheke eghu ka hatimare mae ofisa re, “Tharunga gna God na au ka mae igne. Iara theome filoni kaisei mae te nabagna te mala hata u gloku igne na.”

Profet Daniel 4:18

“Aonu mae King Nebukadnesa ne cheke eghu, ‘Ghema Beltesasa, igne nogu mifi iara na. Iagho rurutha mei gaoghathogna na. Naugna theo kaisei mae glalase ka kantri igne te tangomana te rurutha gaoghathogna na. Jame iagho ngala te tangomana te rurutha gaoghatho gna na, naugna tharungadi god te blahi igre au balumu iagho.’ ”

Profet Isaia 54:14

Puhigu iara te doglo na ginauna farheta ghami ghotilo. Eghuteuna theo kaisei naikno nate para ghami nei famamhaghu ghami teu ghotilo na.

Profet Isaia 33:18

Ghotilo ginauna theome mhaghudi mae naoka nate funei fruni ghami, nei huhuru ghami mala foli takis teu are.

Ululahu Samuel 4:8

Nodi God mare igne au nogna nolaghi! Mae ihei gne te tangomana nate hata fajifla ghita ka nogna nolaghi mana na? Igne ngala god mae ihei teke kuru mei puhi biꞌo teke falehedi maedi Ijep ka namono nagou ia.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Profet Esikiel 17:23

Iara ginauna joꞌu ke kligna gna nodi thogele mae Israel, aheva nate ure ka grege gnare. Uve, ginauna na kaisei famane gaju sida. Kmana nafnata nanghaji ginauna mei au ka gaju igne mala horo nodi gnoku, eghuteuna reꞌe ginauna poru ke lamnadi gregegnare.