Profet Daniel 3:25 - Buka Blahi Ka Cheke Holo

²⁵ Mana ne cheke eghu, “Nu ne faꞌunha site filodi iara fati mae te nolo tafri teu lamna khaꞌaghi ra? Theo kaisei phukri ka thinidire, eghuteuna khaꞌaghi na theome ghamudi kolho mare. Fafati mae ka mare igne jateula kaisei engel eghu filo gna na.”

Profet Daniel 3:25 ပူးပေါင်းရင်းမြစ်များ

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Mae Khuru 28:5

Nu mae Pol ne pusi koko mogo na ne khoko lao lamna khaꞌaghi, eghuteuna mana ne theome kabru ghegna kolho.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Thoutonu Eigna Mae Job 1:6

Kaisei narane, kate mei maedi kligna re te kegra ke ulugna Lord na, Satan jaola ne mei kegra ka vido igne baludi mare.

Profet Daniel 3:28

King ne cheke eghu, “Tahati cheke fakelini nanghagna nodi God mae Sadrak, mae Misak nei mae Abenegho! Naugna mana ne kuru meini nogna engel na ne fakarhidi thilo nogna mae gloku te rouronu kolho ka mana igre. Thilo mae igre theome leghuni nogu cheke iara na, neke tirodi maimanihidi keha god delei re, nu thilo mare fatutuani ni nodi God na. Eghuteuna kelitadi kolho te lehe eigna nodi God na.

Nodi Khoje Hatimare Mae Jiu 34:7

Nogna engel Lord na, tangomana te reireghidi iheire te ghatho tahuni mana re, nei atha fadelei ranghidi u puhi te au tadire.

Ululahu Pita 3:13

Mae ihei gne naba te fadiꞌa ghami ghotilo jame te magnahaghei eni fabrahu ghotilo glepo te keli na? Theo kaisei naikno.

Profet Daniel 3:18

Nu jame neuba God ne theome mei fakarhi ghami ghetilo, ghetilo ginauna theome tangomana te pogho soru ka mumuju gol te pogho soruni naiknodi Babilonia te fakegra haghe iagho igne.”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Proveb 30:4

Ihei gne teke haghe kligna eghuteuna ke soru mei tekuna? Ihei gne teke louloku nuri na ka khamegna na? Ihei gne teke totoho nhorora na ka nogna pohe na? Ihei gne teke vuavuhani khukrugna nauthoglu igne? Ihei nanghagna mana na, ba nanghagna thugna mana na? Glahu laseni iagho!

Profet Jeremaea 1:8

Iagho thosei mhaghudi naiknore, naugna iara ginauna na batu nigho iagho.” Igne chekegna Lord teke cheke mei ka iara na.

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Profet Jeremaea 15:21

Iara ginauna atha fajifla nigho ka nodi nolaghi mae te diꞌare, eghuteuna taji fakeli nigho ka mae iheire te fariu riu para nighore.” Igne cheke gna Lord.

Profet Daniel 3:24

Kate filo laodi thilo mare na, mae Nebukadnesa ne jaglo nogna fara ne ghosei kegra haghe. Mana ne ehadi nogna mae biꞌore ne cheke eghu, “Tore! Thilo mae si teke haru tahati teke koko lao lamna khaꞌaghi biꞌo ra, ba nihai sira?” Mare ne cheke eghu, “Uve king, tahati neke haru thilo mae kolho.”

Profet Daniel 6:23

Kate nomhi igne, mae king ne thofno gleale'a fara ne cheke faheta ka nogna mae glokure mala korho hagheni mae Daniel ka khora na. Kate korho hagheni mare mae Daniel ka khora na, mare ne theome filoni kaisei nachrahi ba kaisei thona ka thinigna mana na. Naugna mana ne fatutuani ni God, eghuteuna lion gre theome tangomana te eni kaisei glepo te diꞌa ka mana na.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.