Profet Daniel 2:44 - Buka Blahi Ka Cheke Holo

⁴⁴ “Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Daniel 2:44 ပူးပေါင်းရင်းမြစ်များ

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Nodi Khoje Hatimare Mae Jiu 145:13

Iaghou ngala mae King na, iagho mala funei fruni fabrahu tifa e tifa. Leuleghu fata na Lord na tajidi nogna nhaꞌa chekere nei ka gobigna lepo te edi mana re eghu mana falalase ka tahati te keli fara ranghi ghita na.

Profet Daniel 6:26

“Uve, iara magnahaghei te cheke ka ghotilo naikno te gnafa te au ke lamnagna nogu kantri iara igne ra. Iara thofno tore ghami ghotilo mala ghatho tahuni God mae ihei te pogho soruni mae Daniel igne, eghuteuna ghotilo nhaꞌa fapari ghami themi ke parigna God mae ihei te karha fabrahu tifa te tifa. “Mana ginauna na king fabrahu, eghuteuna nogna nolaghi na ginauna na theo ka huigna.

Profet Maeka 4:7

ghotilo neke tei au ka kaisei kantri te khaba fara neke glaꞌe jateula ihei te lehe ghahemi gnara neku. Nu iara ginauna togho ghami ghotilo iheire te karha teura mala kaisei naikno rheta. Eghuteuna iara ginauna funei fruni ghami ghotilo fabrahu tifa tifa ke kligna Thogele blahi Saion.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Profet Isaia 60:12

Nu iara ginauna goigonidi kantri te theome mei loku ranghi ghami ghotilo igre.

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Profet Daniel 2:37

King, iagho fnakno fara salaꞌudi keha king igre. God gna kligna igne neke vahi nigho iagho mala king neku, eghuteuna mana neke tusu ari ka iagho nolaghi.

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Profet Daniel 2:28

Nu God gna kligna na ngala te tangomana te fakakhana glepo te poru igre. Eghuteuna mana neke fakakhanahi ka iagho unha nate thoke mei gna narane leghu lahu na. Iara ginauna toutonuni mifi igne ka iagho, eghuteuna igne unha thuru teke filoni iagho na.

Profet Esikiel 37:25

Mare ginauna au ka namono teke tusu lao iara tifa ka kuꞌedi mare Jekop, nogu mae gloku iara ia. Igne namono teke au tagna kuꞌedi mare tifara. Ginauna mare balu thudi nei iheire nate karha mei ke leghudi mare re teu igre ginauna au fabrahu ka namono igne. Eghuteuna king ka vikegna King Devet igne ginauna funei frunidi mare tifa tifa.

Thakle 2:27

Mare ginauna heta fara kate funei frunidi naiknore, nei mare ginauna thofno roꞌe sorudi nogna naoka God re jateula tahati tangomana te rurhuja kapura eghu kolho.

Jone 12:34

Naiknore ne cheke eghu ka mana, “Tore! Na lehe sagho ia ghema? Ghehati te laseni ka vetula na mae Kraes na mala theome lehe sia, nu mana mala karha fabrahu! Naugna unha site chekeni iagho mae teke mei funugna ka God na na lehe teu gnea? Mae ihei si ‘Mae teke mei funugna ka God’ gnea?”

Profet Daniel 8:25

Naugna mana laseni fara te chaichaghi na, gobigna lepo te edi manare ginauna keli fara leghuni nogna puhi chaichaghi na. Mana ginauna fahaehagheni thegna, eghuteuna kate iho teu naiknore, mana au nogna nabrou te mala goigonidi naiknore. King igne ginauna cheke faparini God mae ihei te fnakno ke klignadi king te gnafa ka nauthoglu igne. Theo kaisei mae tangomana te tapla faparini mana na, nu God ginauna goigonini mana.

Profet Daniel 2:34

Uve, kate filo teu iagho na, kaisei thina biꞌo neke phili funu holo ne sukha thegna ka phei ghahegna teke hohoro ka aean balu glose ukru igre ne klopa.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Profet Daniel 2:35

Eghuteuna aean, nei glose ukru, nei bras, nei silva, nei gol, teu igre ne kafe nghuja ne vuhai nakrofu. Kate mei nuri na, nakrofu igre flalo ne tei dofidi. Nu thina teke sukha teke klopa mumuju igne, ne kegra haghe jateula kaisei thogele biꞌo neu ne toku tafrudi namono te gnafa ka nauthoglu igne.

Profet Daniel 2:43

Gaoghatho gna te ngigno aean balu glose igne, eidi keha king te magnahaghei tolaghi ka thudi keha king di keha kantri are, mala tangomana mare te au fakeli na. Nu mare ginauna na jateula aean te ngigno fodu ka glose igne eghu na theome tangomana te loku fodu na.

Profet Hagae 2:7

Iara ginau uludi keha kantri are, eghuteuna hata nodi silva nei gol teu mare igre, ne mei fafofodu ka Sugablahi igne.

Fapea Samuel 7:13

Mae igne ginauna horo kaisei nogu suga iara mala mei naiknore namo ka iara, eghuteuna vikegna mana re ginauna funei fruni fabrahu tifa tifa.

Fapea Samuel 7:16

Vikemu iagho gre ginauna na theome hui. Eghuteuna iara ginauna vavahi kaisei mae ka vikemu iagho gne mala king fabrahu tifa tifa. Eghuteuna nou sape nafnakno iagho na ginauna theo ka huigna.’ ”

Profet Daniel 6:27

Mana tangomana te toghodi nei fakarhidi teu iheire te au ka hoholo. Mana tangomana te edi thua nafnata kofubobhoi biꞌo ka maloa kligna, ba ka nauthoglu pari igne. God igne neke fakarhini mae Daniel ka foflodi lion!”

Profet Hagae 2:22

Kantri te gnafa au king tadi igre, iara ginauna goigonidi mare, eghuteuna iarai ginauna atha fadelei nolaghi na ka mare. Nodi chariot mala magra nei mae soldia teu igre tarabana mala magra fari falehei fari thedi eghuteuna mae soldia balu nodi hose igre ginauna lehe.