Profet Daniel 3:1 - Buka Blahi Ka Cheke Holo

¹ King Nebukadnesa ne eni kaisei mumuju ka gol. Brahugna na thokeni varadaki fitu mita, eghuteuna biꞌogna na namo thokeni thilo mita. Mana fakegra haghe mumuju biꞌo igne ka sare Dura ka provins Babilonia.

Profet Daniel 3:1 ပူးပေါင်းရင်းမြစ်များ

Profet Habaku 2:19

Kokhoni ghami fara! Ghotilo cheke eghu koba ka kaisei vido gaju ba ka kaisei thina biꞌo, ‘Dofra! Kegra haghe sagho!’ Ba? Mumuju igne lalase na nomhi ghami nei cheke balumi ghotilo eghu? Thono theo fara. Tutuani, ghotilo hohoro mumuju igre ka silva nei ka gol mala famane filodire, nu theo kaisei nakarha tadi eghu!”

Profet Jeremaea 16:20

Ba, naikno na tangomana te hohoro nogna god thegna na? Theo. Unha glepo te hohoro naikno na theome god tutuani.”

Profet Isaia 46:6

Naiknore tothora nodi gloi re, eghuteuna tofa soru gol ba silva mala skel. Aonu mare folini kaisei mae mala hohoro kaisei mumuju ka gol nei silva teu igre. Gnafa teuna, mare pogho soru ne tarai ka mumuju igne.

Profet Hosia 8:4

Nogu naikno iara igre vavahi nodi king nei mae mala baubatu eghu thedi, nei jaola hohoro nodi mumuju god thedi ka silva nei ka gol. Eghuteuna iara ginauna na roꞌe fahuidi naikno igre.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Profet Isaia 2:20

Ka narane God te fatedi naiknore igne, mare ginauna koko mumuju god teke hohoro ka gol nei silva, mala tei koko ka vido aheva te fodu ka nakusi tagna.

Nodi Khoje Hatimare Mae Jiu 135:15

Nodi god mae bongihehe gre neke hohoro kolho naikno ka silva nei gol eghu.

Ululahu Kings 12:28

Kate ghaoghatho fakelini igne, mae Jeroboam ne edi phei mumuju buluka nalhaꞌudi ka gol. Aonu mana ne cheke eghu ka naiknore, “Kmana fata ghotilo tei tarai koba Jerusalem, nu gognarona ghotilo thosei ke tei jare. Filo si ghotilo. Igre phei nomi god ghotilo maemi Israel ra. Phiamare neke hata kuꞌemi ghotilo tifa ra neke jifla Ijep.”

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.

Profet Jeremaea 10:9

Mae iheire te laseni gloku igne, mare lalaoni mumuju igre ka famane silva teke atha kantri Spen nei ka gol teke atha namono biꞌo Ufa. Aonu mare fapipichi mumuju igre ka famane pohe te ngonge jateula nogna pohe king eghu.

Profet Isaia 30:22

Eghuteuna mumuju god te toku tafru ghotilo ka silva nei gol teu igre, ghotilo ginauna koko jateula glepo te diꞌa ra eghu. Ghotilo ginauna koko glepo igre na cheke eghu ka mare, “Iara tirogu nigho fara.”

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Eksodas 32:31

Aonu Moses neke puloi ka thogele na mala cheke balugna Lord, mala cheke eghu ka mana, “Lord! Nakhibodi mare igne thono diꞌa fara! Mare neke horo kaisei god ka gol neke tarai tagna.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Profet Daniel 3:30

Aonu, King Nebukadnesa ne tusu ranghidi mae Sadrak, mae Misak nei mae Abenegho gloku majaghani te ulu tulao ka provins Babilonia.

Nogna Buka Esta 1:1

Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Profet Daniel 3:14

Mana ne ghusna eghu ka thilo mare, “Tutuani site tiromi maimanihini ghotilo mumuju gol teke lisei haghe iara ignea?

Profet Daniel 5:4

Kate koꞌu teuna, mare ne kilo fnaknoni nodi mumuju god teke horo ka gol, silva, bras, aean, gaju nei thina.

Profet Hosia 2:8

Nu naꞌa theome lasedi gano, nei oel, nei waen, eghu te hata naꞌa are neke tufa iara ka naꞌa. Eghuteuna silva, nei gol teu te lalaoni naꞌa are jaola neke tufa iara ka naꞌa. Naꞌa theome laseni kolho silva nei gol eghu te lalaoni naꞌa te tarai ka mumuju Baal igre, iara teke tufa ka naꞌa re.

Profet Daniel 2:49

Mae Daniel ne toreni mae king eidi mae Sadrak, mae Misak nei mae Abenegho mala funeidi gloku te gnafa ke lamnagna provins Babilonia. Eghuteuna mae Daniel ne loku ka sugagna mae king.