Profet Daniel 4:26 - Buka Blahi Ka Cheke Holo

²⁶ Iagho neke nomhini engel igne teke cheke mala lilisei au pikhugna gaju igne teku na. Uve, igne gaoghathogna na: Kate laseni iagho te kaisei God ngala mae te funei frunidi gobigna lepo fateote'o teuna, God ginauna hata fapulo nigho ka sapegna king.

Profet Daniel 4:26 ပူးပေါင်းရင်းမြစ်များ

Profet Daniel 4:15

Nu pesi gna gaju igne ngala te lilisei teu ghotilo na. Eghuteuna ghotilo hata keha ring aean nei bras mala reri famaku ka pikhu tuana, lisa laoni mana mala au fari hotei buburu. “ ‘Ghotilo lisa lao ka vido tuana mala soru mei nakhete bongiro ke kligna gna, eghuteuna lisa laoni mala au ka buburu balu buluka.

Luku 15:21

“Mae thugna na ne cheke eghu, ‘Mama, iara la jafra ranghini God nei jafra ranghi nigho iagho. Iara theome nabagu te kilo ghau thumu.’

Luku 15:18

Iara ginauna nake jifla ke pulo ka mama. Iara ginauna na cheke eghu ka mana: Mama, iara la jafra ranghini God nei jafra ranghi nigho iagho.

Matiu 21:20

Mae fanomhore filoni igne ne jaglo nodi fara. Mare ne cheke eghu ka mana, “Ne faꞌunha site ghosei te brango soru gaju ignea?”

Matiu 5:34

Nu te chekeni iara ka ghotilo gognarona, thosei nhaꞌa cheke ka kaisei unha nga eghu. Thosei nhaꞌa cheke kligna, naugna kligna na namono mala au gna God mae King.

Profet Daniel 4:23

“Eghuteuna engel te filoni iagho igne neke mei funu kligna neke cheke eghu, ‘Ghotilo kato soru gaju igne, nu pikhugna nei glathigna teure mala au fari hotei buburu. Eghuteuna ghotilo hata kaisei ring aean nei bras eghu mala reri ka pikhugna na. Lisa laoni mala soru mei nakhete bongiro ke kligna gna, eghuteuna mana mala au balu buluka nabagna fitu finogha.’

Profet Daniel 2:37

King, iagho fnakno fara salaꞌudi keha king igre. God gna kligna igne neke vahi nigho iagho mala king neku, eghuteuna mana neke tusu ari ka iagho nolaghi.

Profet Daniel 2:18

Mana ne cheke eghu ka thilo mare, “Tahati na toreni God gna kligna mala kokhoni ghita, nei mala fakakhana mei ranghi ghita mifi igne balu gaoghatho gna na mala theome falehe ghita baludi keha mae glalasedi Babilonia igre.”

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Profet Daniel 4:31

Kate cheke teu mana igne, mana ne nomhini kaisei cheke ne mei funu kligna, ne cheke eghu, “King Nebukadnesa, fanomho mei ka nogu cheke iara igne. Iara ginauna hata fadelei nogna nolaghi king na ka iagho.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Daniel 5:20

Nu mae kuꞌemu iagho igne kaisei mae fahaehaghe fara, eghuteuna patugama fara, eghuteuna mana paradi koba naiknore. Naugna igne, God neke hata fadelei ka mana nolaghi te mala funei frunidi naiknore. Eghuteuna theo kaisei naikno te ghatho tahuni mana na.

Profet Daniel 5:21

Naiknore neke khi fajiflani mana ka nogna suga na. Aonu gaoghathogna mana na jateula gaoghathodi glepo te tautagu ka namhata are eghu. Mana neke au balu dongki neke ghamu buburu jateula buluka neku. Eghuteuna mana neke thuru fabrahu farihotei glalaba, neke soru mei nakhete bongiro na ke kligna na. Mana neke au fabrahu jateula igne neku neke ghilei thoke mei narane te filo glani mana God mae ihei te fnakno kligna na, nei mae ihei te funei frunidi naikno te gnafa ka nauthoglu igne. Eghuteuna God na tangomana te vahini mae ihei te nabagna te mala king frunidi namono igre.