Profet Daniel 4:27 - Buka Blahi Ka Cheke Holo

²⁷ Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Profet Daniel 4:27 ပူးပေါင်းရင်းမြစ်များ

Profet Jona 3:9

Jame te eghu tahati na, glahu kokhoni ghita God, eghuteuna mana ginauna na tughu gaoghathogna na theome diꞌatagna ka tahati, eghuteuna mana ginau na theome falehe ghita.”

Mae Khuru 8:22

Eghume, kulu tughu nagnafa ghu sagho! Koko puhi diꞌa te edi iagho are. Eghuteuna tarai ka Lord. Mana jame tangomana te hata fadelei gaoghatho te diꞌa tuana ka iagho.

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Galesia 5:13

Uve kheraguro, God neke kilo ghami ghotilo mala au snagla! Theome snagla mala eni ghotilo kaisei najafra, nu snagla mala namha nei fari totoghoi eghu.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Matiu 3:8

Koko si ghotilo puhimi te diꞌare mala jateula sisi te keli eghu nakarhami re fagaglana gna nakarha majaghani na.

Profet Esikiel 18:7

Mana theome tangomana te parani ihei na. Mana theome tangomana teke loku faleghu kaisei glepo teke lilisei ihei balugna mana mala enighu kaisei nogna glepo teku mana na. Ka teke hata fapulo mae igne unha teke nogna mana re, mana ke tusu fapulo unha teke au balugna mana re. Mana theome tangomana te blau na. Mana tangomana tufa gano ka ihei te theo ghegna gano na, eghuteuna tangomana te tufa pohe ka ihei te theo nogna pohe na.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Ululahu Kings 21:29

“Ba, iagho filoni King Ehab tela nhaꞌa faparini thegna gognarogne? Naugna tela nhaꞌa faparini thegna mana ke ulugu iara igne, iara ginauna theome eni kaisei puhi biꞌo mala thokeni mana kate karha teu mana na. Nu puhi biꞌo igne ginauna thokedi vikegna manare ka narane te king thugna mana na.”

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Fapea Korin 5:11

Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Profet Joel 2:14

Jame te figri mei ghotilo ka Lord noda God na, mana tangomana teke tughu gaoghatho teke kokhoni ghita, nei fablahi ghita teu te mala ke kmana gheda gano na. Eghuteuna tahati ginauna tangomana teke fafara gano nei waen teu ka Sugablahi igne.

Diutronomi 24:13

Leuleghu narane na, ghotilo hata fapulo pohe igne ka mana grafiro, mala totoku mana kate thuru na. Jame te eghu na, mana ginauna glealeꞌa ka iagho. Eghuteuna Lord ginauna filoni puhimi ghotilo te doglo fara na.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Profet Jeremaea 38:20

Mae Jeremaea ne cheke eghu, “Mare ginauna theome lisa lao nigho iagho ka khamedi mare. Nu igne unha te chekeni iara ka iagho na, jame te leghuni iagho nogna cheke Lord te chekeni iara igne na, iagho ginauna karha.

Jenesis 11:4

Aonu mare ne cheke eghu fari thedi, “Tahati na eni kaisei noda namono biꞌo nei kaisei suga brahu agne. Suga igne mala brahu tei posa ke klignadi khoveo ka maloa na are. Jame te eni tahati igne na, naikno gnafa ka nauthoglu igre ginauna na fafnakno ghita eigna unha te eni tahati igne. Eghuteuna ginauna na theo kaisei naikno nate mei te roꞌe ghita tahati na, te mala thofa tafri tahati heva heva ke lamna gna nauthoglu igne na.”

Diutronomi 8:17

Eghume ghotilo fiofilo ghami, glahu ne nomi nanheta themi kolho te jateula na dedei teuna eghu ghotilo gaoghathomi na.

Diutronomi 32:27

Nu iara laseni jame te eni iara igne na, nomi naoka ghotilore ginauna cheke fadiꞌa eghu ghau iara, “Ghehati neke uludi naiknodi Israel ka nomi nolaghi themi, Lord neke theome togho ghami ghehati neke uludi mare!” ’

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Profet Isaia 10:13

King igne ne cheke eghu fabrahu, “Ka nogu nolaghi nei glalase eghu iara thegu, iara ne uludi keha kantri igre ka magra. Eghuteuna iara jaola tuthugha nodi nohidi keha kantri igre mala nogu namono iara gognarona. Eghuteuna gognarona iara hatahi nodi gobigna lepo mare re. Iara nheta fara jateula kaisei buluka nalhaꞌugna neu ne uludi king di keha kantri are.

Profet Isaia 47:8

“Fanomho mei ka cheke igne, leuleghu fata na iagho magnahaghei glepo fara nei ghathoni kolho te mala au fakeli themu na. Iagho cheke eghu, ‘Iara jateula God eghu, theo kaisei naikno te jateula iara teuna. Gaoghatho iagho igne jateula kaisei naikno biꞌo te theome laseni nate lehe khetogna na, ba nate lehe thugnare teu ia eghu kolho.’

Profet Isaia 47:10

Te ghathoni iagho na, puhimu te diꞌa tuare ginauna togho nigho mala au rheta, eghuteuna theo kaisei naikno nate filo glanidi unha te edi iaghore eghu. Kmana nou nafnata glalase nei kmana nafnata glepo eghu te fodu ka gaoghathomu na, ne cheke eghu, ‘Iara jateula God eghu, theo kaisei naikno te jateula iara teuna.’

Profet Esikiel 29:3

Iagho cheke ka mare te iara Lord God te cheke eghu igne: “ ‘King gna Ijep! Iara nou naoka iagho. Iagho jateula kaisei nasava biꞌo te thuru teu ka phesigna Khoꞌu biꞌo Nael ia eghu. Eghuteuna iagho cheke eghu koba, “Khoꞌu biꞌo igne nogu iara! Iara neke eni malagu thegu!”

Profet Esikiel 29:9

Uve, Ijep gne ginauna na kaisei namono nagou kolho, eghuteuna theo kaisei naikno nate au tagna na. Eghume mare ginauna thofno laseni te iara Lord. “ ‘Iagho cheke eghu, “Khoꞌu biꞌo igne nogu iara! Iara neke eni malagu thegu!”

Profet Emos 6:13

Leuleghu fata na ghotilo chekeni koba ne ulunihi namono Lodeba ka magra teuna. Eghuteuna ghotilo cheke fahaehaghe eghu koba, “Ghehati hatahi namono Kanaim ka nomi nanheta themi.”

Profet Habaku 1:11

Kate ruma lamna na, mare goigoni salaꞌui jateula saeklon te goigonidi gobigna lepora eghu. Mae igre thofno diꞌa fara salaꞌui puhidire, naugna mare fatutuani kolho ka nodi nolaghi thedi. Igne ngala te jateula nodi god teu mare na.”

Profet Sefanaea 2:15

Igne unha nate thoke mei ka naikno te au ka namono biꞌo Ninive. Eigna naikno te au ka namono igne cheke fahaehaghe eghu koba, “Namono tahati igne kaisei namono ulu fara ka keha kantri igre!” Nu theo eghu. Naugna namono te ulu tuana ginauna groꞌe theo tokagna. Eghuteuna namono tuana ginauna mala nodi namono buluka, nei sipu, nei nanigot, nei nanghaji, nei gobigna lepo te tautagu igre kolho. Eghuteuna iheire te mei filoni igne ginauna mhaghu nodi fara na suaraghi faleghu.