Profet Daniel 4:24 - Buka Blahi Ka Cheke Holo

²⁴ “King Nebukadnesa, igne gaoghathogna nou mifi iagho na. God mae ihei te fnakno kligna lahu igne, mana neke fakakhana unha nate thoke mei ka iagho na.

Profet Daniel 4:24 ပူးပေါင်းရင်းမြစ်များ

Nodi Khoje Hatimare Mae Jiu 107:40

Nu kate eni mare igne na, Lord na ne kakhana nogna nolaghi na ka mare eigna mana te theome magnahaghedi mare te goigoni ghita tahati na. Aonu mana neke fanonolodi mare ka namono nagou na, eigna jare na theo kaisei nabrou te mala leghui na.

Profet Daniel 4:17

Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Profet Isaia 23:9

Lord mae ihei te au nolaghi fateote'o igne mana au nogna gaoghatho te mala fagnafani nomi puhi fahaehaghe ghotilo igne. Eghuteuna ghotilo nhaꞌa fapari ghami ka puhi te ghatho tahu ghami kolho themi igne. Mana eni igne mala mamaja nomi ghotilo.

Nodi Khoje Hatimare Mae Jiu 148:6

Mana neke lisei sorudi ka vido te mala audi te tifa te tifa na. Nei mala thosei ke tughu vido.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Thoutonu Eigna Mae Job 20:29

Igne kaisei taba te tarabana teu God te mala tusu lao ka naikno te diꞌa na.”

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 20:28

Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.