Profet Daniel 4:17 - Buka Blahi Ka Cheke Holo

¹⁷ Igne nomi gaoghatho ghehati mae engel re. Ghehati magnahaghedi naikno ka namono te gnafa ka nauthoglu igne te laseni God mae ihei te fnakno nei funei frunidi naikno te gnafa ka nauthoglu igne. Mana tangomana te hata fadelei nogna nolaghi king na te tusu lao ka mae ihei te vahini mana te mala funei frunidi nogna naiknore, neuba mae igne ne kaisei mae nafnakno ba theo.’

Profet Daniel 4:17 ပူးပေါင်းရင်းမြစ်များ

Profet Daniel 4:25

Naiknore ginauna brue fajifla nigho iagho. Eghuteuna iagho ginauna tei au baludi buluka, sipu, nanigot nei hose teu mata are nabagna fitu finogha mala ghamu buburu jateula buluka eghu. Eghuteuna iagho ginauna na thuru kosi fari hotei glalaba, eghuteuna nakhete bongiro ginauna soru mei ke klignamu. Iagho ginauna eghu fabrahu ghilei filo glani iagho God mae ihei te fnakno kligna lahu igne. Eghuteuna Mana funei frunidi naikno te gnafa heva heva ka nauthoglu igne. Eghume, God igne ngala mae ihei te tangomana te tusu lao nolaghi ka mae ihei te mala mae king na.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Profet Daniel 11:21

Mae igne neke cheke eghui ka iara, “Aonu, kaisei mae ginauna kegra king ka kantri Siria. Mae igne kaisei mae thono diꞌa fara puhigna na. Eghuteuna mana jaola theo nogna nolaghi te mala funei frunidi naiknore. Nu mana ginauna edi kmana nafnata cheke chaichaghi nei fahaehaghe eghu mala kegra king ka vido narane te theome tangomana kaisei naikno te laseni.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Profet Esikiel 25:17

Iara ginauna paradi naikno igre mala ke tughu fapulo glepo te diꞌa teke edi mare igre, mala haimini mare nolaghi te diꞌatagu iara na. Eghuteuna kate paradi iara na mare ginauna laseni te iara Lord God.’ ”

Profet Esikiel 7:24

Iara ginauna snakredi mae te diꞌa puhidi ka keha kantri are mala mei hata nodi namono nogu naikno iara re. Eghuteuna mae te nheta fara te fahaehaghedi are, ginauna theo nodi nolaghi. Mae naoka ginauna fachara ka nodi vido mala tarai mare re.

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Profet Isaia 6:8

Aonu Lord God ne cheke eghu, “Ihei nate kuruni iara na? Eghuteuna ihei nate tei toutonuni chekegu iara na?” Iara ne cheke eghu, “Iara au teu ao! Kuru tei ghau iara!”

Nodi Khoje Hatimare Mae Jiu 12:8

Naikno te diꞌa igre au tafriu ngala ka vido igre, mare ediu ngala puhi te diꞌare. Eghuteuna naikno te diꞌa re gaoghathodi na glepo te diꞌa igre ngala glepo te keli re eghu.

Fapea Kronikols 28:22

Kate au ka puhi biꞌo na, King Ehas ne theome fatutuani ka Lord ne edi kmana puhi te diꞌa.

Letas Teke Riso Tei Mae Pol Ka Khiloau Rom 13:1

Ghotilo te gnafa na mala leghudi hatimare mae biꞌo ka gavman, naugna theo kaisei naikno te au nolaghi te mala funei frunidi naiknore jame te theome snakredi God na. Mae biꞌo igre God neke vahidi nei liliseidi ka sape aheva mare te mala funei frunidi naiknore.

Nodi Khoje Hatimare Mae Jiu 103:19

Lord, mae ihei te gnokro teu ka sape nafnakno kligna na, mana ngala te funei frunidi gobigna lepo te au ka nauthoglu igne ba ka maloa kligna.

Profet Daniel 4:2

Iara magnahaghei te cheke ka ghotilo eidi fagaglana nei kofubobhoi eghu te edi God mae ihei te fnakno kligna lahu te fakakhana ka tahati igre.

Profet Daniel 7:25

Eghuteuna king igne ginauna cheke faparini kolho God mae ihei te fnakno ka maloa kligna igne, nei jaola goigonidi fara nogna naikno mana re. Mana ginauna na fariu riu tuthughu vetula nei narane biꞌo mala tarai teu igre. Eghuteuna nogna naikno God igre ginauna au ke parigna nogna nolaghi mana nabagna thilo finogha namno nhigra.