Profet Daniel 4:12 - Buka Blahi Ka Cheke Holo

¹² Khaklagna gaju igne famane fara. Eghuteuna fuꞌagnare kmana fara, naba te ima naikno gna nauthoglu igne. Eghuteuna buluka nei sipu nei nanigot nei hose teu igre mei gnafa ke parigna gaju igne, eghuteuna nanghajire mei horo gnoku ka gregegnare, eghuteuna thua nafnata glepo te karha ba te tautagu igre mei ghamu ka fuꞌagna na.

Profet Daniel 4:12 ပူးပေါင်းရင်းမြစ်များ

Luku 13:19

Uve, nakarha te funei frunini God na jateula sisi gaju mastad te ikoi fara te joꞌu kaisei mae ka nogna nagare na ia eghu. Kate kotu haghe sisi ikoi igne ginauna gaju biꞌo eghuteuna nanghajire ginauna mei horo nodi gnoku ka gregegnare.”

Profet Esikiel 17:23

Iara ginauna joꞌu ke kligna gna nodi thogele mae Israel, aheva nate ure ka grege gnare. Uve, ginauna na kaisei famane gaju sida. Kmana nafnata nanghaji ginauna mei au ka gaju igne mala horo nodi gnoku, eghuteuna reꞌe ginauna poru ke lamnadi gregegnare.

Lamentations 4:20

King igne neke vavahi Lord, mana jateula te louloku teu eghu nakarhada tahati gre. Tahati gaoghathoda na mana tangomana te reireghi ghita ka keha kantri are neku, nu naoka hata fajiflani mana ka tahati.

Nonomho Te Keli Teke Risoi Mae Mak 13:32

“Tuani fara, theo kaisei naikno te raꞌe laseni narane mala ke pulo meigu iara na. Iara nei engel klignare eghu theome laseni la. Kaisei mae Mama thegna ngala te laseni na.

Matiu 13:32

Sisi igne ikoi fara ka sisi te gnafare. Eghuteuna kate kotu na, gaju igne ginauna kaisei gaju biꞌo fara ke lamnagna nagare na. Eghuteuna ginauna kaisei gaju biꞌo, nabadi nanghajire te mei horo nodi gnoku ka gregegnare.”

Nonomho Te Keli Teke Risoi Mae Mak 4:32

Nu ke leghu na, naꞌa na kotu haghe eghuteuna ginauna na biꞌo lahu ka unha teke joꞌu tahati ka nagare na. Gregegnare ginauna biꞌo fara eghuteuna nanghajire tangomana mei hohoro gnoku ke lamnagna te famane riurifu na.”

Profet Esikiel 31:17

Eghuteuna naiknodi keha kantri teke poru ka naungogna tifa ra, mare jaola lehe soru pari ka Beku baludi mae iheire teke lehe ka magra ra.

Profet Daniel 4:14

Engel igne ne eha eghu fabiꞌo, ‘Ghotilo kato soru gaju igne, eghuteuna ghotilo kato gregegnare, haglu tei khaklagnare, eghuteuna raba tafri fuꞌagnare eghu. Ghotilo brue tei delei buluka, sipu, nanigot nei hose teu te au ke parigna gaju igne. Eghuteuna ghotilo bruedi nanghaji te horo gnoku ka gregegna na are.

Thoutonu Eigna Mae Job 12:24

Mana hata koko nodi glalase hatimare mae king, mala nolo tafri mare ka vido te diꞌa.

Thoutonu Eigna Mae Job 14:7

“Jame kato soru mare kaisei gaju, gaju igne ginauna nake kotu fapulo, eghuteuna grege majaghani ginauna nake kotu haghe.

Thoutonu Eigna Mae Job 14:9

kate au katha khoꞌu na, naꞌa ginauna nake kotu haghe jateula kaisei gaju majaghani eghu.