Profet Daniel 4:19 - Buka Blahi Ka Cheke Holo

¹⁹ Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Daniel 4:19 ပူးပေါင်းရင်းမြစ်များ

Profet Daniel 8:27

Iara ne diꞌanagnafagu fara ne fogra keha narane kate nomhini igne, eghuteuna ke leghudi phei ba thilo narane ke leghugna igne, iara neke keli fapulo. Kate ke ghaota fapulo na, iara kegra haghe neke figri ka gloku teke tusu ranghi ghau king. Neuba, kate loku na iara ghathoni fabrahu mifi igne, nu iara theome raꞌe lase fakelini kolho gaoghathogna na.

Profet Daniel 7:28

“Igne ngala thoutonu eigna mifi teke filoni iara na. Uve, iara neke mhaghu nogu fara neke nhogri tathagu nei foflogu teu gre. Eghuteuna iara neke ghathodi fabrahu glepo igre ka gaoghathogu na.”

Profet Daniel 4:24

“King Nebukadnesa, igne gaoghathogna nou mifi iagho na. God mae ihei te fnakno kligna lahu igne, mana neke fakakhana unha nate thoke mei ka iagho na.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Ululahu Samuel 3:17

Eghuteuna mae Eli ne cheke eghu ka mana, “Unha te chekeni Lord ka iagho na? Iagho thosei poruni kaisei cheke ka iara. Jame te pophoru iagho keha cheke ka iara na, God ginauna para nigho iagho.”

Profet Daniel 7:15

“Kate filodi iara glepo igre ka mifi igne iara diꞌa nagnafagu fara ne theome thuru.

Profet Daniel 5:12

Naugna mae igne thofno lalase fara salaꞌudi keha mae glalase igre. Mae igne au nogna glalase biꞌo te mala rurutha gaoghathodi mifi igre. Eghuteuna mana jaola filo glanidi gaoghathodi faghusna te edi naiknore. Mae igne nanghagna na, Daniel. Eghuteuna tifa na King Nebukadnesa neke kiloni mana, Beltesasa. Chekedi sagho keha mae mala tei hata meini agne mala rurutha mana gaoghathogna grioriso igne.”

Profet Daniel 2:26

King ne ghusna eghu ka mae Daniel, “Beltesasa, iagho tangomana te cheke meini nogu mifi iara igne balu gaoghathogna?”

Profet Daniel 1:7

Mana ne nhaꞌa lao nangha majaghani ka mare. Mae Daniel gne mana ne kiloni mae Beltesasa, mae Hananaea gne mana ne kiloni mae Sadrak, mae Misael gne mana kiloni mae Misak, eghuteuna mae Asaraea gne mana ne kiloni mae Abenegho.

Profet Jeremaea 29:7

Iara neke kuru tei ghami ghotilo ka namono te au ghotilo tuana. Eghume, ghotilo loku heta mala toghoni namono biꞌo tuana mala au fakeli. Ghotilo mala tarai ka iara Lord, eghuteuna iara ginauna fablahini namono tuana. Naugna, jame te au fakeli ghotilo ka namono tuana na, ghotilo ginauna na jaola au fakeli nei jaola au nomi kmana glepo eghu.

Ululahu Kings 18:7

Kate nolo te tei na, mae Obadaea ne thafoni profet Elija. Eghuteuna mae Obadaea ne filo glani ni mana, eghuteuna mae Obadaea pogho soru pari ne ghusna eghu, “Iagho nogu mae funei iara mae Elija ngala sia?”

Ululahu Samuel 26:15

Mae Devet ne eha eghu fabiꞌo fara, “Ghema Abna! Iagho kaisei nodi mae biꞌo hatimare mae Israel! Naugna unha sagho te theome reireghi fakelini nou mae funei gnea? Kaisei mae neke ruma ka nomi suga ghotilo ana mala faleheni mae king neku.

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na

Ululahu Samuel 1:15

Nu naꞌa ne cheke eghu, “Mae biꞌo, iara theome dranga. Iara theome ko'u waen ba beer. Iara diꞌa nagnafagu fara, eghume iara tarai ka Lord. Iara cheke fajifladi unha te fadiꞌa nagnafa ghau gne.

Eksodas 32:32

Neuba, iara tore nigho iagho mala atha koko nakhibodi naikno re. Nu jame te theo na, uve, iara tore nigho iagho mala ghiha koko nanghagu iara na ka buka teke rioriso nanghadi nou naikno iagho re ke lamnagna.”

Jenesis 32:18

Aonu iagho ginauna na cheke eghu ka mana, ‘Tothoghei glepo igre nogna nou mae gloku iagho, Jekop. Mana famei glepo igre jateula nogna namha eghu mana ka iagho, mae funei. Mae Jekop na thoghei mei ke leghu jare!’ ”

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Jenesis 40:12

Mae Josep ne cheke eghu ka mana, “Uve, igne u gaoghathogna nou mifi iagho na. Thilo grege igre eidi thilo narane.

Profet Daniel 2:37

King, iagho fnakno fara salaꞌudi keha king igre. God gna kligna igne neke vahi nigho iagho mala king neku, eghuteuna mana neke tusu ari ka iagho nolaghi.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 5:19

Mana neke kaisei mae biꞌo fara. Eghuteuna naikno ka kantri te gnafa, ka kokholo te gnafa nei ka cheke te gnafa teu igre neke mhaghuni mana. Jame te magnahaghei faleheni ihei na, mana ginauna faleheni naikno tuana. Jame te magnahaghei fakarhini ihei na, mana ginauna fakarhini naikno tuana. Mana au nogna nolaghi te mala nhaꞌa hagheni ihei, ba te mala nhaꞌa faparini ihei.