Profet Daniel 4:30 - Buka Blahi Ka Cheke Holo

³⁰ Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Daniel 4:30 ပူးပေါင်းရင်းမြစ်များ

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Thakle 18:10

Mare ginauna kegra delei kolho, naugna mare mhaghuni fara papara te thokeni namono igne. Eghuteuna mare ginauna cheke eghu, “Icho idomi, puhi biꞌo na mei ka ghotilo naikno te au Babilon! Ghotilo te au ka namono biꞌo te nolaghi nei dedei fara, nu ka katha vido kolho te thoke ghami ghotilo papara na.”

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Profet Esikiel 29:3

Iagho cheke ka mare te iara Lord God te cheke eghu igne: “ ‘King gna Ijep! Iara nou naoka iagho. Iagho jateula kaisei nasava biꞌo te thuru teu ka phesigna Khoꞌu biꞌo Nael ia eghu. Eghuteuna iagho cheke eghu koba, “Khoꞌu biꞌo igne nogu iara! Iara neke eni malagu thegu!”

Thakle 16:19

Aonu namono biꞌo Babilon na ne fnota ka thilo vido. God ne ghathodi nakhibo te gnafa teke edi naiknodi Babilon re. Aonu mana ne paradi fara naiknore. Eghuteuna keha namono te gnafare ka nauthoglu igne jaola ne phaꞌe soru pari.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”

Nodi Khoje Hatimare Mae Jiu 73:8

Mare maꞌedi naikno te doglo puhidire, eghuteuna mare chekedi ngala glepo te diꞌare. Mare thono fahaehaghedi fara, eghuteuna mare loku ka majora na malagna te goigonidi keha naiknore.

Nodi Khoje Hatimare Mae Jiu 49:20

Leghu lahu na naikno na theome tangomana nate rikhani u glehe na. Uve, mana ginauna na lehe jateula bosu eghu kolho.

Thakle 18:21

Aonu kaisei engel te nolaghi na ne hata kaisei thina biꞌo ne koko soru ka thongna na ne cheke eghu, “Babilon, iagho namono biꞌo. Ka puhi jateula igne eghu kolho, mare ginauna koko soru nigho mala luvu fabrahu kolho iagho.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Nodi Khoje Hatimare Mae Jiu 104:1

Leuleghu fata na iara magnahaghei te cheke fakelini Lord! Iagho nogu Lord God. Iagho te fnakno fara. Iagho kegra funei ka nou nafnakno nei ka nou nolaghi.

Nogna Buka Esta 1:4

Gaghamu biꞌo igne hata nabagna namno nhigra thongana. Eghuteuna ka narane igre King Sekses ne fakakhana ka mae funei te gnafa igre nogna dedei nei nogna nafnakno nei nogna famane suga biꞌo teure.

Jenesis 10:10

Fati namono biꞌo te funei frunidi mana re, Babel, Erek, Akat nei Kalneh. Fati namono biꞌo igre au jare Babilonia.

Thakle 14:8

Aonu fapea engel na leghuni engel ulu lahu na ne cheke eghu, “Namono biꞌo Babilon te fnakno ia la groꞌehi! Naꞌa la diꞌahi! Puhidi naiknogna namono Babilon te gnognoro fara ra jaola khasidihi naikno ka namono te gnafare la theome doglo ka puhidire.”

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Profet Isaia 13:19

Namono Babilonia igne famane fara salaꞌudi keha namono biꞌo ka nauthoglu igne, eghuteuna naikno gna namono igne fahaehagheni fara nodi namono na. Nu Lord ginauna roꞌeni namono biꞌo igne jateula Sodom ghe Gomora tifa ra eghu.

Profet Daniel 4:31

Kate cheke teu mana igne, mana ne nomhini kaisei cheke ne mei funu kligna, ne cheke eghu, “King Nebukadnesa, fanomho mei ka nogu cheke iara igne. Iara ginauna hata fadelei nogna nolaghi king na ka iagho.

Profet Habaku 1:11

Kate ruma lamna na, mare goigoni salaꞌui jateula saeklon te goigonidi gobigna lepora eghu. Mae igre thofno diꞌa fara salaꞌui puhidire, naugna mare fatutuani kolho ka nodi nolaghi thedi. Igne ngala te jateula nodi god teu mare na.”

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Luku 14:9

Mana ginauna cheke eghu ka iagho, ‘Ghema kheraguo, iagho jifla ka sape igne mala ke mei gnokro mae igne.’ Aonu iagho ginauna mamaja nou fara kate tugha faleghu te gnokro ka sape leghu lahu na.