Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Profet Daniel 3:17 - Buka Blahi Ka Cheke Holo

17 Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.

အခန်းကိုကြည့်ပါ။ ကော်ပီ




Profet Daniel 3:17
34 ပူးပေါင်းရင်းမြစ်များ  

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.


Naugna theo kaisei glepo te ninhigrana ranghini God na.”


Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.


Iagho thosei mhaghudi naiknore, naugna iara ginauna na batu nigho iagho.” Igne chekegna Lord teke cheke mei ka iara na.


Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”


God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.


Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”


Tututani, noda God tahati na au kligna, eghuteuna mana au nolaghi te mala eni unha te magnahagheni mana na.


Nu iara theome nanga noguni nakarhagu na. Naugna glepo te ulu na te mala eni fagnafa iara u gloku mala eni iara teku teke tusu mei ka iara noda Lord Jisas. Gloku igne mala toutonuni iara ka naiknore eigna nogna namha biꞌo God.


Mana tangomana te toghodi nei fakarhidi teu iheire te au ka hoholo. Mana tangomana te edi thua nafnata kofubobhoi biꞌo ka maloa kligna, ba ka nauthoglu pari igne. God igne neke fakarhini mae Daniel ka foflodi lion!”


Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’


Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.


Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”


Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”


Puhigu iara te doglo na ginauna farheta ghami ghotilo. Eghuteuna theo kaisei naikno nate para ghami nei famamhaghu ghami teu ghotilo na.


Ba, jame God nomhidi mare, nu theome eni kaisei glepo teuna, ihei gne te au nogna nolaghi te mala chekeni ne jafra mana teuna? Jame God pophoru tathagna nei foflogna teure, ihei gne nate filoni mana na? Nu mana saghe leghudi naikno nei kantri teu igre.


Lord, nakarhadire ginauna jateula kaisei mifi te dofra haghe fei hamerane te ghatho ihoni ra eghu kolho. Kate mei iagho te togho ghau iara na, mare ginauna ari ghatho iho nodadi kolho.


Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.


God neke fakarha ghami ghehati kate namo lehe na, eghuteuna mana jaola ginauna nake fakarha ghami ghehati ke leghu na. Ghehati fatutuani ni fara igne eigna mana na fakarha ghami ghehati fabrahu,


Leuleghu fata na mana toghodi nei fakarhidi eghu naikno te doglo igre. Mana hata fajifladi ka khamedi mae te diꞌare, naugna naikno te doglo igre filo kolho ka Lord te mala toghodi na.


Iara ginauna togho nigho iagho mala kegra heta fari hoteidi naikno igre jateula kaisei gringni te horo mare ka bras ra eghu. Kate magri nigho mare na, mare ginauna theome tangomana te ulu nigho iagho na, naugna iara ginauna na au balumu iagho. Iara ginauna reireghi nigho nei fakarhi nigho eghu.


Iara ginauna atha fajifla nigho ka nodi nolaghi mae te diꞌare, eghuteuna taji fakeli nigho ka mae iheire te fariu riu para nighore.” Igne cheke gna Lord.


King Nebukadnesa ne tei rhegna khaꞌaghi te brana fara igne ne eha eghu fabiꞌo, “Sadrak, Misak, Abenegho, ghotilo thilo nogna mae gloku God ka maloa kligna ra, jifla mei!” Aonu thilo mare ne jifla mei ka khaꞌaghi na.


Aonu King Darius ne chekedi mare mala hata meini mae Daniel mala koko soru lamna khora lion. Kate koko soruni mae Daniel mare lamna khora lion na, mae king ne eha eghu tei ka mae Daniel, “Ghema Daniel, God mae ihei te fatutuani ni nei pogho soruni teu iagho igne na mei fakarhi nigho iagho.”


Kate nomhi igne, mae king ne thofno gleale'a fara ne cheke faheta ka nogna mae glokure mala korho hagheni mae Daniel ka khora na. Kate korho hagheni mare mae Daniel ka khora na, mare ne theome filoni kaisei nachrahi ba kaisei thona ka thinigna mana na. Naugna mana ne fatutuani ni God, eghuteuna lion gre theome tangomana te eni kaisei glepo te diꞌa ka mana na.


Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.


Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ