Profet Daniel 4:4 - Buka Blahi Ka Cheke Holo

⁴ King Nebukadnesa ne cheke eghu, “Iara au fakeli ka nogu suga na, eghuteuna iara au nogu kmana glepo te magnahaghedi iara re.

Profet Daniel 4:4 ပူးပေါင်းရင်းမြစ်များ

Profet Sefanaea 1:12

Ka Narane tuana, iara ginauna hata juta mala tei hiro ke lamnagna namono biꞌo Jerusalem. Iara na jaola paradi naikno te rouronu kolho ka nodi nanheta thedi te cheke eghu igre, ‘Lord na fiti au nogna kolho, theome eni kaisei glepo te keli te mala togho ghita tahati na, ba eni kaisei glepo te diꞌa te mala para ghita tahati.’

Profet Esikiel 29:3

Iagho cheke ka mare te iara Lord God te cheke eghu igne: “ ‘King gna Ijep! Iara nou naoka iagho. Iagho jateula kaisei nasava biꞌo te thuru teu ka phesigna Khoꞌu biꞌo Nael ia eghu. Eghuteuna iagho cheke eghu koba, “Khoꞌu biꞌo igne nogu iara! Iara neke eni malagu thegu!”

Profet Esikiel 28:17

Iagho fahaehaghe fara naugna iagho famane fara fifilomu na, eghuteuna puhimu iagho te fahaehaghe igne goigonini nou glalase iagho na. Naugna puhi igne, iara na koko soru nigho iagho pari, eghuteuna keha mae funei nei mae king teu igre mare tangomana nate filo fapari nigho iagho na.

Profet Jeremaea 48:11

“Lord ne cheke eghu, Leuleghu fata na naiknodi Moab igre au fakeli nodi koba, neke theome tei sosolo ka keha kantri delei. Kantri igne au muana jateula waen te theome totoho kasa ka keha botol ra eghu kate enigna waen na. Aonu maimani gna nei sisiri gna teuna thofno keli fara.

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Daniel 2:11

Glepo te toreni iagho igne thofno ninhigrana fara! Theo kaisei naikno te tangomana te eni igne. Jame keha god are te tangomana na, nu god igre theome au baluda tahati.”

Profet Daniel 5:8

Kate mei mae glalase gre te filoni grioriso igne, theo kaisei mae ka mare te tangomana te iu'ijuni grioriso igne, ba tangomana te rurutha gaoghathogna na ranghini king.