Profet Daniel 2:4 - Buka Blahi Ka Cheke Holo

⁴ Mare pogho soru ka mana ne cheke ka Arameik, cheke gna kantri igne. Mare ne cheke eghu ka mana, “King, iagho te fnakno fara! Iagho toutonu mei ka ghehati nou mifi na. Ghehati ginauna rurutha gaoghatho gna nou mifi iagho igne.”

Profet Daniel 2:4 ပူးပေါင်းရင်းမြစ်များ

Profet Daniel 5:10

Ka vido igne, idogna mana na ne nomhini naoglagna mae king na, baludi nogna mae funei mana re. Naꞌa ne ruma mei ka chogho te ghamu teu mare na ne cheke eghu ka mae Belsasa, “King mae ihei te karha te tifa! Thosei mhaghu.

Profet Daniel 3:9

Mare tei ne pogho soru ke ulugna King Nebukadnesa ne cheke eghu, “King, iagho mae ihei te fnakno fara!

Esra 4:7

Eghuteuna ke leghugna te lehe King Sekses igne, King Atasekses ne funei fruni Pesia, aonu mae Bislam, nei mae Mitredat, nei mae Tabel baludi kheradi thilo mae igre, mare jaola ne rioriso kaisei letas ka king gna Pesia. Mare rioriso tei letas igne ka cheke Arameik, nodi cheke maedi Pesia.

Profet Isaia 36:11

Aonu mae Eliakim, mae Sebna nei mae Joa eghu ne nomhidi nogna cheke mana igre ne cheke eghu ka mana, “Komanda, cheke sagho ka chekegna Asiria, naugna ghehati laseni cheke igne. Iagho thosei cheke Hibru, glahu nomhidi mae te kegra teu kligna ka gringni thina na are nou cheke iagho are.”

Profet Daniel 6:21

Mae Daniel au neu lamna khora baludi lion igre ne eha eghu fabiꞌo, “King Darius, iagho kaisei mae te fnakno fara!

Profet Daniel 6:6

Aonu mare te gnafa na ne kaisei gaoghatho ngala ne tei filoni mae king ne cheke eghu ka mana, “King Darius, iagho mae ihei te karha te tifa!

Ululahu Kings 1:31

Kate nomhini Batseba cheke igne, naꞌa pogho soru ke ulugna king ne cheke eghu, “King, iagho nogu funei iara, iagho king fabrahu tifa tifa!”

Matiu 21:9

Aonu kehare tei ke ulugna mae Jisas. Eghuteuna kehare mei ke leghugna mana. Mare kafe thagru, ne cheke eghu, “Hosanna! Kilo fnaknoni vikegna mae Devet!” “God fablahini mana te mei ka nanghagna Lord!” “Kilo fnaknoni God te au kligna!”

Profet Daniel 5:8

Kate mei mae glalase gre te filoni grioriso igne, theo kaisei mae ka mare te tangomana te iu'ijuni grioriso igne, ba tangomana te rurutha gaoghathogna na ranghini king.

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Profet Daniel 4:7

Nogu mae glalase, nogu mae khaekae nei nogu mae kastom teu igre neke kafe mei filo ghau iara. Iara neke toutonu mifi igne ka mare, nu mare theome tangomana te rurutha gaoghathogna mifi igne.

Profet Isaia 44:25

Iara famamajadi iheire te chaghi nei fariuriu toutonudi teu unha nate thoke mei nathuꞌu nauriha. Eghuteuna iheire te filo haghe ka nathunu are eghuteuna fariuriu chekedi unha nate thoke mei nathuꞌu nauriha teu igre theome tutuani kolho. Iara nhaꞌa faparidi nodi cheke mae te lalase igre mala laseni mare te nodi cheke mare igre theo nafudi kolho.

Nehemaea 2:3

ne cheke eghu ka king, “Iagho king fabrahu tifa tifa! Uve, iara diꞌanagnafagu fara, naugna nogu namono iara aheva teke giugiludi vikegu iara tagnara la groꞌehi. Eghuteuna grengathagna gringni thina na la gnhubrahi ka khaꞌaghi.”

Ululahu Kings 1:25

Ginei na, mana hata kmana buluka, sipu nei sua buluka te blokha neu ne tei fafara. Eghuteuna mana kilodi mae pris Abiata, mae Joab nei thumu te gnafa iagho ra eghu ne tei ima ka fafara igne. Eghuteuna gognarona mare ima nei koꞌu eghu balugna mana, eghuteuna mare eha eghu fabiꞌo, ‘King Adonaeja, iagho king fabrahu tifa tifa!’

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Jenesis 41:8

Hamerane mae king ne kmana gaoghathogna fara ka mifi igre ne kilodi hatimare mae glalase di Ijep, nei hatimare mae kastom te tangomana te mala lasedi ba filodi unha glepo te poru re. Mana ne toutonu ka hatimare eidi phei mifi igre. Nu theo kaisei mae ka hatimare mae igre te tangomana te ruthadi ka mana u gaoghathodi phei mifi igre na.

Jenesis 31:47

Phiamare kiloni nali thina igne ka cheke thedi. Mae Laban ne kiloni Jegara Sahaduta, eghuteuna mae Jekop ne kiloni Galed. Mae Laban ne cheke eghu, “Gaoghathogna na u nali thina igne mala ke ghatho fapuloni noda nhaꞌa cheke ia.”

Fapea Kings 18:26

Aonu mae Eliakim, mae Sebna nei mae Joa eghu ne cheke eghu ka mana, “Komanda, cheke mei sagho ka ghehati ka cheke Arameik. Ghehati laseni. Thosei cheke ka Hibru, naugna naikno gnokro teu ka gringni na kligna are fanomhou.”

Profet Daniel 1:4

Mae igre ne hirodi keha mae majaghani te glalase, nei keha mae te au tadi gaoghatho te keli, ba mae iheire te ghosei te hata glalase, nei theo kaisei glafi thona ka thinidire, nabadi te mala loku ka sugagna king. Eghuteuna king jaola ne cheke ka mana mala farirhiudi mae igre mala lase iu'iju nei rioriso eghu ka cheke gna Babilonia. Eghuteuna mae igre mala lasedi kastom nei glalase eghu te rioriso mare ka kantri igne.

Profet Daniel 2:7

Mare neke cheke eghu ngala ka mana, “King, jame te toutonu mei iagho mifi igne ka ghehati na, ghehati ginauna rurutha gaoghathogna mifi igne ka iagho.”

Profet Daniel 4:9

Beltesasa, iagho phaꞌudi mae glalase te gnafa ra. Iara laseni tharungadi god te blahi igre au balumu iagho, eghuteuna theo kaisei glepo te poru ka iagho na. Eghume, igne nogu mifi iara na, iara magnahaghei nigho iagho te rurutha gaoghathogna mifi igne.

Profet Daniel 6:7

Ghehati te gnafa te loku ke lamnagna nou kantri iagho igne, thilo nou mae funei iagho igre baludi hatimare nou mae minista, sekretri, advaesa, nei mae primia teu iagho ka provins na igre, ghehati magnahaghei nigho iagho te eni kaisei vetula te mala leghuni naikno te gnafa igre. Ghehati magnahaghei nigho iagho te cheke faheta ka naikno igre funu gognarogne ghilei thokeni tolufulu narane. Te chekeni na, theome tangomana kaisei naikno te tarai ka kaisei god, ba ka kaisei naikno na. Theo fara. Naiknore mala tarai ka iagho kolho. Jame ihei te theome leghuni vetula igne na, iagho koko soruni naikno tuana lamna khora lion.