Profet Daniel 2:45 - Buka Blahi Ka Cheke Holo

⁴⁵ Thina biꞌo te phili funu ka thogelero te soru thegna te goigonidi gol, nei silva, nei bras, nei aean, nei glose teu igre, fagaglana gna God mae ihei te au nolaghi fateote'o igne te fakakhana ka iagho unha nate thoke mei ginauna. Eghuteuna gaoghathodi unha te filodi iagho igre ginauna thoke mei tutuani fara.”

Profet Daniel 2:45 ပူးပေါင်းရင်းမြစ်များ

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Jenesis 41:32

God neke fakakhana ari ka iagho phei mifi te kaisei nanaba ngala u gaoghathodire igre, naugna mana magnahaghei te falalase ka iagho unha teke ghathonihi mana nate thoke mei na. Eghuteuna mana neke jaola neke magnahaghei te falalase ari ka iagho glepo nate theome raugha nate thoke mei ginau igre.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Jenesis 41:28

“Jateula teke chekenihi iara ka iagho ia eghu. God na magnahaghei te fatakle ari ka iagho unha nate eni mana agne Ijep na.

Thakle 19:17

Ke leghu na iara ne filoni kaisei engel kegra neu ke kligna naprai. Mana ne eha eghu fabiꞌo ka nanghaji te flalo tafri teu ka maloa re, “Khapru mei ka nogna gaghamu biꞌo God igne!

Thakle 4:1

Ke leghudi glepo igre, iara ne filoni kaisei grengatha ne thora kligna. Ka vido tuana iara neke nomhila naogla teke cheke meila ka iara ulu lahu ia, biꞌo fara jateula khufli eghu, ne cheke eghu ranghi ghau iara, “Iagho haghe agne, iara ginauna falalase ka iagho glepo na te theome raugha te thakle mei nathuꞌu nauriha na.”

Thakle 1:19

“Eghume, iagho mala rioriso soru glepo te thakle mei ka iagho gognaro gre neu glepo nate thakle mei teu thogheiro.

Luku 17:20

Kaisei fata, hatimare mae Farasi ne ghusna eghu ka mae Jisas, “Niha nau si meigna narane te mala funei frunidi God nogna naikno grea?” Mae Jisas ne cheke eghu, “Narane God te funei frunidi nogna naiknore ghotilo theome tangomana te filo glanidi fagaglana biꞌo re.

Matiu 24:35

Maloa ghe nauthoglu igre ginauna hui kolho, nu chekegu iara na ginauna na theo ka huigna.”

Matiu 21:24

Mae Jisas ne cheke eghu ka mare, “Iara na kulu ghusna ghu ka ghotilo kaisei gusna, mala kulu cheke mei ghotilo cheke tughugna na. Iara ginauna chekeni ka ghotilo unha nolaghi te edi iara glepo igre.

Profet Sekaraea 12:3

Nu ka narane tuana, kate loku fodu kantri te gnafa ka nauthoglu igne te mala mei magra Jerusalem, iara ginauna eni Jerusalem mala jateula kaisei thina te thofno tahu fara ra eghu. Mare te gnafa na, mare fariuriu tughani thina igne nu mare ginauna ghoreho kolho thedi tagna.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Daniel 2:24

Mae Daniel ne tei filoni mae Ariok, mae ihei king te vahini te mala falehedi mae glalase igre. Mae Daniel ne cheke eghu ka mana, “Iagho thosei falehedi mae glalase igre. Iagho hata ari ghau iara ka king. Iara ginauna rurutha ranghini mana gaoghathogna nogna mifi mana tuana.”

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Nodi Khoje Hatimare Mae Jiu 135:5

Iara laseni eigna Lord te fnakno kligna lahu na. Uve, noda mae funei tahati na fnakno fara kligna lahu ke uludi keha god te chaichaghi are.

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Thoutonu Eigna Mae Job 36:26

Tahati theome tangomana te lase fakelini nogna nolaghi God na, eghuteuna tahati theome tangomana te kahadi finogha gna manare.

Nehemaea 9:32

“Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nehemaea 4:14

Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Profet Daniel 2:28

Nu God gna kligna na ngala te tangomana te fakakhana glepo te poru igre. Eghuteuna mana neke fakakhanahi ka iagho unha nate thoke mei gna narane leghu lahu na. Iara ginauna toutonuni mifi igne ka iagho, eghuteuna igne unha thuru teke filoni iagho na.

Profet Daniel 2:29

“King, kate thuru teu iagho na, God neke fakakhana ka iagho unha glepo te poru nei unha glepo nate thoke mei ginauna.

Profet Daniel 8:25

Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.

Jenesis 41:26

Fitu buluka te famane blokha igre eidi fitu finogha, eghuteuna fitu nure sopho te keli igre jaola eidi fitu finogha mala bruara. Gaoghathodi phei mifi igre e kaisei nanaba ngala.

Nodi Khoje Hatimare Mae Jiu 2:9

Iagho ginauna na falehedi naikno te gnafa igre ka aean, eghuteuna iagho ginauna na puri nguangujadi jateula suspen thina eghu.’ ”

Profet Hagae 2:22

Kantri te gnafa au king tadi igre, iara ginauna goigonidi mare, eghuteuna iarai ginauna atha fadelei nolaghi na ka mare. Nodi chariot mala magra nei mae soldia teu igre tarabana mala magra fari falehei fari thedi eghuteuna mae soldia balu nodi hose igre ginauna lehe.